Deuteronomi 9:1 - Iaai Bible 1901 (New Caledonia)

¹ ISARAELA lö, löng ju: u me he ka he hanyâûâ Joridano hnyi bong ang, he ka he me hûgûnâ je hnyei ae gan me hwege hom, je taun ae gan kʼ adre up haginy ke ne o but ka hnyi drany,

Deuteronomi 9:1 ပူးပေါင်းရင်းမြစ်များ

Genese 11:4

Ke adre me ha, ka habe, E so ate me otilâ ke taun, me tap ae beû hmâ bân hnyi dranyai, mʼ ate me ölungâ iöta; wâ adre nye ovesei ota hnyi hmeledrany hia.

Esodo 32:1

KE a wâ but tavat a ga bec Mose he ka utut ûnyi hnyi hon bucen, me ame ûkhacaköu tavat unyi Arona, me ha kâu, ka habe, Todrö ka ânyâ ke khong hnân hobi köta me me hnyimakan anyita bunyen; ke haba Mose waleji at ame hum ota ûnyi hnyi hnyei Aigupito, me ca khanʼ öta ûnyi a o kâu.

Daniela 4:11

Ke ame kû thö ûö, ke hwege bi, ke haba ibeûen e, me ame o but hnyi drany, me e manen ke ne o but hnyi je can hmeledrany.

Amosa 2:9

Ke so bi, oge me ohia at Amora hnyi hnyimakodra, waleji a helâ me ûgöranyin je arasi ûgöranyidra, ke ûcû me je iwajo tang hwe-giödra; ke so bi oge me ohia wan gadra ethö, me je iwân eû.

Numera 13:22

Ke ödrin e ölö hnyi Hwaiöu, me o hnyi Heberona; wale Ahiman, me Sesai, me Talemai, a laku Anaka. (Ke haba Heberona, me adre bödra ka op e ehac seven ta huna e tiga ca op Zoana hnyi Aigupito.)

Numera 33:51

Ha thö ka lakon Isaraela, ka habe, Öbun ka hia but hanyâûâ Joridano ka hnyi hnyei Kanana,

Deuteronomi 1:28

Ate me ölö ua? haba je liamekeiny möta ödrin e oköiâ je hnyekuta, haingödrin, ka habe, E gan hmâ tavat me beû huta; ke gan hmâ je taun adre up haginy ke ne o but ka hnyi drany; ke haba khaca ohmun e wâ eling je laku Anaka.

Deuteronomi 11:23

awe, ame he Iehova ka obâ je hnyei hia eang ûnyi hnyi hnyimaköbun, ke öbun e he ka hu je hnyei ae gan me hwege hubun.

Deuteronomi 11:31

Anyin a hamöbun he ka hanyâûâ Joridano, me he he ka hu hnyei wale a ham köbun Iehova Khongubun, ke öbun e he ka hu e me labā.

Deuteronomi 27:2

Ke haba hnyi bong öbun e he ka hanyâûâ Joridano ka hnyi hnyei a ham köu Iehova Khongom, me u me he ka khon je veto ae gan, me botru dröuiny:

Deuteronomi 3:18

Ke oge me hûna köbun hnyi ûen eling, ka habe, Haba Iehova Khongubun ame ham köbun hnyei eang he ka labā: ke öbun e be ka penapena ûnyi hnân vat me hanyâûâ hnyi hnyimakan je liamekeiny möbun a lakon Isaraela, tavat hia ae hwege.

Deuteronomi 4:1

ISARAELA lö, löng ju u walang ang je hnanyibu me je hna owisa, oge me nʼ öbun he ka ânyâ; mʼ öbun e he ka möt, me he but me labā hnyei a ham köbun Iehova Khongon lakamöbun.

Deuteronomi 4:38

he ka obâ hnyi hnyimâkâm je hnyei ae gan me hwege hom, me hum u he ka ham bi köu idra hnyei me me em, helâ me hüyi bong ang.

Deuteronomi 6:10

Ke ka hum u hnö Iehova Khongom ka hnyi hnyei waleji e ame khemanyin ka lakâmâm, a Aberahama, me Isaaka me Jekob, he ka ham köu, a je taun ae gan me so wale u je ca op,

Deuteronomi 7:1

E KA hia but Iehova Khongom hum u ka hnyi hnyei wale u me he ka hnyin he ka hu e, ke e ka hia but oc degecâ je hnyei ae se hia hnyi hnyimâkâm, a at Heth, me Girigasa, me Amora, me Kanana, me Perizi, me Hivi, me Jebusi, wale seven je hnyei ae gan me hwege hom;

Josua 1:11

He thʼ öbun ka hnyi wanben je hna hunuma, me ha ka tavat ka habe, Bi kamejibun ju; anyin a kun biju ta bong, me öbun e he ka hanyâûâ Joridano eang, me e jio be ka hom hnyei Iehova Khongubun ame ham köbun hnân ibun.

Josua 1:15

ke ne o but a hia but Iehova omenâ je liamekeiny möbun, helâ möbun, me ödrin e hia but hom hnyei Iehova Khongubun ame ham ködrin; ke hnyi ûen e, öbun e he ka hmetu ka hnyi ibun, me labā e, wale Mose athnyabai Iehova ame ham köbun hoton Joridano, ricö hna o hnen seûno.

Josua 14:12

Anyin a wale ham könya bucen eang, wale Iehova ame ha gan hnyi bong eling; auyin a u je long hnyi bong eling a ka eling at Anaka, me je taun ae gan adre up haginy: me ame ne he la Iehova ka tha e mönya, me oge me he ka obʼ ödrin helâ me Iehova ame ha.

Josua 3:14

Ke e ka he but tavat ûheny hnyi umödrin je uma mano he ka hanyâûâ Joridano, ke ame vadren tangen ûhihinyköu hnen tavat bihut hnyi hnyimakan tavat;

Josua 3:16

me ame todru köiö ûheny hnyi hwadrö ame görany dö helâ me khölöki ûsâkâûö, hwân Adamu, wale taun cicö Zaretana: ke ame hme köiö ame di ka hnyi köien dok ae tha hon, wale Köiö ae Hiny, ame subâ but: me ame he hanyâûâ ge tavat cicö Jeriko.

Josua 3:6

Ke Josua ame ha ka tavat bihut, ka habe, Vadren dö tangen ûhihinyköu, me hanyâûâ hnyi hnyimakan tavat. Me ödrin e hom tangen ûhihinyköu, me bodrin hnyi hnyimakan tavat.

Josua 4:19

Ke ame ölö tavat ûheny hnyi Joridano hnyi bong a teniny tehi a bân, me hunuma hnyi Gilegala hnyi ke keihen e deiöiny Jeriko.

Josua 4:5

ke Josua ame ha ködrin, ka habe, Hanyâûâ thö hnyi hnyimakan tang anyi Iehova Khongubun, ka hnyi wanben Joridano, me hom dö ûsa khaca veto hon je bajebenyibun, hoton ûseiny je tribuiny lakon Isaraela: