Deuteronomi 7:2 - Iaai Bible 1901 (New Caledonia)

² ke e ka he Iehova Khongom ka hnʼ ödra hnyi hnyimâkâm; awe, u me he ka kuc ödra me ti ohiʼ ödra hia; u me ca he ka ûhihinyköu mödra, me betenge gadra:

Deuteronomi 7:2 ပူးပေါင်းရင်းမြစ်များ

Genese 14:20

Ke so adre haisoâ Khong ae Beönua waleji ame hna but je iwahnaihmiöny möu ka hnyi hnyamâm. Ke e ame ham kâu ke keihen a libenyitainy ta je ûnyi hia.

II. Samuela 21:2

Haba than ame hawâ at Gibeona me ha ködrin, (ke ca hanen lakon Isaraela at Gibeona, ke hanen je kolon at Amora; ke a hia but lakon Isaraela khemanyin ködrin: ke Saulo ame elâm he ka kuc ödrin can weny ae gan hmâ ka lakon Isaraela me Juda:)

I. Je Than 20:34

Haba Ben-adada ame ha kâu, ka habe, Haba je taun a hûgûnâ cica ge kâmâm, oge me he ka hna; ke u me he ka ânyâ je gethen hnyi Damaseko hobi köu, helâ me hnö cica hna ânyâ hnyi Samaria. Ke hai-Dgö Ahaba, ka habe, Oge me he ka hnö u me ûhihinyköu ang. Me e ame ânyâ ûhihinyköu më, me hna but e.

Ezera 10:3

Ke walang ang, otin e he ka ânyâ ûhihinyköu me Khongutin he ka degec laôiöhmun me je lakudrin, helâ me hwâm hofuc than, me tavat adre me öbubuny ge hnanyibu anyin Khongutin; ke adre me he ka ânyâ hoton hnanyibu.

Salamo 106:34

Adre me ca ohia ta je hnyei, Helâ me Iehova ame hûna kodra;

Esodo 22:20

Adre me he ka ti ohia at ame bi hut ka ke khong, ke ca kö Iehova.

Numera 21:2

Me haba at Isaraela adre me hûkâlö khöbi kö Iehova, me ha, ka habe, U me ne he ka hna tavat ang ka hnyi hnyamok, me oge me he ka tha ohia anyidra ta je taun.

Numera 31:17

Anyin a wale hlingâ but wainda hia unyin je wanakat, ke hlingâ but watamomo hia, tavat adre hia but tha mokut me baga.

Numera 33:52

me öbun e he ka obâ aten hnyei hia hnyi hnyimaköbun, me ohia anyidra je hnatheat hia, me ohia anyidra je idola hia adre oköiâ, me thö degecâ hia anyidra je dok ae görany:

Deuteronomi 13:8

u me ca he ka ogâ kâu, me löng kâu; ke haba khaca, u me ca he ka betenge gan, me hna, ke u me ca he ka ikhâlâ:

Deuteronomi 13:9

ke u me he bi ka hlingâ; u ma bâm ka ip hnyamâm hon he ka hlingâ, ke biliny bi je hnyamen tavat hia.

Deuteronomi 19:13

Ca he emakâm ka betenge gan, ke u me he ka ohia dra ae ba hulöiny ûnyi hnyi Isaraela, mʼ u me so bi.

Deuteronomi 2:33

Ke haba Iehova Khonguta ame hna e köta; mʼ ate me kot e, me lakon, me lakeiny hia.

Deuteronomi 2:34

Me ate me hûgûnâ anyin ta je taun hia hnyi ûen eling, me ti ohia je taun adre labā, tha e me je momo me tavat ae ûhnyûkong; ke ba kolon:

Deuteronomi 23:14

anyin a Iehova Khongom ame he hnyi wanben hnâm hna hunuma, he ka omeli u, me hna je iwahnaihmiony mou hnyi hnyimâkâm; anyin a wale ame he ka kap bi hnâm hna hunuma: me me ca he ka wâ unyâm ke ûnyi ae kong, me me hna degeci u.

Deuteronomi 25:12

awe, u me he ka subâ degecâ hnyamen momo, ca he emakâm ka betenge gan.

Deuteronomi 3:3

Ke Iehova Khonguta ame hnö Oga minya thaniny Basana me lakeiny hia ka hnyi hnyamöta, mʼ ate me kuc ödra, ke ne o but ame ba kolon.

Deuteronomi 31:5

Kʼ ame he Iehova ka hnʼ ödra hnyi hnyimaköbun, mʼ öbun e he ka ânyâ ködra hoton je hna hûna hia oge, hia but hûna köbun.

Deuteronomi 33:27

Haba hnyabam, me, Khong a nyiele balua; Ke eû hmelâm li benyin a nyiele balua; E ame obâ iwahnaihmiony hnyi hnyimâkâm, Ke haingen, ka habe, Ohia but.

Deuteronomi 7:16

Ke u me he ka ohia ta je hnyei hia ame he Iehova ka hna köu; kʼ ame ca he emakâm ka betenge gadra: ke u ma ca bi athnyabainy anyidra je khong; anyin â wale hnân nuc u.

Deuteronomi 9:3

Ke ame he ka khanö u hnyi bong ang a Iehova Khongom ame hnyimakan ânyâm bunyen, e meic ae han; ke e ame he ka ohiʼ ödra, me oûhnyûkongu ödra: ke u me he ka obʼ ödra, me ie ohiʼ ödra, helâ me Iehova ame ha köu.

Josua 10:28

Ke Josua ame hûgûnâ Makeda hnyi bong eling, me kot e ge hele vat, me thaniny e; e ame ti ohiʼ ödrin me tavat hia thithö hnyin, e ame ca hna bi ke kolon a khaca: ke e ame ânyâ ka thaniny Makeda helâ me hnen hna ânyâ ka thaniny Jeriko.

Josua 10:30

ke Iehova ame hna minya e me thaniny e ka hnyi hnyamen at Isaraela; ke e ame kot e ge hele vat, me tavat hia thithö hnyin; me ba kolon biju; ke e ame ânyâ ka thaniny e, helâ me hnen hna ânyâ ka thaniny Jeriko.

Josua 10:32

ke Iehova ame hna Lakisa ka hnyi hnyamen at Isaraela, me e ame hûgûnâ e hnyi bong a loiny, me kot e ge hele vat, me tavat hia thithö hnyin, helâ me hnen hna ânyâ ka Libena.

Josua 10:40

Me haba Josua ame kot hnyei hia ae hu buceniny, me hnyi Hwaiöu, me hnyei ae ca hut, me je hwatapkolu, me je thaniny hia thithö; e ba kolon e ame hna: ke e ame ohia ta je ûnyi hia ae hu homenâ, helâji me Iehova Khongon at Isaraela ame hûna.

Josua 10:42

Ke haba Josua ame hûgûnâ je than eling hia me idrin je hnyei hnyi khaca thibi ûen, anyin a Iehova Khongon Isaraela ame vat hobi kâu at Isaraela.

Josua 11:8

Ke Iehova ame hnʼ ödra ka at Isaraela, me adre me kuc ödra, me hnu ödra ke ne o but Zidona ae gan, ke ne o but Miserefo-maim, me hnyigöulen bucen Mizepa e deiö; me adre me kuc ödra ke ne o but ame ba but kolon.

Josua 2:14

Ke ame thu ka momo hnen li at, ka habe, Öhmu me he ka mok hwaböbun, öbun e ne ca he ka omanenâ ûhemnu eang; ke e ka āt bi a gʼ ame he Iehova ka ham kohmun hnyei; me öhmun e he ka ânyâ hwakecin ae betenge me hnathu köu.

Josua 21:44

Ke Iehova ame omenʼ ödra igigilö, hoton hofuc hia e ame khemanyin ka lakamödra: ke ba ke iwahnaihmiony mödra ame tot hnyi hnyimakodra; ke Iehova ame hna ta je iwahnaihmiony mödra hia ka hnyi je hnyamödra.

Josua 8:24

Ke a hia but at Isaraela kot at Ai huyi hnyei, hnyi hnyebuba wale adre me hnu ödra hnyin, ke adre me ta hia ge hele vat, me ohiʼ ödra, me ame hmetu Ai ai at Isaraela hia thithö, me kot e ge hele vat.

Josua 9:24

Ke ödrin e thu kö Josua, ka habe, Adre me ha hnathoâ ka lathnyabaem a Iehova Khongom ame hûna kö Mose a athnyabainy he ka ham köbun hnyei hia thithö, me he ka ohia aten hnyei hnyi hnyimaköbun, anyin a wale öhmun e ot gan hmâ me bemöt gabun, waleling mʼ öhmun e ânyâ ûnyi e.

Josua 9:7

Ke haba at Isaraela adre me ha ka at Hivi, ka habe, Hawa la, öbun e ne tha laba unyihmun, ke öhmun e he ka kâmâu ka ûhihinyköu möbun?

Owisa 1:24

Ke tavat ecmak odrin e wâ et ame dit ûheny hnyi taun, me odrin e ha kâu, ka habe, Ö u omanenâ thö kohmun homagouleny taun, ke ohmun e he ka betenge gam.

Owisa 1:4

Me Juda ame he; me Iehova ame hna at Kanana me Perizi ködrin: ke hnyi Bezek odrin e kot ten thauzan tavat.

Owisa 2:2

ke haba öbun mʼ öbun e ca he bi ka uhihinyköu me aten hnyei ang; kʼ öbun e he ka kia anyidrin je taben hut: ke so bi öbun e ca long hok hofuc: ieû gabun inʼ öbun e ânyâ helâe?