Deuteronomi 7:13 - Iaai Bible 1901 (New Caledonia)

¹³ me e ame he ka hnyok köu, me ohnahici u, me osehiö u: kʼ ame he minya ka ohnahicâ je wan hnyekom, me wan kânâm kânâ, wale ânyâm hwit, me ânyâm waina, me ânyâm wakaco, me lakon halem je kau, me je hnahat halem je mamoe, hnyi hnyei e ame khemanyin ka lakâmâm he ka ham köu.

Deuteronomi 7:13 ပူးပေါင်းရင်းမြစ်များ

Nehemia 9:32

Ke walang ang Khonguhmun lö, at ae gan, ke at ae hwege, a Khong hnân outen, at ame tuö ûhihinyköu me ibetengiö, e na ca he ka ûnyi baû hnyi hnyimâkâm ta je vec hia ame o kohmun, ka latuhöhmun, me anyihmun je than, me tavat bihut unyihmun, me anyihmun je perofeta, me lakamöhmun, me lakem hia, hwân hnyi bong bongon je than Asuria ke ne o but hnyi bong ang.

Jobu 1:10

Hawa, u je ca hwö hak igigilo e, ke igigilo hnyaban, ke igigilo anyin ta je ûnyi hia hnyi je ke keihen hia? u je hia but ohnahicâ anyin huliwa, me osehia haleny je meno hnyi hnyei.

Jobu 42:12

Me Iehova ame gan hmâ oganö Jobu hnyi bongon je bong a biliny hon je bongon a bân: ke e hu gan ta je mamoe a fotin thauzan, ke siks thauzan je kamela, ke wan thauzan je ûcû lo bolok, ke wan thauzan je asina momo.

Salamo 1:3

Me e ame he ka ûcû me ûö adre ta hnyi i baten ta je wagewe, Kʼ ame wa but wan hnyi huna, Kʼ ame ca meleca thö lan; Kʼ ame he bi ka hnahic ta je ûnyi hia e ame ânyâ.

Salamo 107:38

E ame ohnahici ödra minya, mʼ adre me ti se hia; Kʼ ame ca hna haledra omeno he ka wakhalet.

Salamo 11:7

Anyin ae wisa Iehova; kʼ ame hnyokâ hwakecin ae wisa; E ame he ka wâ hnyimakan at ae wisa.

Salamo 127:3

Wâ bi, jekhöûta ûnyi ga Iehova ta je wanakat: Ke hwaban ûnyi gan, wale wan tangen hnöku.

Salamo 146:8

Iehova ame obwela ta je wadröu; Iehova ame otilâ wisa tavat adre me iyâû: Iehova ame betenge ka tavat ae wisa;

Esodo 23:25

Kʼ öbun e he ka bi athnyabai Iehova Khongubun, me ame he ka hahnahicâ âm me belâm; ke oge me he ka hom mok ûnyi gam.

Ta je Vejec 10:22

Haba hnahic ûnyi ga Iehova ame ohuâ omjeû, Ke e ame ca vecâ.

Ta je Vejec 15:9

Hmiö Iehova gethen deny at ae kong: Ke e ame betenge ge tavat adre me vheno wisa.

Levitiko 26:9

Ke oge me he ka ogânʼ öbun me osiâ me osehiʼ öbun; me ohmâ anyik ûbihinyköu möbun.

Mataio 6:33

Ke böbun he ka elâm dokhon dökhu, me hwakecin ae wisa; ke adre me he minya ka ham köbun ta je ûnyi e.

Ioane 14:21

Haba at ae hu gan anyik je hnanyibu, kʼ ame vheno e, me wale bi e at ame hnyok könya: haba at ame hnyok könya, me ame he Cica ka hnyok kâu, ke oge me he bi nya ka hnyok kâu, ke oge me he minya ka omanenö nya kâu.

Ioane 15:10

Öbun e ne vheno anyik ta je hnanyibu, öbun e he ka tet hmâ hnyi anyik ibetengiö; helâ me inya oge me vheno hnanyibu anyi Cica me oge me tet hmâ hnyi anyin ibetengiö.

Ioane 16:27

anyin a Kamen ame betenge gabun, can öbun e hnyok könya, ke can öbun e kap a oge me o ûnyi ge Kamen.

Deuteronomi 1:8

Wâ bi, oge hia but ip hnyei hnyi hnyimaköbun: he thʼ öbun me labā hnyei waleji ame khemanyin ka lakamöbun, a Aberahama, me Isaaka, me Jekob, he ka ham ködrin, me je mâtrânidrin hwabödrin.

Deuteronomi 13:17

Ke e so ame ca he ka kece ka hnyi hnyamâm ûnyi adre ohnauhangoâ: me me he Iehova ka degec ûbâhlâiny hmönyin, kʼ ame he ka betenge gam, me hnyok köu, me osehiö u, helâ me hnen hna khemanyin ka lakâmâm;

Deuteronomi 28:1

KE u je ne he ka ti löng hoton hofuc ho Iehova Khongom he ka wâ wia me ânyâ hnen je hna hûna, wale oge me huna köu hnyi bong ang, me ame he Iehova Khongom ka obeönuai u hon ta je hynei hia eang hmelen:

Deuteronomi 28:11

Ke ame he Iehova ka osehia hobi köu ta je ûnyi ae so, a wan hnyekom, me wan halem je meno, me wanʼ kânâm kânâ, hnyei a khemanyin Iehova ka lakâmân he ka ham köu.

Deuteronomi 30:5

ke ame he Iehova ka hum u ka hnyi hnyei a labā lakâmâm mʼ u me he ka labā, ke e ame he ka osoi u, me osehiö u hon je lakâmâm.

Deuteronomi 7:7

Haba Iehova ame ca betenge köbun, me ucʼ öbun can öbun se hia hon je hnyei hia: anyin a öbun tavat ae ûhnyûkong hmönyin ehac: