Deuteronomi 9:7 - Iaai Bible 1901 (New Caledonia)

⁷ Ûnykûme ju, me ca he ka hnying hi ge hnâm hna ohmönyini Iehova Khongom hnyi hnyebuba: hwân hnyi bong u je hna but hnyin hnyei Aigupito, ke ne o but iöbun ang, me öbun e labö ûkhin fuc me Iehova.

Deuteronomi 9:7 ပူးပေါင်းရင်းမြစ်များ

Esodo 14:10

Ke Farao ame hakekenyâ, me lakon Isaraela adre me wâ, ke wâ bi ame hnu hotudra at Aigupito; kʼ adre me ot gan hmâ: ke lakon Isaraela adre me tenge kö Iehova.

Esodo 14:11

Ke haingödra kö Mose, Hawa, e ba je erkemok hnyi Aigupito, mʼ u me hum ohmun ka mok ang hnyi hnyebuba? Ieû ang u je ânyâ köhmun, ka hum ohmun ûhehmun Aigupito?

Esodo 16:2

Ke haba ûkhacaköu hia anyin lakon Isaraela adre me etrö Mose me Arona hnyi hnyebuba:

Esodo 17:2

Waleling me me he tavat ka û Mose, me ha, ka habe, Habelihmun. Ke Mose ame ha ködra, ka habe, Ieû gabun öbun e û nya? Ieû gabun öbun e cubic Iehova?

Esodo 23:21

Wâ wia e bi, me löng hoton hwan hofuc: ca he ka ohmönyinâ: anyin a e ame ca he ka hna degecâ hnâm ta je hna hanyâûâ; anyin a eû hnyi hnyekon iök.

Isaia 48:8

Eke, u je ca long; eke, e ca khatö u, eke, adre ca khong li hnyikönyâm hwân ehac: anyin ae khanö nya a u at iyawo gan hmâ, ke u at hanyâûâ hwân hnyi hnyekon hinyâm.

Jeremia 11:10

Adre me hmetuhmetu but ka je hulo anyin lakamödra waleji adre me höcö long hok ta je hofuc; ke adre me hnu hoton ke je khong he ka bi athnyaba ködrin: a hia but lap anyi Isaraela me lap anyi Juda thamuâ ûhihinyköu, waleji oge khemanyinâ ka lakamödra.

Jeremia 32:30

Anyin a haba lakon Isaraela me lakon Juda, adre me ânyâ thibi ûnyi ae kong hnyi hnyimakök, hwân kʼ ödra tiga hidröu: anyin a lakon Isaraela adre me labö ohmönyini nya ge ta je huliwa anyin je hnyamödra, haingö Iehova.

Jeremia 44:9

Hawa, öbun e hnying ut je hwakecin ae kong anyin lakamöbun, me hwakecin ae kong anyin je tuhan Juda, me hwakecin ae kong anyin je laöiödra, me hwakecibun ae kong, me hwakecin ae kong anyin je laöiöbun, waleji adre ânyâ hnyi hnyei Juda, me je getheniny Jerusalema?

Ezekiela 20:13

Ke haba lap anyi Isaraela adre me ûkhin fuc mönya hnyi hnyebuba: adre me ca vheno anyik je hnanyibu, ke adre me hûkotiâ hnok je hna owisa, waleji a e ka he at ka mâdrâ, me ame he ka möt hnyin; ke adre me okongoâ gan hmâ anyik je sabath: me oge me ha a oge me he ka hingâlâ anyik hmönyin hudra hnyi hnyebuba, he ka ohiʼ ödra but.

Ezekiela 20:43

Ke öbun e he ka ûnykûme eling debun je gethen, me hnobun je hna ânyâ, waleji öbun e hia but okongu öbun hnyin; mʼ öbun e he ka hûköti öbun can ta je hulo hia öbun e hia but ânyâ.

Ezekiela 20:8

Ke so bi adre me ûkhin fuc mönya, me höcö ling nya; kʼ adre me ca ve degec ta je ûnyi ae ikiki hnyi hnyimakodra, kʼ adre me ca hna degecâ je khongon Aigupito: me oge me ha a oge me he ka hingâlâ anyik hmönyin hudra, hnân he ka umö anyik wathethot hnyi wanben hnyei Aigupito.

Ezekiela 36:31

Ke öbun e he ka ûnykûme ta je hwakecibun ae kong, me hnobun je hna ânyâ ae ca so; ke öbun e he ka hûköti öbun bi hnyi hnyimaköbun bi can anyibun ta je hulo me hwakecibun ae ikiki.

Numera 11:4

Ke haba tavat ae ve bongon unyidra adre me hwân ka behnyekon: kʼ ame tenge hmetu lakon Isaraela me ha, ka habe, Ia ame he ka ha ötin ge meno?

Numera 14:22

ke can anyin a olibenyita cubic nya hnen tavat hia eang adre me wâ hmanenangik me anyik je ûöman, waleji oge ânyâ hnyi Aigupito, me hnyi hnyebuba, kʼ adre ca löng hok hofuc;

Numera 17:10

Ke Iehova ame ha kö Mose, ka habe. Ip hmetu ju uci anyi Arona ka hnyi cicö tangen ohnatho, mʼ adre me tuö me hnân haten ka tavat bi tot; mʼ u me he ka bi obiny hnödra hna ulidri nya, mʼ adre me ca he ka mok bi.

Numera 21:5

Me haba tavat adre me fuc hwege ka Khong me Mose, me ha, ka habe, Ieû gabu öbe hum ohmun ûhehmun Aigupito he ka mokcu hnyi hnyebuba? anyin ae ba han, ke ba köiö; kʼ ohmun höcö han eang ae haba.

Numera 25:2

anyin adre hawâ tavat he ka hnyi bi hut ka anyidra je khong; ke haba tavat adre me hnyi han me khudrung ka anyidra je khong.

I. Korinito 15:9

Anyin a inya ang at ae ti ûhnyûkong hnyi ta je aposetolo, ke ca ûcû he ka hawo nya me aposetolo, anyin a oge me ovecâ ekalesia anyin Khong.

Efeso 2:11

Anyin a wale ûnykûme ju a öbun Aten ke je hnyei adrem ûnyi hnyi unyin, kʼ adre wenyi öbun, ka habe, Wacaperitom, hnen tavat adre me wenyö, ka habe, Waperitomonâ hnyi unyin, kʼ adre ânyâ ge hnyam;

Deuteronomi 31:27

Anyin a oge wâ but hnâm hna ûkhin fuc, ke hwege nyem: wâ bi, iny tiga möt unyibun hnyi bong ang, me öbun e hia but ûkhin fuc me Iehova; ke hawa bi iny ka mokcu?

Deuteronomi 8:2

Ke u ma he ka ûnykûme gethen hia waleji a hum u hnyin Iehova Khongom, hnyi je huna a fâte hnyi hnyebuba, me me oûhnyûkongi u, he ka cubic u, me me wâhmakhmetoâ ûnyi eû hnyi hnyekom, hawa, u me ne he ka tuö hnen je hna hûna, kʼ u je ne höcö bi.

Deuteronomi 9:24

Öbun e hia but ûkhin fuc me Iehova hwân hnyi bong oge ibi iouny möbun hnyin.

Deuteronomi 9:4

Ke e ka hia but Iehova Khongom obʼ ödra hnyi hnyimâkâm, me u me ca he ka ha eû hnyi hnyekom, ka habe, Can hwakecik ae wisa, Iehova ame hum nya me inye he ka hu hnyei ang: ke so bi can hwakecin ae kong anyin tavat eling, Iehova ame obʼ ödra hnyi hnyimâkâm.