Deuteronomi 9:5 - Iaai Bible 1901 (New Caledonia)

⁵ Ca ûnyi: ge hwakecâm ae wisa, me wisainy hnyekom, wale me u me he me hûgûnâ idra hnyei: ke so bi can hwakecin ae kong anyin tavat eling Iehova Khongom ame obʼ ödra hnyi hnyimâkâm, me me hwâdâ hofuc waleji a khemanyin Iehova ka lakâmâm, a Aberahama, me Isaaka, me Jekob.

Deuteronomi 9:5 ပူးပေါင်းရင်းမြစ်များ

Genese 12:7

Ke ame manen dut Iehova kö Aberama, ame ha, ka habe, Oge me he ka ham hnyei ang ka ta je mâtrânâm: me e ame otilâ eling taben hut kö Iehova at ame manen kâu.

Genese 13:15

anyin a haba hnyei hia u ma wâ, oga ma he ka ham köu, me je mâtrânâm nyiele balua.

Genese 15:16

Ke haba hnyi dö ae vakiny adre me he ka hmetu jem: anyin ae tiga ca bekhöt ut konginy at Amora.

Genese 15:7

Me e ame ha kâu, ka habe, Inya Iehova, at ame su u ûhem Ure hnyi Kaledaia, me me he ka ham köu hnyei ang hnân em.

Genese 17:8

Me oge me he ka ham köu, me ta je mâtrânâm hwabâm, hnyei u me laba kanyua hnyin, a hnyei Kanana hia, hnân gam nyiele balua; ke oge me he ka Khongudrin.

Genese 19:29

Ke e ka he Khong ka ohia li tauniny hnyei ae thahon, me Khong ame ûnykûmi Aberahama me kunö Lota ûnyi hnyi wanben ûohiö, hnyi ûen e ame ohia li taun ame laba hnyin Lota.

Genese 26:4

ke oge me he ka osiâ ta je mâtrânâm helâ me ta je okhûiny drany, me ham ta je hnyei hia thithö ang ka ta je mâtrânâm; ke adre me he ka ohnahicâ ta je hnyei hia eang hmelen ûnyi ge ta je mâtrânâm;

Genese 28:13

Ke wâ bi, ame tot Iehova ethö hon e, me ha, ka habe, Inya Iehova, Khongu Aberahama a kâmâm, me Khongu Isaaka: haba kânâ u me mokut hnyin, oge me he ka ham e köu, me je mâtrânâm;

Esodo 32:13

Ûnykûme ju kö Aberahama, me Isaaka, me Isaraela, a lathnyabaem, waleji hnyat u je khemanyin gam bi ködrin, me ha, ka habe, Oge me he ka osehia je mâtrânibun helâ me je okhûiny drany, ke haba hnyei hia eang waleji oge ha köbun, oge me he ka ham ka je mâtrânibun hnân idrin nyiele balua.

Ezekiela 20:14

Ke so bi oge me huliwa can iök, me me ca he ka kong bi hnyi hnyimakan je hnyei, waleji oge me hum ödra hnyi hnyimakan.

Ezekiela 36:22

Anyin a wale ha thö ka lap anyi Isaraela, ka habe, Walang hna ha hnen Than Iehova, ka habe, Lap anyi Isaraela lö, oge me ca ânyâ e can öbun, ke so bi can iök ae kap, waleji öbun e hia but haikongoâ hnyi ta je hnyei, waleji öbun e he ka hnyin.

Ezekiela 36:32

Oge ca ânyâ e can öbun, e so öbun e tremângâ e, haingen Than Iehova: hamöbun he ka hmehma me hlohlo can ta je hwakecibun, lap anyi Isaraela.

Levitiko 18:24

Ca he ka okongu öbun bi hnyi ta je ûnyi eling; anyin a ta je ûnyi hia e ame okongoâ je hnyei wala oge me he ka obâ hnyi hnyimaköbun:

Levitiko 18:25

kʼ ame kong ut hnyei; anyin a wale oge me he ka bi hwaban hulöiny, kʼ ame he hnyei ka hmita degecâ aten.

Mika 7:20

U me he ka ohwâdâ hnathu kö Jekob, ke ibetengiö kö Aberahama, waleji u je khemanyinâ ka lakamöhmun hwân hnyi je bong kâû adrem.

Ta je huliwa 3:25

Haba öbun, me öbun lakon ta je perofeta, a hanen hna ûhihinyköu anyin Khong me lakamöbun, waleji ame ha kö Aberahama, ka habe, Ame he ka hnahic ta je lap hia eang hmeledrany ûnyi ge mâtrânâm.

Roma 11:28

Je iwahnaihmiony ödra me ûthumetu ae so, can öbun: ke haba hnyi hna ûca at, me adre me betenge kodra can lakamen.

Roma 15:8

Anyin a inya oge me ha, ka habe, haba Keriso ame bi athnyabainy peritom hobi kâu hnathu anyin Khong, me me he ka ohmâ hna ha bânâ ka lakamöta,

Deuteronomi 1:8

Wâ bi, oge hia but ip hnyei hnyi hnyimaköbun: he thʼ öbun me labā hnyei waleji ame khemanyin ka lakamöbun, a Aberahama, me Isaaka, me Jekob, he ka ham ködrin, me je mâtrânidrin hwabödrin.

Deuteronomi 12:31

U me ca he ka ânyâ helâe kö Iehova Khongom: anyin adre hia but ânyâ ka anyidra je khong ta je ûnyi ae ikikiâ Iehova, wale e ame hûkötiâ anyin adre me labö le ge meic lakudra obaga me wahlu ka anyidra je khong.

Deuteronomi 18:12

Anyin a Iehova ame ikikiâ tavat adre me ânyâ ta je ûnyi e: ke haba can ta je ûnyi eling ae ikiki, me Iehova Khongom ame obʼ ödra hnyi hnyimâkâm.

Deuteronomi 18:9

U ka o but ka hnyi hnyei ame ham köu Iehova Khongom, me u me ca he ka nâ he ka ânyâ hoton hwakecin ae ikiki anyin tavat eling.

Deuteronomi 20:18

mʼ adre me ca he ka nʼ öbun he ka ânyâ hoton hwakecidra ae ikiki, wale adre me ânyâ ka anyidra je khong; mʼ öbun e kong kö Iehova Khongubun.

Tito 3:5

e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,