Efeso 1:7 - Iaai Bible 1901 (New Caledonia)

⁷ ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Efeso 1:7 ပူးပေါင်းရင်းမြစ်များ

Jobu 33:24

Awe, e ame he ka betenge gan me ha, ka habe, Omelö e me me ca ut kâû ka hnyi thop, Anyin a oge me wâ but hwaban möt.

Salamo 130:4

Ke u thibi at ame thang degecâ, Mʼ adre me he ka outö u.

Salamo 130:7

Isaraela lö, geju Iehova ju; Anyin ae unyi Iehova ibetengiö, Ke gan hmâ ûhomeli unyin.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Esodo 34:7

at ame tuö ibetengiö hobi kâu ta je thauzan, me degecâ monu me hna hanyâûâ me hwakecin ae monu: kʼ ame ca he ka ha me ba hulö anyin tavat ae kong; kʼ ame bi hwaban monu anyin je kamen ka lakon, me laöbiny, ke ne o but hnyi dö a kuniny me vakiny.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Jeremia 31:34

ke adre me ca he hmetu ka ve nâ tavat ae hakekeny kodra, me je liamekeiny mödra, me ha, ka habe, Khanʼ öbun dö Iehova: anyin adre me he hia ka khanʼ ödra inya, hwâu ge ta je hoûmonu ke ne o but ka tavat ae beönua, haingö Iehova: anyin oge me he ka hna but hwakecidra ae kong, ke oge me ca be hmetu ka ûnykûme anyidra ta je hulo.

Daniela 9:19

Than lö, löng ju; Than lö, thang degecâ but; Than lö, tevehlöng ju, me ânyâ; ca bec bi; ûnyi gam e Khonguk lö, anyin adre wenyö iâm hon taun me lakem.

Daniela 9:9

E unyin Than a Khonguhmun ibetengiö, kʼ ame thang degecâ hulo; anyin a öhmun e hia but ûkhin fuc kâu;

Jona 4:2

Me e ame hic kö Iehova me ha, ka habe, Iehova lö, hawa, ca hok e ke tiga inya bi hnyi ik hnyei? Anyin a wale oge me kec ehac Tasesa ai: anyin ae khanö nya a u Khong ae betenge, me betenge vec, me bec he ka hmonyin, ke gan hmâ so, ke at ame ietra ûnyi ae kong.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Zakaria 9:11

Ke haba u, can dren ûhihinyköu möu, me oge hia but kunâ tavat adre ca gam ûnyi hnyi thop ae ba köien.

Mataio 20:28

helâ me Nokon at a ca o me me he ka bi athnyaba kâu tavat, ke so bi he ka bi athnyaba me ham anyin möt hnân hwaban melen tavat ae se hia.

Mataio 26:28

anyin a walang drök ûnyi hnyi ûhihinyköu, adre me hingâlâ e hobi kâu tavat ae se hia, me hnân thang ta je hulö.

Mataio 6:12

Thang ut ta je monu gahmun, helâ me hnöhmun hna thang ut ta je monu gadra adre me okongu ohmun.

Mareko 14:24

Ke e ame ha ködrin, ka habe, Walang drök ûnyi hnyi ûhihinyköu, wale adre hingâlâ hobi kâu tavat ae se hia.

Luka 1:77

He ka o wâhmakhmetoâ lakeiny ge ûhomeli Wale he ka thang anyidra ta je hulö,

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Ioane 20:23

haba ta je hulö anyin tavat öbun e hna, me adre me thang gadra; ke haba hnobun hna ca thang, me ame ka hnen ju.

Ta je huliwa 10:43

Ame ohnathoâ gan hnen ta je perofeta hia, a adre me he ka thang degecâ but ta je hulo hia anyin tavat adre me labageju kâu, ûnyi hnyi ien.

Ta je huliwa 2:38

Haingö Peteru kodra, ka habe, Ietra ju, mʼ adre me ve bapataisoi öbun hnyi iö Iesu Keriso, mʼ adre me thang degecâ but anyibun ta je hulo; me öbun e he bi ka kap bwihlany a Hanu Kap.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Ta je huliwa 3:19

Anyin a wale ietra ju öbun me hwio thö, mʼ adre me he ka kot degecâ but anyibun ta je hulo, me me he ka o but je ûen hnân okahwa ûnyi ge Than;

Roma 2:4

Hawa u je hociâ omjeû wale hwakecin ae so, me hokhnyok, me lingvec, ke u me ca wâhmakhmetoâ a gʼ ame lili u ka hnyi ietra, hnen hwakecin ae so anyin Khong?

Roma 3:24

ke adre me haisoâ bâûâ bi öta hnen anyin ibetengiö ûnyi ge ûhomeli wale unyin Keriso Iesu:

Roma 3:25

a hut ame oâ hnen Khong, deny labageju ka hnyi dren, mʼ adre me he ka omanenâ hwakecin ae wisa ûnyi hnyi hnen hna thang ut ta je hulo adre ânyâ ehac, ûnyi hnyi hokhnyok beû hmâ anyin Khong;

Roma 9:23

me me he ka omanenâ ûnyi hnathuiny anyin hmanenang ka ta je utkainy ibetengiö, waleji e ame penapena hnân hobi kâu hmanenang,

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

II. Korinito 8:9

Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.

Efeso 1:14

waleji haten hnân ohnathoâ jekhöûta, ke ne o but adre me he ka omelö tavat adre ûco, hnân ogânâ anyin hmanenang.

Efeso 1:18

me obwela li emakan je hnyekubun, me me khanʼ öbun dö gejon hnyi hnen hna hawâ, me ûnyi hnathuiny hmanenanginy jekhon unyin wakap,

Efeso 1:6

hnân ogânâ hmanenanginy anyin ibetengiö baû, waleji a betenge baû köta ûnyi ge Oûnykûminy:

Efeso 1:8

waleji e ame ham gânâ köta hnyi metâ hia, me wâ wia hia,

Efeso 2:4

ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta,

Efeso 2:7

me me he ka omanenâ hnyi ta je dö ame he ka o ûnyi hnathuiny anyin ibetengiö baû hnyi hwakecin ae so köta, ûnyi ge Keriso Iesu:

Efeso 3:16

me me he ka ham köbun, hoton ûganiny anyin hmanenang, he ka ohwegi öbun ge man ûnyi hnyi Hanu hnyin at eû hnyi hnyibun;

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Filipi 4:19

Ke ame he Khonguk he ka ham ta je ûnyi ae ûcû köbun, hoton hna ûkhöûnâ anyin hmanenang unyin Keriso Iesu.

Kolose 1:14

ûnyi gan bi e hu hwaban anyita möt, wale he ka hna degecâ ta je hulo:

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

Kolose 2:13

Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia;

Kolose 2:2

mʼ adre me he ka okahwa je hnyekudra, kʼ adre ûhûjâköuâ hnyi betenge, ke hnyi tang omjeû hia wale hna tha kap me wâ ûnykûme, mʼ adre me he ka wâhmakhmeto ûnyi ae iyong anyin Khong, wale Keriso,

I. Timoteo 2:6

waleji at ame ka hamen ham e bi hnân ûcû melen tavat hia thithö; mʼ adre me he ka ohnathoâ hnyi je ûen ae ûcû;

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Tito 3:6

waleji e ame hingâlâ gânâ köta ga Iesu Keriso At a omeli öta;

Heberu 9:22

Ke wakhalet thiju ta je ûnyi adre me ca obosoâ ge dra hnyi hnanyibu, ke ba minya hna thang ut hulo e ka ca hingölö dra.

I. Peteru 2:24

waleji at a hake vadren anyita ta je hulo ge unyin hon ûö, mʼ ate me he ka möt ka hwakecin ae wisa, anyin ate me mok ut ûnyi hnyi hulo; anyin adre me omeli öbun ge hwadeny hnân ta je osö.

I. Peteru 3:18

Anyin ae okhaca hom vec Keriso can hulo, wale ae wisa me hwaban tavat ae ca wisa hwakecidra, me me he ka lili öta ka Khong: adre hlingâ e hnyi unyin, ke adre omelö e hnyi hanu;

I. Ioane 2:12

Inya oge me set köbun je wanakat, anyin adre hna degecâ anyibun ta je hulo ûnyi hnyi ien.

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

I. Ioane 4:10

Wale thibi ang ibetengiö, ca hnöta hna hnyok ka Khong, ke so bi hnen hna hnyok köta, me hna kunâ Nokon hnân hut can anyita je hulo.

Hna Omanenâ 14:4

Ödrin je hnyat a ca hamödrin okongu ödrin unyin omomo; anyin a ödrin so. Ödrin je hnyat adre me hnu hoton Arenio ka hnyi je dok ame he hnyin. Ödrin je hnyat adre ûco unyin tavat, me hnân wan a bân hobi kâu Khong me Arenio.

Hna Omanenâ 5:9

Ke adre me khumöngö khumöng a teb ûnyi, ka habe, U thibi a u ûcû he ka hom tusi, me khong je hna ohmâ haten: anyin adre hlingö u, ke u je ûco hobi kâu Khong ge drâm tavat ûnyi hnyi ta je tribu hia thithö, me je hwen hnyei, me je hnyei me tavat,