Deuteronomi 7:6 - Iaai Bible 1901 (New Caledonia)

⁶ Anyin a u hnyei ae kap ko Iehova Khongom: ke Iehova Khongom ame ûcö, u, me me iny hnyei ae ke bongon ae nua hon ta je hnyei hia hnyi hon kânâ.

Deuteronomi 7:6 ပူးပေါင်းရင်းမြစ်များ

I. Je Than 3:8

Ke inya but ang a athnyabaem hnyi wanben lakem waleji u je uca, hnyei ae gan, ae pason he ka ha ûseiny, ke ca hnân aû anyin ae se hia.

Ezera 9:2

Anyin a ödrin e hia but hom lakudrin je hlu hobi ködrin me lakudrin je baga; mʼ adre me hia but ûhaniken wan ae kap me tavat aten je hnyei: eke, ame bân je than me tavat musi ka hnyi hulo eling.

Salamo 114:2

E bi Juda umen uma ae kap, Ke Isaraela dokhon dokhu.

Salamo 135:4

Anyin a Ja ame hia but ûcû Jekob hnân hobi kâu, Me Isaraela hnân tang omjehen ae ûnyi hnathu.

Salamo 50:5

Ûkhacaköu thö könya ta je latök ae kap; Waleji tavat adre hia but ûhhiinyköu mönya ûnyi ge hut.

Esodo 6:7

kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.

Isaia 41:8

Ke haba u Isaraela lö a athnyabaik, ke Jekob at oge me ûca, mâtrâni Aberahama a hanok;

Isaia 41:9

a u at oge me kât ûnyi hnyi je can hmeledrany, ke hawâ ûnyi hnyi je ke keihen e, ke ha köu, ka habe, U thibi, athnyabaik oge ûco u ke ca hna degeci u;

Isaia 6:13

Ke ame ne tiga hu ke keihen a libenyitainy biju hnyin e, adre me he ka han metoâ e: helâ me man ela me iwajo, wale ame tiga e bi onyen, ödra ka hia but öûo; helâe ame he ka wan ae kap onyen.

Isaia 62:12

Ke adre me he ka; hwenyi iödra, Hnyei ae kap, A ûco Iehova: ke adre me he ka hwenyi iâm, Hna elâm, Taun adre degec.

Jeremia 2:3

E kap Isaraela kö Iehova, wan a bân hnyi troban hnyei: adre me ha hnaûhangöâ tavat adre me utâ e; ame he ka o ûnyi ae kong kodra, haingö Iehova.

Ezekiela 20:5

ke ha thö ködrin, ka habe, Walang hna ha hnen Than Iehova, ka habe, Haba hnyi bong eji oge me ûcâ hnyin Isaraela, ke oge me hinöbeny ka je mâtrâniny lap anyi Jekob, ke omanenö nya kodra hnyi hnyei Aigupito, ke oge me hinöbeny kodra me ha, ka habe, Inya Iehova Khongubun;

Levitiko 20:24

Ke oge hia but ha köbun, ka habe, Ame he ka bu köbun idrin hnyei, ke oge me he ka ham e köbun he ka labâ, wale hnyei ame di hnyin debai me hani: Inya Iehova Khongubun, at ame ucʼ öbun ûnyi hnyi ta je hnyei.

Levitiko 20:26

Mʼ öbun e he ka kap bi könya: anyin a inya Iehova ae kap, kʼ oge hia but ucʼ öbun ûnyi hnyi ta je hnyei hnân hobi könya.

Amosa 3:2

Oge hia but khanö nya thibi öbun hnyi ta je lap hia eang hmeledrany: anyin a wale oge me he ka bi hwaban ta je hwakecibun hia ae kong.

Malaki 3:17

Ke haba ödra me tang omjehek, haingö Iehova, hnyi bong oge me thu; ke oge me he ka betenge gadra helâ me at ame betenge ge nokon at ame huliwa kâu.

Ta je huliwa 13:17

Haba Khongon hnyei ang Isaraela, ame ûca lakamöta, me ogöranyâ tavat waleji kʼ adre me tiga laba kanyua hnyi hnyei Aigupito, ke e ame hum ödra ûheny e ge hnyamen ae hwege.

Roma 9:4

ödra at Isaraela; wale adre me wia me me lakon, me e hu gadra hmanenang, me ta je ûhihinyköu, me hna ham hnanyibu, me hmi, me je hna ha bânâ;

Deuteronomi 14:2

Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

Deuteronomi 14:21

Öbun e ca he ka han meno ame mok hwege: ke e khatö u he ka ham ka atkanyua hnyi hnyabam me me he ka han; ke e khatö u minya ka ûco e ka aten ke hnyei; anyin a u hnyei ae kap kö Iehova Khongom. U me ca he ka ölâ nokon got hnyi dân basin hinyen.

Deuteronomi 26:18

ke a hia but Iehova ha muâ hnyi bong ang a u hnyei ae ke bongon bi kâu, helâ me hnen hna ha bânâ köu, me u me he ka tuö hnen je hna hûna hia;

Deuteronomi 26:19

kʼ ame he ka obeönuai u hon je hnyei hia e ame op, hnân haisoâ, me hnân ien bi, me hnân ogânâ; mʼ u me he ka hnyei ae kap hobi kö Iehova Khongom hoton hofuc waleji e ame ha.

Deuteronomi 28:9

Ame he Iehova ka ohmö u inʼ u hnyei ae kap hobi kâu e bi, helâ me e ame khemanyin köu; u je ne he ka tuö je hnanyibu anyi Iehova Khongom, ae vheno deny je gethen.

Deuteronomi 33:3

Eke, e ame betenge ge je tribu; E hnyi hnyamâm laten ae kap hia. Ke adre me laba ju hmelen li cam; Adre me he ka ve kap hwâm je hofuc.

Deuteronomi 4:20

Ke a hia but Iehova hum öbun, me su öbun ûheny hnyi hnyin inyâ fao, a ûheny Aigupito, mʼ öbun e lakeiny ae hu hwajekhon, helâ me hnyi bong ang.

Deuteronomi 4:37

Ke can anyin e ame betenge ge lakâmâm, waleling me e ame ûca je mâtrânidrin hwabödrin, me hum u ûheny Aigupito ge maniny man ae hwege, kʼ ame tot unyâm;

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

II. Peteru 2:5

ke ame ca betenge bi ge hmeledrany ehac, ke ame omeli Noa me hnyat minya a seven, at ame khetâ hwakecin ae wisa, hnyi ûen e ame oâ uoû ka hnyi hmeledrany ae kong;

II. Peteru 2:9

e khana Than hwakecin hna omelö tavat ae wisa hwakecidra ae ûcû me Khong ûnyi hnyi ta je ûcûbic, me he ka ip me hnân hwaban tavat ae ca wisa hwakecidra ke ne o but hnyi bong owisa;

I. Samuela 12:22

Anyin ame ca he Iehova ka hna degecâ lakeiny, ûnyi ge ien ae gan hmâ: anyin ae we Iehova he ka wiʼ öbun me hnân hing lakeiny.