Deuteronomi 7:5 - Iaai Bible 1901 (New Caledonia)

⁵ Ke walang ûnyi öbun e ha ka ânyâ ködra; öbun e he ka kia anyidra je taben hut, me thö amamâ anyidra je veto ame tot, me sö degecâ anyidra je Aseira, me thong degecâ anyidra je hnatheat ge meic.

Deuteronomi 7:5 ပူးပေါင်းရင်းမြစ်များ

II. Je Than 10:26

Ke ödrin e hom kâû je veto ame tot ûnyi hnyi uma umö Baala, me le degecâ e.

I. Man Ûlabainy Je Than. 14:12

Ke ödrin e ip biju eling je khongudrin; ke haba Davita ame hûna he ka thong degeci ödrin ge meic.

II. Man Ûlabainy Je Than. 14:3

anyin a e ame ohia je taben hut kanyua, me je dok ae gorany, me sö degecâ je Aseira;

Esodo 23:24

U ca he ka khudrung ka ta je khongundrin, me bi athnyaba ködrin, me ânyâ helâ me anyidrin huliwa: ke so bi u me he ka hagutʼ ödrin, me kot omomono anyidrin je veto ame tot.

Esodo 32:20

Ke e ame hom nokon kau adre me ânyâ, me thong hnyi meic, me omomonoâ, me khûkhûâ ka hnyi hon köiö, me bi belen lakon Isaraela.

Esodo 34:13

ke so bi öbun e he ka thö anyidra je taben hut, me sa omomono anyidra je veto ame tot, me sö degecâ anyidra je Aseira:

Isaia 17:8

Ke e ame ca he ka bwela ka hnyi ta je taben hut, huliwa anyin li hnyamen, ke ame ca he ka wâ ta je ûnyi a ânyâ hnen je banyen, je Aseira, me je hna theati seûno.

Levitiko 26:1

CA he öbun ka bi idola, ke ca he ka otilâ hobi köbun ke hnatheat, ame ne veto ame tot, kʼ öbun e ca he ka ip hnyi ibun hnyei ke veto adre kave he ka nom kâu; anyin a inya Iehova Khongubun.

Numera 33:52

me öbun e he ka obâ aten hnyei hia hnyi hnyimaköbun, me ohia anyidra je hnatheat hia, me ohia anyidra je idola hia adre oköiâ, me thö degecâ hia anyidra je dok ae görany:

Deuteronomi 16:21

U me ca he ka ta ke ûö hnân bi Aseira hobi köu, hakekenyâ taben hut anyi Iehova Khongom wale u me he ka ânyâ hobi köu bi.

Deuteronomi 16:22

Ke u me ca he ka otilâ hobi köu ke veto ame tot; wale ûnyi ame hûkötiâ Iehova Khongom.

Deuteronomi 7:25

Ke öbun e he ka thong degecâ ge meic ta je hnatheatiny anyidra je khong: ke u me ca he bi ka behnyekon sileva me gol wale adre tube kâu, me hom e me ânyâm bi, wâ e nye nuc u hnen ûnyi eling: anyin a haba ûnyi e me ûnyi ae ikiki kö Iehova Khongom:

Deuteronomi 9:21

Ke oge me hom anyibun hulö, wale nokon kau öbun e ânyâ, me thong ge meic, me kokot e, me oamamâ ke ne o but ame sesâ but: ke oge me khûâ sesâiny ka hnyi wagewe ame di ûnyi hnyi bucen.