Deuteronomi 7:1 - Iaai Bible 1901 (New Caledonia)

¹ E KA hia but Iehova Khongom hum u ka hnyi hnyei wale u me he ka hnyin he ka hu e, ke e ka hia but oc degecâ je hnyei ae se hia hnyi hnyimâkâm, a at Heth, me Girigasa, me Amora, me Kanana, me Perizi, me Hivi, me Jebusi, wale seven je hnyei ae gan me hwege hom;

Deuteronomi 7:1 ပူးပေါင်းရင်းမြစ်များ

I. Je Than 16:31

Ke helâke e hâhâ kâu waleji hnen hna vheno je hulö anyi Jeroboama nöku Nebata, me e minya bi ame hum Jezebela nöku Ethebaala thaniny at Zidona, me âiân, me e ame he me bi athnyaba kö Baala, me khudrung kâu.

I. Man Ûlabainy Je Than. 1:14

me at Jebusi, me Amora, me Girigasa;

II. Man Ûlabainy Je Than. 8:7

Ke haba tavat hia a kolon a at Heth, me Amora, me Perizi, me Hivi, me Jebusi, wale a ca at Isaraela;

Ezera 9:1

Kʼ AME um dö ta je ûnyi eling, me ame hakekeny könya je than hia, haingödrin, ka habe, Haba tavat Isaraela, me tavat bihut, me at Levi, ödrin e ca hia but oûsâkâûöâ me tavat aten je hnyei, ge anyidrin je hwakecin ae ikiki, wale at Kanana, me Heth, me Perizi, me Jebusi, me Amona, me Moaba, me Aigupito, me Amora.

Nehemia 13:23

Ke hnyi ûen eling oge me wâ at Juda tavat adre me hok momo hnyi Asedoda, me Amona, me Moaba:

Salamo 78:55

E ame obâ aten ke je hnyei hnyi hnyi makodra, Me ve khene idra hnen tulut, Me olaba je tribu Isaraela hnyi umödra je uma mano,

Esodo 15:7

Ke ûnyi hnyi ûganiny ibeönuaiâm u je hagutʼ odra tavat adre me tot köu: U je kunâ ânyâm hmönyin, mʼ adre me aû but helâ me tiren.

Esodo 23:28

Ke oge me he ka kunâ bânâ wahankânâ wale ame he ka obâ at Hivi, me Kanana, me Heth ûnyi hnyi hnyimâkâm.

Esodo 23:32

U me ca he ka ûhihinyköu mʼ odra me je khongudrin.

Esodo 23:33

Adre me ca he ka laba hnyi em hnyei wâ odra nye bi jönâm könya: anyin a u je ne he ka bi athnyaba je khongudrin, wale thibi e hnân nuc u.

Esodo 33:2

ke oge me he ka kunâ hnyi hnyimâkâm ke angela; ke oge me he ka obâ at Kanana, me Amora, me Heth, me Perizi, me Hivi, me Jebusi:

Esodo 6:8

Ke oge me he ka hum öbun ka hnyi hnyei waleji oge ogörânyâ hnyamok he ka ham kö Aberahama, me Isaaka, me Jekob; kʼ oge ma he ka ham köbun me hwajekhöubun: haba inya Iehova.

Levitiko 14:34

Öbun ka o hnyi hnyei Kanana, wale oge me ham köbun hnân ibun, ke oge ne okûâ mok lepera hnyi ke uma hnyi ibun hnyei;

Numera 13:29

Kʼ ame laba Amaleka hnyi ke keihen ka hnyi Hwaiöu: ke haba hnyi je bucen ame laba hnyat Heth, me Jebusi, me Amora: kʼ ame laba at Kanana hnyi hobat köiö me hnyi baten Joridano.

Numera 14:31

Ke haba lakubun je wanakat wale öbun e ha a gʼ ame he ka hûgûnâ hnen vat, me oge me he ka hum ödrin bi, ke adre me he ka wâ hnyei öbun e hûkötiâ.

Ta je huliwa 13:19

Ke a hia but ohia je hnyei a seven hnyi hnyei Kanana, e ame khene idra mʼ adre me labâ helâke foa haded me fifte je huna:

Deuteronomi 11:29

Ke ka hia but Iehova Khongom lili u ka hnyi hnyei u me he ka he ka hnyin me me gam, me u me he ka ip hnahic hon bucen Girizim, ke hnaûhangö hon bucen Ebala.

Deuteronomi 20:1

U KA he ka vat me je iwahnaihmiony mou, me wâ je hors, me je kariota, me tavat ae se hia hom, me u me ca he ka outʼ ödra: anyin a e unyâm Iehova Khongom, a at ame hum u ûheny hnyi hnyei Aigupito.

Deuteronomi 20:16

Ke haba aten je taun ang a ham köu Iehova Khongom hnân em, me u me ca he ka omelö ke ûnyi ae hu homenâiny:

Deuteronomi 31:20

Ke iny ka hia but hum ödra ka hnyi hnyei waleji oge khemanyin ka lakamödra, ame di ge debai me hani; ke ödra ka hia but han sekon me pipikhenya; me adre me he ka hnyimakodra ka ke je khong, me bi athnyabaidrin, me höciö nya, me oûnyibâûâ hnok hna ûhihinyköu.

Deuteronomi 31:3

Ke haba Iehova Khongom me e ame he ka bân ka hanyâûâ hnyi hnyimâkâm; ke e ame he ka ohia je hnyei eang hnyi hnyimâkâm, me me em biju: haba Josua me e ame he ka hanyâûâ hnyi hnyimâkâm, helâji me Iehova ame ha.

Deuteronomi 4:38

he ka obâ hnyi hnyimâkâm je hnyei ae gan me hwege hom, me hum u he ka ham bi köu idra hnyei me me em, helâ me hüyi bong ang.

Deuteronomi 6:1

KE walang hna hûna, me je hnanyibu, me je hna owisa, waleji a hûna Iehova Khongubun he ka nʼ öbun, mʼ öbun e he ka ânyâ hnyi hnyei öbun e he ka hnyin me me hu:

Deuteronomi 6:10

Ke ka hum u hnö Iehova Khongom ka hnyi hnyei waleji e ame khemanyin ka lakâmâm, a Aberahama, me Isaaka me Jekob, he ka ham köu, a je taun ae gan me so wale u je ca op,

Deuteronomi 6:19

a gʼ ame he ka obâ je iwahnaihmiony möu hia hnyi hnyimâkâm, hoton hna ha hnö Iehova.

Deuteronomi 6:23

ke e ame hum ohmun ûheny e, me me hum ohmun ka hnyin me ham köta hnyei waleji e ame khemanyin ka lakamöta.

Deuteronomi 9:1

ISARAELA lö, löng ju: u me he ka he hanyâûâ Joridano hnyi bong ang, he ka he me hûgûnâ je hnyei ae gan me hwege hom, je taun ae gan kʼ adre up haginy ke ne o but ka hnyi drany,

Deuteronomi 9:3

Ke ame he ka khanö u hnyi bong ang a Iehova Khongom ame hnyimakan ânyâm bunyen, e meic ae han; ke e ame he ka ohiʼ ödra, me oûhnyûkongu ödra: ke u me he ka obʼ ödra, me ie ohiʼ ödra, helâ me Iehova ame ha köu.

Deuteronomi 9:4

Ke e ka hia but Iehova Khongom obʼ ödra hnyi hnyimâkâm, me u me ca he ka ha eû hnyi hnyekom, ka habe, Can hwakecik ae wisa, Iehova ame hum nya me inye he ka hu hnyei ang: ke so bi can hwakecin ae kong anyin tavat eling, Iehova ame obʼ ödra hnyi hnyimâkâm.

Josua 11:3

me tavat Kanana e deiö me jio, me at Amora, me Heth, me Perizi, me at Jebusi hnyi je bucen, me at Hivi hmelen Heremona hnyi hnyei Mizepa.

Josua 24:11

Ke öbun e he hanyâûâ Joridano, me o hnyi Jeriko: ke ame vat möbun at Jeriko, me at Amora, me Perizi, me Kanana, me Heth, me Girigasa, me Hivi, me Jebusi; ke oge me hnʼ ödrin ka hnyi hny amöbun.

Josua 3:10

Ke haingö Josua, ka habe, Walang haten mʼ öbun e he ka wâ a e bi unyibun Khong ae möt, kʼ ame he ka ti obâ hnyi hnyimaköbun at Kanana, me Heth, me Hivi, me Perizi, me Girigasa, me Amora, me Jebusi.