Deuteronomi 7:16 - Iaai Bible 1901 (New Caledonia)

¹⁶ Ke u me he ka ohia ta je hnyei hia ame he Iehova ka hna köu; kʼ ame ca he emakâm ka betenge gadra: ke u ma ca bi athnyabainy anyidra je khong; anyin â wale hnân nuc u.

Deuteronomi 7:16 ပူးပေါင်းရင်းမြစ်များ

Salamo 106:34

Adre me ca ohia ta je hnyei, Helâ me Iehova ame hûna kodra;

Salamo 106:36

Ke adre me bi athnyaba ka anyidra je hnatheat; Wale me hnân hnewe kodra:

Esodo 23:33

Adre me ca he ka laba hnyi em hnyei wâ odra nye bi jönâm könya: anyin a u je ne he ka bi athnyaba je khongudrin, wale thibi e hnân nuc u.

Jeremia 21:7

Ke hwaban e, haingö Iehova, oge me he ka hnö Zedekia than Juda, me je athnyabainy, me tavat a je kolon hnyi taun ang ûnyi hnyi mok ae cap, me hele vat, me hmiâ, ka hnyi hnyamö Nebukaneza than Babulona, me hnyamen je iwahnaihmiony mödra, me hnyamen tavat adre me elâm he ka hlingʼ ödra: ke e ame he ka kuc ödra ge hele vat; e ame ca he ka omeli ödra, me hnyok kodra, me betenge.

Numera 33:55

Ke öbun e ne ca obâ aten hnyei hni hnyimaköbun, awe, ame he je kolon gadra ka helâ me wajua hnyi je emaköbun, ke helâ me ûnyi hnân ûdö je vhaköbun, ke adre me he ka oveci öbun hnyi hnyei öbun e he ka labā.

I. Korinito 15:33

Ca iyâûʼ öbun bi: ûhnenamö ae monu, wale at ame okongoâ hwakecin ae so.

Deuteronomi 13:8

u me ca he ka ogâ kâu, me löng kâu; ke haba khaca, u me ca he ka betenge gan, me hna, ke u me ca he ka ikhâlâ:

Deuteronomi 13:9

ke u me he bi ka hlingâ; u ma bâm ka ip hnyamâm hon he ka hlingâ, ke biliny bi je hnyamen tavat hia.

Deuteronomi 19:13

Ca he emakâm ka betenge gan, ke u me he ka ohia dra ae ba hulöiny ûnyi hnyi Isaraela, mʼ u me so bi.

Deuteronomi 19:21

Ca he emakâm ka betenge; ke haba möt me hwaban möt, ke ecmak hwaban ecmak, ke nyu hwaban nyu, ke hnyam hwaban hnyam, ke can hwaban can.

Deuteronomi 25:12

awe, u me he ka subâ degecâ hnyamen momo, ca he emakâm ka betenge gan.

Deuteronomi 7:2

ke e ka he Iehova Khongom ka hnʼ ödra hnyi hnyimâkâm; awe, u me he ka kuc ödra me ti ohiʼ ödra hia; u me ca he ka ûhihinyköu mödra, me betenge gadra:

Deuteronomi 7:25

Ke öbun e he ka thong degecâ ge meic ta je hnatheatiny anyidra je khong: ke u me ca he bi ka behnyekon sileva me gol wale adre tube kâu, me hom e me ânyâm bi, wâ e nye nuc u hnen ûnyi eling: anyin a haba ûnyi e me ûnyi ae ikiki kö Iehova Khongom:

Josua 11:20

Anyin a ûnyi ga Iehova he ka okhötâ je hnyekudra, mʼ adre me he ka vat me at Isaraela, me e ame he ka ti ohiʼ ödra, mʼ adre me ca he ka betenge gadra, ke ao bi mʼ adre me he ka ohiʼ ödra, helâji me Iehova ame ha kö Mose.

Owisa 2:12

Ke ödrin e hna degeci Iehova Khongon lakamödrin, at a hum ödrin ûheny hnyi hnyei Aigupito, me hnu hoton ke je khong, je khongon je hnyei igigili ödrin, me khudrung ködrin: ke ödrin e okûâ hmonyin anyi Iehova.

Owisa 2:3

Anyin a wale oge me ha, ka habe, Oge me ca he ka obʼ ödrin hnyi hnyimaköbun; kʼ ödrin e he ka helâ me je ûdö hnyi je vhaköbun, ke haba je khongudrin, me, hnân hnewe köbun.

Owisa 3:6

ke adre me hom lakudrin je hlu me me laöiödra, me ham lakudra bi je hlu ka lakudra obaga, me bi athnyabainy je khongudrin.

Owisa 8:27

Ke haba Gideona ame ânyâ iefoda ûnyi hnyi je ûnyi e, me ip e hnyi anyin taun wale Ofera: ke haba at Isaraela hia thithö ödrin e bi ûnyi monu me ûnyi eling: ke wale hnewe kö Gideona me anyin lap.