Efeso 1:22 - Iaai Bible 1901 (New Caledonia)

²² ke e ame ip ta je ûnyi hia hnyi hmelen li can, me hna but kâu he ka bi ban ta je ûnyi hia thithö hobi kâu ekalesia,

Efeso 1:22 ပူးပေါင်းရင်းမြစ်များ

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Salamo 91:13

U me he ka uto liona me asip: U me he ka uto nak liona me on ge li cam.

Mataio 16:18

Ke inya oge me ha köu, ka habe, U Peteru, ke hnyi hon veto ang, oge me he ka otilâ anyik ekalesia; ke ame ca he ka hwege ta je homagouleny hedis hon e.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

I. Korinito 11:3

Ke wek e me khanʼ öbun a haba Keriso, me ban obaga hia; ke haba obaga, me ban omomo; ke haba Khong, me ban Keriso.

Efeso 3:21

me so adre ogânâ e hnyi ekalesia me hnyi Keriso Iesu hnyi ta je dö hia nyiele nyiele balua. Amen.

Efeso 5:23

Anyin a ban momo baga, helâ me Keriso a ban ekalesia, ke e thibi omelen unyin.

Kolose 1:18

Ke e thibi ban unyin, wale ekalesia: e thibi can, atöiny tavat ûhedra hnyi hna mok; me me he ka beönua hon ta je ûnyi hia thithö.

Kolose 1:8

ke e ame omanenâ köhmu anyibun ibetengiö hnyi Hanu.

Kolose 2:10

kʼ adre me ounöngöti öbun ûnyi gan, kʼ ame ban at eling hon ta je musi me ta je man hia thithö;

Kolose 2:19

kʼ ame ca kât hmâ bi Ban, wale at a ûnyi gan unyin hia thithö, adre ûhûjâköuâ hnen ta je outhunyin me toiny, ame hûhûö, a öhûhûö hnen Khong.

I. Timoteo 3:15

ke iny ka bec, mʼ u me he ka wâhmakhmetoâ hwakecin ae ûcû ka tavat hnyi uma umen Khong, wale ekalesia anyin Khong ae möt, me hmolom me taben hnathu.

Heberu 2:8

U je ip ta je ûnyi hia thithö hnyi hmelen li can. Anyin a haba hnyi hnen hna ip eû hnyi hmelen ta je ûnyi hia, me ba biju ke ûnyi adre me ca ip hnyi hmelen. Ke walang ang, öta tiga ca wâ ta je ûnyi hia eû hnyi hmelen.