Deuteronomi 8:2 - Iaai Bible 1901 (New Caledonia)

² Ke u ma he ka ûnykûme gethen hia waleji a hum u hnyin Iehova Khongom, hnyi je huna a fâte hnyi hnyebuba, me me oûhnyûkongi u, he ka cubic u, me me wâhmakhmetoâ ûnyi eû hnyi hnyekom, hawa, u me ne he ka tuö hnen je hna hûna, kʼ u je ne höcö bi.

Deuteronomi 8:2 ပူးပေါင်းရင်းမြစ်များ

Genese 22:1

KE hwaban ta je ûnyi e, haba Khong ame cubic Aberahama, me ha kâu, ka habe, Aberahama lö; me e ame thu, ka habe, Inya ang.

II. Man Ûlabainy Je Than. 32:31

Ke so bi haba hnyi hwakecin ge je ûthumetu anyin je than Babulona, waleji adre me ûkhûnöng kâu he ka hnö e ge ûnyi hnân lâiâ adre ânyâ hnyi hnyei, me haba Khong ame hna e, he ka cubec e, me me wâ bongon hia hnyekon.

II. Man Ûlabainy Je Than. 33:12

Ke e ame vec, me ame elöm Iehova Khongon, me ti oûhnyûkongoâ e hnyi hnyimakan Khongon lakamen.

II. Man Ûlabainy Je Than. 33:19

Me hijin hic minya, me hwakecin hna betenge kâu hnen Khong ge anyin khöû me anyin hulo hia, me hnen hna he hwali, me je ke keihen e ame op je dok ae gorany hnyin, me otilâ je Aseira me je hnatheat hnyin, waleji ke tiga ca oûhnyûkongoâ e: wâ bi, adre hia but sihnalimen hnyi hofuc hwan tavat wâ.

Nehemia 9:19

ke so bi u je ca hna degeci ödrin hnyi hnyebuba can ânyâm ibetengiö ae gan hmâ: ke ca hia unyidrin ûlâ ame tot wisa hnyi lany, he ka lili ödrin eû hnyi gethen; me meic ame tot wisa hnyi hnyinghet he ka omelami ödrin, me omanenâ gethen ödrin e he ka vheno.

Jobu 33:17

Me me he ka lelö at ûnyi ge hnen hna weny, Me ikhâlâ bi gan ge at.

Salamo 103:2

Hanuk lö, haisoi Iehova thö, Ke ca he bi ka hnying anyin ta je betenge;

Salamo 106:7

Ame ca wâhmakhmeto ânyâm ta je ûnyi hnân lâiâ hnen lakamöhmun hnyi Aigupito; Kʼ adre me ca ûnykûme bi ûganiny ânyâm ta je betenge; Kʼ adre me ûkhin fuc hnyi köiö, wale Köiö ae Dra.

Salamo 136:16

Kâu at ame su tilâ lakeiny hnyi hnyebuba: Anyin a nyiele balua anyin ibetengiö.

Salamo 77:11

Oge me be ka ha gaga ta je huliwa anyi Ja; Anyin oge me he ka ûnykûme ânyâm ta je ûnyi hnân lâiâ ûnyi adrem.

Salamo 81:7

U je khöû hnyi vec, me oge me omeli u; Oge me thu köu ûnyi hnyi dok ae iyong, a umen hwan than; Oge me cubic u hnyi je köien Meriba. [Sela.

Esodo 15:25

Me ame tenge kö Iehova, ke Iehova ame omanenâ kâu ke ûö, me ame khûâ ka hnyi an, me ame hnam but an. Ke waleling e ame otilâ hobi ködra hnanyibu me hna owisa, kʼ ame cubic odra eling;

Esodo 16:35

Ke haba lakon Isaraela adre me han mana hnyi je huna a fâte, ke ne o but adre me o ka hnyi hnyei ae hu aten; adre me han mana ke ne o but adre me o but ka hnyi je hnyigöulen hnyei Kanana.

Esodo 16:4

Ke haba Iehova ame ha kö Mose, ka habe, Wâ bi oge me he ka ota köbun jeû helâ me we ûnyi hnyi drany; kʼ ame he tavat ka thigâ e hnyi je bong ae ûcû ka hnyi bong, mʼ inye he ka cubic odra, adre me ne he ka vheno anyik hnanyibu, ame ne ba.

Esodo 20:20

Ke haba Mose ame ha ka tavat, ka habe, Ca ot bi: anyin a o but Khong me me cubic öbun, mʼ öbun e he ka outen e, mʼ öbun e ca he ka monu.

Ta je Vejec 17:3

Hnân leû sileva öt, ke hnân leû gol meic: Ke Iehova bi at ame cubec ta je hnyok.

Isaia 2:17

Ke adre me he ka hom ûhnyûkongo tavat adre me begörany, kʼ adre me he ka ohnyikânâ tavat ae bi gan: ke adre me he ka oganö Iehova thibi hnyi bong e.

Jeremia 2:6

Ke haba khaca, adre me ca ha ka habe, Ewa Iehova at ame suʼ öta ûnyi hnyei Aigupito; at ame hum öta hnyi hnyebuba, wanben hnyei a hnyei baga me hu je uthankong, hnyi hnyei ae hwahwacit me hmenon mok, hnyi hnyei ame ca vheno hnen at, ke ba at ame labā e?

Ezekiela 20:19

Inya Iehova Khongubun; vehno thö anyik je hnanyibu, ke tuö ju hnok je hna owisa, me ânyâ:

Amosa 2:10

Ke oge me hum öbun minya ûnyi hnyi hnyei Aigupito, ke lili öbun hnyi hnyebuba fâte je huna, mʼ öbun e he ka hu hnyei iny at Amora.

Numera 14:33

Kʼ ame he lakubun ka he monumonu hnyi hnyebuba hnyi je huna a fâte, kʼ ödrin e he ka hijen tilâ hnöbun je hna bi ûnyi monu, ke ne o but ame aû degecâ je unyibun hnyi hnyebuba.

Luka 18:14

Inya oge me ha köbun ame he but at ang ka hnyi umen uma, ke adre haiwisa e hon at eji: anyin adre me he ka oûhnyûkongo at ame ogânâ e; ke adre me he ka ogânâ at ame Öûhnyûkongoâ e.

Ioane 2:25

ke ca ûnyi hnathu kâu a gʼ ame he at ka omanenâ hwakecin at; anyin a e ame wâhmakhmetoâ ta je ûnyi eû hnyi hnyin at.

Deuteronomi 1:3

Ke haba hnyi huna a fâte, hnyi tehi a eleveniny, hnyi bong a bâniny tehi, me haba Mose ame ha ka lakon Isaraela ta je ûnyi hia hoton hna hûna hnö Iehova kâu gadra;

Deuteronomi 1:33

at ame hnyimaköbun hnyi gethen, he ka heleû dok hnân otilâ umöbun je uma mano hnyin, a meic hnyi lit, he ka omanenâ köbun gethen öbun e he ka he hnyin, ke ûlâ hnyi lany.

Deuteronomi 13:3

awe, u me ca he ka löng hofuc hwan at eling, ame ne perofeta, kʼ ame ne at bwi: anyin a Iehova Khongubun ame cubic öbun he ka wâ öbun e ne hnyok kö Iehova Khongubun ge hnyekubun ae bekhöt, me hanubun ae bekhöt.

Deuteronomi 2:7

Anyin a Iehova Khongom ame hia but ohnahici u hnyi ta je huliwa hia anyin li hnyamâm: e ame wâhmakhmeto hnâm hna vheno hnyebuba eang ae gan: kʼ ame tha e mou Iehova Khongom hnyi ta je huna a fâte; ke ba ke ûnyi a hia gam.

Deuteronomi 29:5

Ke oge hia but hum öbun hnyi hnyebuba fâte je huna: e ca bobot anyibun je ûkhaû, kʼ ame ca bobot je tangen hnyeûcabun hnyi je cabun.

Deuteronomi 32:7

Ûnykûme ju je bong ehac, Wâhmakhmeto je hunainy ta je dö ae se: Hnö thö kâmâm, me e ame he ka thumetu u; Wahingatâm minya, ke ödrin e he ka ha köu.

Deuteronomi 7:18

awe, u me ca he ka outʼ ödra: ke u ma he ka ûnykûme wia ta je ûnyi waleji a ânyâ Iehova Khongom kö Farao me at Aigupito hia;

Deuteronomi 8:16

at ame hâm ge mana hnyi hnyebuba ûnyi a ca wâ hnen lakâmâm; me me oûhnyûkongi u, me cubic u, he ka ohnahici u hnyi obiny:

Iakobo 1:3

anyin ae khanʼ öbun a gʼ ame okûâ hokhnyok he ka cubec anyibun labageju.

Iakobo 4:10

Obnyikönʼ öbun ju hnyi hnyimakan Than, ke e ame he ka ogoranyi öbun.

Iakobo 4:6

Ke e ame bi hanen ibetengiö baû. Anyin a wale hna ha, ka habe, Khong ame hagutâ tavat bi gan, me ham ibetengiö baû ka tavat a Ödra hnyikânâ.

I. Peteru 1:7

mʼ adre me he ka wâ hna ohnathoâ anyibun labageju ae ûnyi hnathu hon gol, ke so bi adre cubec e ge meic, mʼ adre me he ka haisoâ me ogânâ me olungâ e ka manen dut Iesu Keriso:

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.

Owisa 2:22

mʼ oge me he ka cubec at Isaraela ûnyi gadrin, hawa, adre me he ka tuö gethen de Iehova he ka vheno e, helâji me lakamödra ame ânyâ, ame ne ba.

Owisa 3:4

Ke haba tavat eling me hnân cubic at Isaraela me me he ka wâ hawa, ödrin e ne he ka hnu hoton je hnanyibu anyi Iehova, waleji a hûna ka lakamödra a deny Mose.