Efeso 1:8 - Iaai Bible 1901 (New Caledonia)

⁸ waleji e ame ham gânâ köta hnyi metâ hia, me wâ wia hia,

Efeso 1:8 ပူးပေါင်းရင်းမြစ်များ

Salamo 104:24

Iehova lö, shaiba ge ûsehiainy ânyâm ta je huliwa! U je hia but huliwan hia thithö ge metâ: A unöngötö hmeledrany ge tang omjehem.

Ta je Vejec 8:12

Inya, a metâ, oge hia but ip wâ tremangâ hnân dok oge me laba hnyin, Oge me elâm wia wâhmakhmeto, ke hna ânyâ ae ûcû.

Isaia 52:13

Wâ bi, ame he athnyabaik ka ânyâ ûnyi ae metâ, adre me he ka ogöranyâ e, me obeönua e, me e ame he ka gorany hmonyin.

Mataio 11:19

Ke ame o but Nokon at, me ame han me ic, ke haingödra, ka habe, Wâ bi, at ae hwenhmiâ me beic waina, hanen ta je telona me tavat ae kong! Ke haba ûnyi hnân haisoâ metâ, me huliwainy.

Roma 11:33

Shaiba ge ûdiliny metâ ae nua me wâ ûnykûme anyin Khong! e iyong hmonyin anyin owisa, ke ca hnân wâ bi deny ta je gethen!

Roma 5:15

Ke ca tha ûcû bi hna hanyâûâ me hna ham bâûâ. Anyin ame ne mok ut tavat ae se hia ûnyi ge monu anyin at a khaca, awe, ame he ka ti si ibetengiö baû anyin Khong, me hna ham hnen ibetengiö baû anyin at a khaca, Iesu Keriso, ka tavat ae se hia.

I. Korinito 2:7

ke ohmun e ha metâ anyin Khong ûnyi ae iyong, waleji adre me ikhâlâ, ke a ip hnen Khong adrem ke tiga hia bi hmeledrany hnân ogânʼ öta:

Efeso 1:11

ke hu minya jekhöûta unyin, ke adre ip öta adrem helâ me weny, wale at ame huliwan ta je ûnyi hia hoton ûnykûmenen weny;

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Efeso 1:9

ke e ame omanenâ köta ûnyi ae iyong hnyi weny, hoton weny ae so, waleji e ame bân ka ûnykûme ûnyi gan

Efeso 3:10

mʼ adre me he ka omanenâ walang ang ka ta je than me ta je musi hnyi je dok ethö hnyi drany, metâiny Khong ae ve bongon, a deny ekalesia,

Kolose 2:3

at adre ikhâlâ unyin ta je omjeûiny hia metâ me wâ ûnykûme.

Juda 1:25

e so e unyin Khong a khaca, At a omeliʼ öta a deny Iesu Keriso a Tuhöta, hmanenang, me mec, me musi, me man, hwan adrem balua, me walang ang, me nyiele balua. Amen.

Hna Omanenâ 5:12

ke adre me ha hnen ifucin ae gan, ka habe, E ûcû ka Arenio waleji adre hlingâ he ka kap man, me tang omjeû, me metâ, me tang hwege, me hna ogöranyâ, me hna ogânâ, me hna haisoâ.