Efeso 1:20 - Iaai Bible 1901 (New Caledonia)

²⁰ waleji a huliwa hnyi Keriso, hnyi hnen hna omelö hmetu thö ûnyi hnyi hna mok, me olaba e hnyi ke keihen a metân ethö hnyi drany,

Efeso 1:20 ပူးပေါင်းရင်းမြစ်များ

Salamo 110:1

HAINGÖ Iehova ka tuhok, ka habe, Laba ju hnyi ke keihök a metök, Ke ne o but oge me he ka wia ta je iwahnaihmiöny möu me hnân taben li cam.

Daniela 7:14

Ke adre me ham kâu musi, ke hmanenang, ke dokhu, me me he tavat hia, ke ta je hnyei, ke je ve hwen hnyei ka bi athnyabainy: ke haba anyin musi, me musi ae tethmâ, kʼ ame ca he ka hia; ke haba dokhon dokhu, me adre me ca he bi ka ohia.

Mataio 26:64

Haingö Iesu ame ha kâu, ka habe, U me ha e: ke inya oge me ka köbun, ka habe, Nyiele öbun e he ka wâ Nokon at ame laba hnyi ke keihen maniny man a metân, kʼ ame he ka o hnyi ûlâiny drany.

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Mareko 14:62

Haingö Iesu ame ha, ka habe, Inya ang: ke öbun e he ka wâ Nokon at ame laba hnyi ke keihen metân man ame tha he me ta je ûlâiny drany.

Mareko 16:19

A hia but ha ködrin Than, me adre me kap dö e hnyi drany ai me ip e hnyi ke keihen metân Khong.

Ioane 10:18

E ba at ame hûgûnâ e gak, ke inya oge me ham ka ûnyi gak. E hu man gak he ka ham e, ke hu man minya gak he ka hom hmetu. Wale hnanyibu oge me kap ûnyi ga Cica.

Ioane 10:30

Haba inya me Kamen, me ohmu khaca thibi.

Ta je huliwa 10:40

Ke haba Khong ame omelö hmetu e hnyi bong a kuniny, me ti omanenâ e,

Ta je huliwa 26:8

Ieû gabun öbun e ûnykûme, ka habe, ca hnân bi kap a gʼ ame he Khong ka omelö hmetu thö tavat adre me mokcu?

Ta je huliwa 4:10

wâhmakhmeto ju öbun hia, me tavat Isaraela hia, a hnen iö Iesu Keriso at Nazareta waleji obune osatauroâ, ke Khong ame omelö hmetu thö e ûheny hnyi hna mok, haba ûnyi thibi gan, me ame tot at ang hnyi hnyimaköbun adre osoâ.

Ta je huliwa 5:31

E thibi at Khong ame ogöranyâ hnen hnyamen a metân hnân Than me At ûhomeli, me me he ka ham ka at Isaraela ietra, me hna thang ta je hulo.

Roma 1:4

ke adre me haimemenâ e thibi Nokon Khong tha e me man ûnyi ge hanon hwakecin ae kap, hnen nnöt hmetu ûnyi hnyi hna mok; wale Iesu Keriso a Tuhöta,

Roma 8:34

ke ie at ame he ka ohnaûhangoâ? Hamen Keriso, at ame mok me möt hmetu ûheny hnyi hna mok, e but hnyi ke keihen metân Khong, kʼ ame khöû hobi köta.

Efeso 1:3

Haisoâ Khong me Kamen Tuhöta Iesu Keriso, at ame hia but ohnahici öta ge ta je hnahicin hanu hia hnyi ta je dok hnyi drany ûnyi ge Keriso:

Filipi 3:10

mʼ oge me he ka wâhmakhmetoâ e, me maniny möt hmetu a e, me he ka tha hnyok mē hnyi vec, me tha ûcû më hnyi imekiny;

Kolose 1:16

anyin adre op ta je ûnyi hia thithö ûnyi gan, ta je ûnyi ethö hnyi drany me eang hmeledrany, ta je ûnyi ae manen, me ta je ûnyi ae ca manen, me ta je theron, me ta je dokhu, me ta je musi, me ta je man; adre hia but op ta je ûnyi hia thithö ûnyi gan, me hobi kâu;

Kolose 3:1

ANYIN a wale, adre ne hia but tha omeli öbun hmetu me Keriso, elâm dʼ öbun ta je ûnyi ethö, wale dok ame laba hnyin Keriso hnyi ke keihen a metân Khong.

Heberu 1:3

ke e thibi hadröngöcin anyin hmanenang ke at a ti we e, kʼ ame otilâ hmâ ta je ûnyi bia thithö ge hwan hofuc ae man, ke a hia but hneû degecâ ta je hulo, me e ame laba ju hnyi ke keihen a metân Beönua ethö;

Heberu 10:12

ke haba e, hwaban hnen hna hudo hut a khaca can ta je hulo nyiele balua, me e ame laba ju hnyi ke keihen metân Khong;

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 2:9

Ke ate me ō Iesu, at adre hia but wia e me omi ûhnyûkong hmelen ta je angela, kʼ adre me obicâ ge hmanenang me hna ogânâ, anyin a e ame hom vecin mok, me me vheno mok hobi kâu tavat hia thithö hnen ibetengiö bâu anyin Khong.

I. Peteru 1:3

E so he ka haisoâ Khong me Kamen Tuhöta Iesu Keriso, at a hnöku öta hmetu, hoton anyin ibetengiö ae gan, ka hnyi geju ae möt, hnen möt hmetu thö a Iesu Keriso ûnyi hnyi hna mok,

Hna Omanenâ 1:17

Ke oge me wâ e, me oge me ta hnyi hmelen li can helâ me at a mokcu. Me e ame ip hnyamen a metân huk, me ha, ka habe, ca ot; Inya ang a bân me biliny,