Efeso 1:13 - Iaai Bible 1901 (New Caledonia)

¹³ waleji öbun minya, öbun e long hofuc ae hnathu, wale ûthumetu ae so hnân hobi kâu anyibun möt, —waleji öbun e labageju kâu, kʼ adre me otethmʼ öbun hnen Hanu Kap waleji adre me ha bânâ,

Efeso 1:13 ပူးပေါင်းရင်းမြစ်များ

Salamo 119:43

Ke ca he ka hom hia ûnyi hnyi hnyi mök hofuc ae hnathu; Anyin a oge hia but gejon hnâm je hna owisa.

Joela 2:28

Ke hwaban e, oge me he ka hingâlâ hanuk hon tavat hia thithö; ke ame he lakubun obaga me wahlu ka perofeta, ame he wahingatibun ka bwo je bwi, ame he wahidröu unyibun ka wâ je hna omanenâ:

Luka 11:13

Anyin a wale, a ne mabun tavat ae monu he ka wâhmakhmetoâ hna he ka ham ta je ûnyi ae so ka lakubun, awe, ame ca he bi Kamöbun ethö hnyi drany ka ham Hanu Kap ka tavat adre me sumâtâ e?

Luka 24:49

Ke wâ bi, inya oge me he ka kunâ köbun hna ha bânâ ga Cica: ke so öbun e he ka mē laba hnyi taun ke ne o but öbun e he ka hu man ûnyi ethö.

Ioane 1:17

Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Ioane 14:26

Ke haba Ûhadruo, wale Hanu Kap ame he Kamen ka kunâ hnyi iök, me e ame he ka nʼ öbun ge ta je ûnyi hia, me oûnykûmi öbun ge ta je ûnyi hia oge hia but ha köbun.

Ioane 15:26

Ke e ka o Ûhadruo wale oge me he ka kunâ köbun ûnyi ge Kamen, wale Hanon hnathu, at ame he but ûnyi ge Kamen, me e ame he ka ohnathu nya:

Ioane 3:33

Ke haba at ame kap hnen hna ohnatho, me wale at ame bi haten a e hnathu Khong.

Ioane 6:27

Ca huliwa bi hobi kâu jeû wale ûnyi ame he ka bobot, ke so bi jeû ae tet hmâ ke ne o but ka hnyi möt ame ca ba balua, wale ame he Nokon at ka ham köbun: anyin a wale at Kamen ame okeceâ haten hon, wale Khong.

Ta je huliwa 1:4

ke hnyi ke ûen e ame tha laba mödrin me hûna ködrin a ödrin e ca he ka vese ûhedrin Jerusalema, ke ödrin e he bi ka halubahingen ûnyi ame ha bânâ Kamen, haingen, ka habe waleji öbun e long ûnyi gak:

Ta je huliwa 13:26

Hnyat me lakeiny lö, je lakon je mâtrâni Aberahama, me tavat adre me outen Khong unyibun, adre kunâ köta hofucin ûhomeli ang.

Ta je huliwa 2:33

Ke walang ang e ame laba goranyai ûnyi ge hnyam a metân Khong, kʼ ame hia but kap ûnyi ge Kamen Hanu Kap waleji e ame ha bânâ, me e ame hingâlâ but ûnyi ang öbun e wâ me long.

Roma 1:16

Anyin a inya oge me ca hmehma ge ûthumetu ae so: anyin a wale man maniny Khong hnân omelö tavat hia thithö adre me labageju; ka at Juda a bân, me ka at Heleni minya ju.

Roma 4:11

ke e ame kap haten, wale peritom, hnân bi haten hwakecin ae wisa, a anyin labageju kʼ adre tiga ca peritomonâ: me me he ka kamen tavat hia adre me labageju, kʼ adre ne ca peritomoni ödra, mʼ adre me hâiâ hwakecin ae wisa kodra;

Roma 6:17

Ke oleâ ju ka Khong, anyin a öbun e bi athnyabainy hulo ehac, ke walang ang öbun e long ge hnyekubun hoton tulutiny hofuc adre me hnʼ öbun ka hnyin;

II. Korinito 1:22

waleji at ame okeceâ hmâ hatöta, me ham köta haten Hanu eû hnyi je hnyekuta.

II. Korinito 6:7

me hnyi hofuc ae hnathu, me hnyi man maniny Khong; hnen omjehen vatiny hwakecin ae wisa hnyi ke keihen metâ me me,

Galatia 3:14

me me o but hnahic anyi Aberahama ka Aten je hnyei ga Keriso Iesu; me me hu thö köta hnen labageju Hanu adre ha bânâ.

Efeso 4:21

öbun e ne long kâu, me ûne unyin helâ me hnathu unyi Iesu:

Efeso 4:30

Ke ca he öbun ka ovecâ Hanon Khong ae Kap, wale at a bi hatöbun ke ne o but hnyi bonginy ûhomeli.

I. Thesalonika 2:13

Waleling mʼ öhmun e ca menâ ole ka Khong, anyin a öbun e kap hofuc hwan ûthumetu ûnyi gahmun, waleji hofuc hwan Khong, me öbun e ca kap helâ me hofuc hwan at, ke hofuc hwan Khong wale ae hnathu, kʼ ame huliwan minya je hnyekubun tavat labageju.

II. Timoteo 2:15

Hwege thö, me u me ka omanenö u bi a gʼ ame kap soi u Khong, mʼ u at huliwa ae ba hnân ohmehma, at ame huliwa wia hofuc ae hnathu.

II. Timoteo 2:19

Ke ame tethmâ taben ae hwege anyin Khong, ae hu hna ohmâ haten eang, ka habe, A wâhmakhmetoâ but Than ta je aten: ke, Hamödra hia adre me hawâ ien Than he ka ûsâkâûö me hwakecin ae kong.

II. Timoteo 3:15

ke e khanö u ta je hna sihnalimen ae kap, kʼ u tiga mendreng, wale ae khana he ka ometö u ka hnyi möt a deny labageju ka Keriso Iesu.

Tito 2:11

Anyin a manen dut ibetengiö baû anyin Khong, wale ame hom möt ka tavat hia thithö,

Heberu 2:3

ate me he ka kâmâu ka kec möt ut, öta ka ca oûnyihnatho möt ae nua helâe? waleji a bân Than ka ha, me ame ohnatho köta hnen tavat adre hnyi löng;

Iakobo 1:18

E ame hnöku öta ge hwan hofuc ae hnathu hoton weny, mʼ ate me he ka helâke je wan a bân ge ta je ûnyi e ame op.

Iakobo 1:21

Anyin a wale, degec ut ikiki hia me monu ame si but, ke kap ju ge hnyok ae menyik hofuc adre tā, wale ae khana he ka omelö je hanubun.

I. Peteru 2:10

waleji a ca aten dokhu ehac, ke aten bi dokhu dokhon Khong walang ang: waleji a tavat adre ca betenge gadra, ke adre betenge bi gadra walang ang.

Hna Omanenâ 7:2

Ke inya oge me wâ ke angela ame o jimeyö, ke e unyin hna ohmâ haten anyin Khong ae möt: ke e ame hongot ge ifucin ae gan ka je angela a vak waleji adre ham ködrin he ka okongo hmeledrany me köiö,