Deuteronomi 7:7 - Iaai Bible 1901 (New Caledonia)

⁷ Haba Iehova ame ca betenge köbun, me ucʼ öbun can öbun se hia hon je hnyei hia: anyin a öbun tavat ae ûhnyûkong hmönyin ehac:

Deuteronomi 7:7 ပူးပေါင်းရင်းမြစ်များ

I. Man Ûlabainy Je Than. 16:19

Waleji e tiga wakhalet ûseibun, Eke, e ti wakhalet, kʼ öbun je atkanyua hnyin;

Salamo 105:12

Waleji ae tiga wakhalet tavat; Eke, adre ti wakhalet, me je atkanyua bi hnyin;

Salamo 105:6

Öbun ta je mâtrâni Aberahama a athnyabainy, Öbun je mâtrâni Jekob wale tavat a ûca.

Salamo 115:1

IEHOVA lö, ca köhmun bi, ca kohmun bi, E so bi he ka hna hna olungâ ka iâm, Ûnyi hnyi ânyâm betenge me ânyâm hnathu.

Salamo 44:3

Anyin a adre me ca hu hnyei hnen bi anyidra ta je hele vat, Ke adre me ca möt hnen je hing hnyamödra bi: Ke so bi hnen hnyamâm, me benyâm, me melaminy hnyimâkâm, Anyin a u me betenge baû gadra.

Isaia 51:2

Wâ thö kamöbun a Aberahama, me Sara at a hnöku öbun: anyin oge hawâ e ke tiga khaca, ke oge me ohnahicâ me osehia e.

Isaia 63:9

E ame tha vec mödra hnyi anyidra ta je vec hia, ke e ame omeli ödra ge angelainy hnyimakan: e ame ûcû ödra hnyi anyin ibetengiö, ke hnen hna betenge baû; ke ame hum ödra me kop ödra bala bi hnyi je bong ehac.

Ezekiela 20:5

ke ha thö ködrin, ka habe, Walang hna ha hnen Than Iehova, ka habe, Haba hnyi bong eji oge me ûcâ hnyin Isaraela, ke oge me hinöbeny ka je mâtrâniny lap anyi Jekob, ke omanenö nya kodra hnyi hnyei Aigupito, ke oge me hinöbeny kodra me ha, ka habe, Inya Iehova Khongubun;

Ezekiela 36:22

Anyin a wale ha thö ka lap anyi Isaraela, ka habe, Walang hna ha hnen Than Iehova, ka habe, Lap anyi Isaraela lö, oge me ca ânyâ e can öbun, ke so bi can iök ae kap, waleji öbun e hia but haikongoâ hnyi ta je hnyei, waleji öbun e he ka hnyin.

Mataio 7:14

Ke hnek homa-göule ke ûhnyûkong gethen ka hnyi möt, ke wakhalet thibi tavat adre me wâ e.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Roma 11:6

Ke a ne hnen ibetengiö baû, awe, ca hnen bi huliwa: a ne ca helâe, me ca ibetengiö baû hmetu bi ibetengiö baû.

Roma 9:18

Awe, e ame betenge ge at e ame! betenge gan, ke e ame onâkâ at e ame beonâkâ kâu.

Roma 9:21

Hawa ge at ame op kaia kânâ, e ame ca musi ka kânâ, he ka op utkaia ae so, ame ne utkaia ae kong bi?

Deuteronomi 1:10

hnö Iehova Khongubun hna osehiʼ öbun, ke wâ bi, helâ me je okhûiny drany ûsehiaibun hnyi bong ang.

Deuteronomi 10:22

Ame he lakâmâm Aigupito ai ehac a ödrin sevente tavat ke walang ang Iehova Khongom ame wiö u mʼ u me helâ me je okhûiny drany ae se hia.

Deuteronomi 14:2

Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

Deuteronomi 4:37

Ke can anyin e ame betenge ge lakâmâm, waleling me e ame ûca je mâtrânidrin hwabödrin, me hum u ûheny Aigupito ge maniny man ae hwege, kʼ ame tot unyâm;

I. Ioane 3:1

WA bi ûganiny ibetengiö waleji a ham köta Kamen, mʼ adre me he ka haʼ öta me je lakon Khong: ke öta e. Waleling me me ca khanʼ öta hnen hmeledrany, anyin ae ca khanʼ ödra e bi.

I. Ioane 4:10

Wale thibi ang ibetengiö, ca hnöta hna hnyok ka Khong, ke so bi hnen hna hnyok köta, me hna kunâ Nokon hnân hut can anyita je hulo.