Deuteronomi 9:9 - Iaai Bible 1901 (New Caledonia)

⁹ Hnyi ûen oge me öliâ bucen he ka kap li veto ae hu, a li vetoiny ûhihinyköu waleji a ânyâ Iehova möbun, ke oge me laba hnyi bucen fâte je lany ke fâte je lit; kʼ oge me ca han me ic.

Deuteronomi 9:9 ပူးပေါင်းရင်းမြစ်များ

I. Je Than 19:8

Me e ame todrö me han me ic, me e ame he fâte je bong ke fâte je lit ge troban han eling, ke ne o but hnyi Horeba bucen anyin Khong.

II. Je Than 6:22

Ke e ame thu, ka habe, U me ca be ka kuc ödrin: hawa, u me he ka kot je hna hwenbâ ge ânyâm hele vat me cafana? ha ödrin me habelidrin, me ödrin e he ka han me ic, me hmetu ka tuhödrin.

Esodo 24:12

Ke Iehova ame ha kö Mose, ka habe, Ölö thö könya hon bucen, me laba eling: ke oge me he ka ham köu li veto ae lau, me hnanyibu me je hna hûna waleji oge sihnalimen, mʼ u me he ka ûne.

Esodo 24:15

Ke haba Mose ame öliâ bucen, kʼ ame khavâ bucen hnen ûlâ.

Esodo 24:18

Ke Mose ame dit ka hnyin ûlâ me öliâ bucen: ke ethö Mose hon bucen fâte je lany ke fâte je lit.

Esodo 31:18

Ke e ame ham kö Mose li veto ae lau anyin ûnyi hnân ohnatho, li veto ae lau a sihnalimen ge hnyamen Khong, hnyi ûen e ame um dö ûhnenamö më hon bucen Sinai.

Esodo 32:1

KE a wâ but tavat a ga bec Mose he ka utut ûnyi hnyi hon bucen, me ame ûkhacaköu tavat unyi Arona, me ha kâu, ka habe, Todrö ka ânyâ ke khong hnân hobi köta me me hnyimakan anyita bunyen; ke haba Mose waleji at ame hum ota ûnyi hnyi hnyei Aigupito, me ca khanʼ öta ûnyi a o kâu.

Esodo 34:28

Ke e ame laba eling tha e me Iehova fâte je lany ke fâte je lit; ke ame ca han, kʼ ame ca ic. Ke e ame sihnalimen hon li veto ae lau je hofucin ûhihinyköu, wale je hnanyibu a ten.

Mataio 4:2

Kʼ ame ca han hnyi fâte je lany ke fâte je lit, ke hwaban dö e, me ame mekihnânem.

Galatia 4:24

Haba ta je ûnyi e me hnân ûhoûcû: anyin a haba li momo e, me li ûhihinyköu; khaca ûnyi hnyi bucen Sinai, kʼ ame hnokoâ ka hnyi hwenbâ, waleji Hagara.

Deuteronomi 8:3

Ke e ame oûhnyûkongi u, me omekihnânemi u, me hâm ge mana, wale ûnyi ae ca khanö u, ke ca khana minya lakâmâm; me me khanö u thö a gʼ ame ca möt at hnen thibi areto, kʼ ame möt bi at hnen ta je ûnyi hia ame o ûnyi hnyi hnyimö Iehova.

Deuteronomi 9:11

Ke a um dö je lany a fâte me je lit a fâte me haba Iehova ame ham könya li veto ae lau, a li vetoiny ûhihinyköu.

Deuteronomi 9:15

Waleling me oge me hwio me utut ûhek hon bucen, ke ame hiâ thö bucen ge meic: ke e bi hnyi li hnyamok li vetoiny ûhihinyköu.

Deuteronomi 9:18

Ke oge me ta ju hnyi hnyimakö Iehova helâ me a bân, fâte je lany, ke fâte je lit; kʼ oge me ca han me ic; can anyibun ta je hulö hia, waleji öbun e ânyâ hwakecibun ae kong hnyi hnyimakö Iehova me ohmönyinâ.

Heberu 9:4

ke eling taben meic gol, me tangen ûhihi-nyköu adre tube ge gol, ke eû hnyin e kaia gol ae hu mana hnyin, me uci anyi Arona ame vhong, me li taben ûhihinyköu;