Deuteronomi 7:8 - Iaai Bible 1901 (New Caledonia)

⁸ ke so bi ûnyi hnyi ibetengiö anyi Iehova köbun, ke hnyi weny he ka oûnyihnathö hnen hna khemanyin ka lakamöbun, waleling me me hum öbun hnö Iehova ge hnyam ae hwege, me omeli öbun ûnyi hnyi hnyaba ae ûthaluo, a ûheny hnyi hnyamö Farao than Aigupito.

Deuteronomi 7:8 ပူးပေါင်းရင်းမြစ်များ

Genese 19:16

Ke e ame bec; me haba li at ödru me lelö hnyamen, me hnyamen âiân, me hnyamen lakon li hlu; anyin a Iehova ame betenge gan: me ödru me su e me ip hnyi hoton taun.

Genese 19:29

Ke e ka he Khong ka ohia li tauniny hnyei ae thahon, me Khong ame ûnykûmi Aberahama me kunö Lota ûnyi hnyi wanben ûohiö, hnyi ûen e ame ohia li taun ame laba hnyin Lota.

II. Samuela 22:20

E ame hum nya minya ka hnyi dok ae gan: E ame omeli nya, anyin a e ame senyin könya.

I. Je Than 10:9

Ole kö Iehova Khongom, at ae weny u, he ka otilö u hon theroni Isaraela: anyin a Iehova ame betenge ka at Isaraela nyiele balua, anyin a wale e ame otilö u ka than, he ka ânyâ wisa me ûnyi ae ûcû.

I. Man Ûlabainy Je Than. 16:16

Waleji e ame ânyâ me Aberahama, Me hnen hna khemanyin kö Isaaka;

II. Man Ûlabainy Je Than. 9:8

Ole kö Iehova a Khongom, at ame senyin gam he ka olabö u hon anyin theron, he ka than hobi kö Iehova a Khongom: anyin a Khongom ame betenge ge at Isaraela he ka otethmʼ ödrin nyiele balua, anyin a wale e ame otilö u he ka than hudrin, he ka ânyâ wisa, me ûnyi ae ûcû.

Salamo 105:42

Anyin a e ame ûnykûme hwan hofuc ae kap, Me Aberahama athnyabainy.

Salamo 44:3

Anyin a adre me ca hu hnyei hnen bi anyidra ta je hele vat, Ke adre me ca möt hnen je hing hnyamödra bi: Ke so bi hnen hnyamâm, me benyâm, me melaminy hnyimâkâm, Anyin a u me betenge baû gadra.

Salamo 44:4

Khonguk lö, u thibi Tuhok: Hûna ju möt hobi kö Jekob.

Esodo 13:14

Ke e ka he nokom nyiele ka hnei u, ka habe, Ieû e? U me he ka ba kâu, ka habe, Iehova ame hum ohmun ge hnyamen ae hwege ûhehmun Aigupito, ûnyi hnyi hnyaban at hwenbâ:

Esodo 13:3

Ke haba Mose ame ha ka tavat, ka habe, Ûnykûme ju öbun bong eang, bong öbun e he but ûhebun Aigupito hnyin, ûnyi hnyi hnyaban at hwenbâ; anyin a ûnyi ge hwegien hnyamö Iehova, e ame hum öbun ûnyi hnyi dok e: adre me ca he ka han areto adre levenâ.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 32:13

Ûnykûme ju kö Aberahama, me Isaaka, me Isaraela, a lathnyabaem, waleji hnyat u je khemanyin gam bi ködrin, me ha, ka habe, Oge me he ka osehia je mâtrânibun helâ me je okhûiny drany, ke haba hnyei hia eang waleji oge ha köbun, oge me he ka ham ka je mâtrânibun hnân idrin nyiele balua.

Esodo 6:6

Anyin a wale, ha thö ka je lakon Isaraela, ka habe, Inya Iehova, me oge me he ka hum öbun ûnyi hnyi ta je huliwa ae hmak anyin at Aigupito, kʼ oge me he ka hûgûn ʼöbun ûnyi hnyi hnödra hna bwenböbun, kʼ oge me he ka omeli öbun ge hnyam adre hai, me hna owisa ae gan hmâ;

Isaia 43:4

Anyin a u oûnykûmik, me hmanenang, me hnok hna betenge gan; awe, oge me he ka ham tavat hnân hwabâm, me je hnyei hwaban melâm.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Jeremia 31:3

Haba Iehova ame manen dut könya ehac me ha, ka habe, Inya oge me betenge gam ge betenge a nyiele balua: anyin a wale oge hia but lili u ge betenge baû.

Ezekiela 36:22

Anyin a wale ha thö ka lap anyi Isaraela, ka habe, Walang hna ha hnen Than Iehova, ka habe, Lap anyi Isaraela lö, oge me ca ânyâ e can öbun, ke so bi can iök ae kap, waleji öbun e hia but haikongoâ hnyi ta je hnyei, waleji öbun e he ka hnyin.

Mika 6:4

Anyin oge hum u ûnyi hnyi hnyei Aigupito, me omeli u ûnyi hnyi hnyaba ûthaluo; ke oge kunö Mose me Arona, me Miriama hnyi hnyimakâm.

Mika 7:20

U me he ka ohwâdâ hnathu kö Jekob, ke ibetengiö kö Aberahama, waleji u je khemanyinâ ka lakamöhmun hwân hnyi je bong kâû adrem.

Zefania 3:17

E bi hnyi wanbâm Iehova Khongom, at ae hwege, kʼ ame he bi ka omelö: e ame he ka senyin köu ke hobâ, e ame he ka laba wia hnyi anyin betenge, e ame he ka senyin gam ge khumöng.

Malaki 1:2

Oge hia but betenge gabun, haingö Iehova. Ke haingöbun, ka habe, U je hai but betenge gahmun hnyi ieû? Hawa, ca kei Esau Jekob? haingö Iehova: ke oge me betenge ga Jekob;

Mataio 11:26

eke, Cica lö, anyin ae ûcû e hnyi hnyimâkâm.

Luka 1:55

(Helâji me hnen hna ha ka lakamöta) Kö Aberahama me je mâtrâniny nyiele balua.

Roma 11:28

Je iwahnaihmiony ödra me ûthumetu ae so, can öbun: ke haba hnyi hna ûca at, me adre me betenge kodra can lakamen.

Deuteronomi 1:8

Wâ bi, oge hia but ip hnyei hnyi hnyimaköbun: he thʼ öbun me labā hnyei waleji ame khemanyin ka lakamöbun, a Aberahama, me Isaaka, me Jekob, he ka ham ködrin, me je mâtrânidrin hwabödrin.

Deuteronomi 10:15

Ke so bi Iehova ame senyin ka lakâmâm me hnyok ködrin, me e ame ûca je mâtrânidrin hwabodrin, walʼ öbun e, ûnyi hnyi je hnyei hia, helâ me hnyi bong ang.

Deuteronomi 23:6

U me ca he ka hadruâ anyidra ûsoköu me anyidra hnahic hnyi bongom ta je bong hia nyiele balua.

Deuteronomi 33:3

Eke, e ame betenge ge je tribu; E hnyi hnyamâm laten ae kap hia. Ke adre me laba ju hmelen li cam; Adre me he ka ve kap hwâm je hofuc.

Deuteronomi 4:20

Ke a hia but Iehova hum öbun, me su öbun ûheny hnyi hnyin inyâ fao, a ûheny Aigupito, mʼ öbun e lakeiny ae hu hwajekhon, helâ me hnyi bong ang.

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

Deuteronomi 4:37

Ke can anyin e ame betenge ge lakâmâm, waleling me e ame ûca je mâtrânidrin hwabödrin, me hum u ûheny Aigupito ge maniny man ae hwege, kʼ ame tot unyâm;

Deuteronomi 5:6

Inya Iehova Khongom, at ame hum u ûheny hnyi hnyei Aigupito, ke ûheny hnyi hnyaban ûthaluo.

I. Ioane 4:19

Ate me betenge, anyin a e ame bân ka betenge gata.

I. Samuela 12:22

Anyin ame ca he Iehova ka hna degecâ lakeiny, ûnyi ge ien ae gan hmâ: anyin ae we Iehova he ka wiʼ öbun me hnân hing lakeiny.