Deuteronomi 7:9 - Iaai Bible 1901 (New Caledonia)

⁹ Khanö u thö a Iehova Khongom, e thibi Khong; Khong ae hnathu, at ame tuö ûhihinyköu me ibetengiö ka tavat adre me hnyok kâu, me tuö anyin je hna hûna ka ta je dö a thauzan;

Deuteronomi 7:9 ပူးပေါင်းရင်းမြစ်များ

Genese 17:7

Ke oge me he ka ohmâ anyik ûhihinyköu möu me ta je mâtrânâm hwabâm hnyi anyidra ta je dö hnân ûhihinyköu ae ca ba balua, me oge me he ka Khongom me ta je mâtrânâm hwabâm.

Genese 28:15

Ke wâ bi, tha inya möu, ke oge me he ka tuö u hnyi je hnyei hia u je he ka hnyin, me ohmetu u ka hnyi hnyei eang: anyin oge ma ca he ka hnö u ke ne o but oge hia but ânyâ hnök hna ha köu.

Genese 9:15

me oge me he ka ûnykûme anyik ûhihinyköu, wale möbun, me ta je ûnyi hia ae möt ae ve bongon; ke haba köio ame ca he hmetu ka uoû me ohia je ûnyi hia ae möt.

I. Je Than 8:23

ke haingen, ka habe, Iehova lö, Khongu Isaraela, e ba ke khong ae ûcû möu, ethö hnyi drany, me eang hmeledrany; at ame tuö ûhihinyköu mo ibetengiö ka je laathnyabaem, tavat adre me vheno hnyi hnyimâkâm me hnyekudrin ae bekhot:

I. Man Ûlabainy Je Than. 16:15

Ûnykûme bala ju öbun anyin ûhihinyköu, Waleji hofuc e ame hûna ke ne o but hnyi je dö a thauzan;

II. Man Ûlabainy Je Than. 6:14

ke e ame ha, ka habe, Iehova lö, Khongu Isaraela, e ba ke Khong ae ûcû möu, ethö hnyi drany me eang hmeledrany; at ame tuö ûhihinyköu me ibetengiö ka lathnyabaem, tavat adre me vheno hnyi hnyimakâm me je hnyekudrin ae bekhot:

Nehemia 1:5

me ha, ka habe, Inya oge me khöû köu, Iehova, Khongon drany, Khong ae gan hmâ me hnân outen, at ame tuö ûhihinyköu me ibetengiö ködrin tavat adre me hnyok kâu me tuö anyin je hnanyibu:

Nehemia 9:32

Ke walang ang Khonguhmun lö, at ae gan, ke at ae hwege, a Khong hnân outen, at ame tuö ûhihinyköu me ibetengiö, e na ca he ka ûnyi baû hnyi hnyimâkâm ta je vec hia ame o kohmun, ka latuhöhmun, me anyihmun je than, me tavat bihut unyihmun, me anyihmun je perofeta, me lakamöhmun, me lakem hia, hwân hnyi bong bongon je than Asuria ke ne o but hnyi bong ang.

Salamo 103:18

Ka tavat adre me vheno anyin ûhihinyköu, Me tavat adre me ûnykûme anyin je hna hûna he ka ânyâ.

Salamo 105:8

E ame hia but ûnykûme bala anyin ûhihinyköu, Waleji hofuc e ame hûna ka ta je dö a khaca thauzan,

Salamo 119:75

Iehova lö, e khanö nya but ae wisa hnâm ta je hna owisa. Me u je hia but oveci nya hnyi hnathu.

Salamo 146:6

Waleji ame op drany me hmeledrany, Me köiö me ta je ûnyi hia thithö hnyin; At ame tuö hnathu nyiele balua:

Salamo 36:6

Haba ânyâm wisa, me helâ me je bucen anyin Khong; E dit hmonyin hnâm je hna owisa: Iehova lö, u thibi at ame tuö möt anyin at me meno.

Esodo 20:6

ke ame omanenâ tang ibetengiö ka ta je dö a thauzan tavat adre me hnyok könya, me tuö anyik je hnanyibu.

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Jeremia 32:18

at ame omanenâ tang betenge ka ta je dö a thauzan, me bi hwaban hulo anyin je kamen ka hnyi ûlainy ta je lakudra hwabödra: Khong ae gan hmâ me man. Iehova tuhan sabaoth ien:

Je tenge anyi Jeremi 3:23

Kʼ ame teb ûnyi hnyi je hnyomakatu; e gan hmâ ânyâm hnathu.

Daniela 9:4

Me oge me hic kö Iehova a Khonguk, me omanenâ, ka habe, Than lö, a Khong ae gan ke hna outen, at ame tuö ûhihinyköu me ibetengiö ka tavat adre me hnyok kâu, me vheno anyin ta je hnanyibu;

Numera 14:18

At ae bec he ka hmönyin Iehova, ke gan hmâ anyin ibetengiö, kʼ ame degecâ hulö, me monu, kʼ ame ca he ka ha ae ba kongon at ae kong; ke e ame bi hwaban monu anyin je kamen ka je lakon, ke ne o but ka hnyi dö a kuniny me vakiny.

Roma 8:28

Ke e khanʼ öta a gʼ ame tha huliwa ta je ûnyi hia me me so ka tavat adre me hnyok ka Khong wale tavat ame hawʼ ödra helâ me hnen hna ûnykûme.

I. Korinito 1:9

Haba Khong, me hnathu, waleji at ame hia but hawʼ öbun he ka tha e me Nokon a Iesu Keriso a Tuhöta.

I. Korinito 10:3

ke ödra hia adre me tha han jeûiny hanu;

I. Korinito 8:3

a ne ke at ame hnyokâ Khong, awe, e ame wâ ûnykûme at eling.

II. Korinito 1:18

Ke hnathu bi Khong, me haba hohmun hofuc köbun me ca eke, me e ba.

Deuteronomi 32:39

Wâ bi walang ang, a inya but ang, Ke ba ke khong unyik: Oge me hlingâ, ke oge me omelö; Oge hia but oâtâ, ke oge me ometo: Ke ba at ae khana he ka hûgûnâ ûnyi hnyi hnyamok.

Deuteronomi 32:4

E Kic, ke bekhöt anyin huliwa; Anyin a je deny hia, me hna owisa: E Khong ae hnathu, ke ba hnyikongon E wisa ke fâfâ.

Deuteronomi 4:35

Adre me omanenâ ûnyi eling köu, me me khanö u thö a Iehova Khong; hake e ke ba ke at.

Deuteronomi 4:39

Ke khanö u thö hnyi bong ang, ke ip hmâ eû hnyi hnyekom a haba Iehova me Khong ethö hnyi drany me eang hmelen; hake e ke ba ke at.

Deuteronomi 5:10

kʼ oge me omanenâ ibetengiö ka ta je dö a thauzaniny tavat adre me hnyok könya, me vheno anyik je hnanyibu.

I. Thesalonika 5:24

E hnathu e at ame hawʼ öbun, wale at ame he ka ânyâ.

II. Thesalonika. 3:3

Ke e hnathu Than, at ame otethmʼ öbun, me tuʼ öbun ge hulo.

II. Timoteo 2:13

ke ate ne ca hnathu, me hnathu bala bi e; anyin e ca khana he ka hamen ivinoâ e bi.

Tito 1:2

hnyi hna gejon möt ame ca ba balua, waleji hna ha bânâ adrem balua hnen Khong at ae ca khana he ka thoi;

Heberu 10:23

e so ate me kât hmâ hmi ate me gejon me ca loloâ bi; anyin ae hnathu bi at ame ha bânâ:

Heberu 11:11

Hnen labageju adre ham man kö Sara he ka erkin me ame hnokoâ wanakat ka someca but, anyin a e ame ûnykûme ae hnathu e at a ha bânâ:

Heberu 6:18

mʼ ate me he ka hu hnâu sihwegi öta, ge lo li ûnyi ae ca khana he ka wia, ke ca khana Khong he ka thoi hnyin, wale öta ate me kec ut he ka kât hmâ gejon adre ip hnyi hnyi-maköta;

Iakobo 1:12

Hnahic hnen at ame hokhnyokâ ûcûbic: anyin a at ka hia but cubecâ, me e ame he ka hu koranainy möt, wale a ha bânâ Than ka tavat adre me hnyok kâu.

I. Ioane 1:9

Ate me ne omanenâ anyita ta je hulo, me e at ae hnathu ke wisa he ka hna degecâ bi anyita ta je hulo, me hneû degecâ ta je hwakecita hia thithö ae ca wisa.

Owisa 2:1

KE ame o hnyi Bokim ûheny Gelegala angela anyi Iehova. Me e ame ha ka habe, Oge me kunʼ öbun ûheny Aigupito, me hum öbun ka hnyi hnyei waleji oge khemanyin ka lakamöbun; ke oge me ha, ka habe, Oge me ca he balua ka oûnyibâûâ anyik ûhihinyköu möbun:

Owisa 5:31

Iehova lö, e so e he ka mok je iwahnaihmiöny mou hia helâe: Ke ame he tavat adre me hnyok kâu ka helâ me seûno ame he hnyi hwegien. Me ame menâ but hnyei ke ne o but fâte je huna.