Deuteronomi 6:7 - Iaai Bible 1901 (New Caledonia)

⁷ ke u me he ka labö nâ e ka lakom, me ûhnenamö gan u ka laba hnyin umâm uma, me he eû hnyi gethen, me u ka mokut, me u ka köûö hmetu.

Deuteronomi 6:7 ပူးပေါင်းရင်းမြစ်များ

Genese 18:19

Anyin a oge hia but wâhmakhmetoâ e, me me hamen he ka hûna ka lakon me anyin lap hwaban e, mʼ adre me he ka tuö de Iehova, he ka ânyâ wisa me owisa; me me he Iehova ka ohmâ kö Aberahama hna ha bânâ gan.

Jobu 8:10

Hawa, ödrin e ca he ka nö u, me thu köu, Me ha je hofuc ûnyi eû hnyi je hnyekudrin?

Salamo 119:13

Oge hia but omanenâ ge li esongodik Ta je hna owisa hia ûnyi hnyi hnyimâm.

Salamo 119:46

Oge me he minya ka ûhnenamö hnyi hnyimakan je than hnâm ta je hna ohnathoâ, Ke oge me ca he ka hmehma.

Salamo 129:8

Ke ame ca ha bi tavat adre me gethen hnyin, ka habe, E so e e unyibun hnahic anyi Iehova; Ohmun e ha hnahici öbun hnyi iö Iehova.

Salamo 37:30

Haba hnyimen at ae wisa me ame ûsabö metâ, Kʼ ame fuc bohmen ge hna owisa.

Salamo 71:17

Khong lö, u je hia but nö nya hwân kʼ iny tiga hidröu; Ke oge hia but omanenâ ke ne o but walang ang ânyâm ta je huliwa hnân lâiâ.

Ta je Vejec 10:21

Haba li esongodiny at ae wisa me ame hān tavat ae se: Ke a mok ut tavat ae monu anyin ae ba hnyekudra.

Ta je Vejec 15:2

Haba bohmen at ae metâ me ame ha wisa ge wâhmakhmeto: Ke haba hnyimen tavat ae monu, me ame hingâlâ hwen monu.

Ta je Vejec 15:7

Haba li esongodiny at ae metâ, me ame khûkhûâ wâhmakhmeto: Kʼ ame ca hnyi helâe hnyekon at ae monu.

Ta je Vejec 6:22

U je ne he, e ame he ka su u; U je ne mokut, e ame he ka tuö u; U je ne hmak hmetu, e ame be ka ûhnenamö möu.

Isaia 38:19

Ame he at ae möt ka oganö u, a at ae möt, helâ me hnok hna ânyâ hnyi bong ang: Hamen kamen he ka omanenâ ânyâm hnathu ka lakon.

Malaki 3:16

Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

Mataio 12:35

Haba at ae so ame hom but ta je ûnyi ae so ûnyi hnyi tang omjehen ae so; ke haba at ae kong ame hom but ta je ûnyi ae kong ûnyi hnyi tang omjehen ae kong.

Luka 6:45

Haba at ae so ame hom but ta je ûnyi ae so ûnyi hnyi tang omjehen hnyekon ae so; ke haba at ae kong ame hom but ta je ûnyi ae kong ûnyi hnyi tang omjeû ae kong: anyin ame fuc dö hnyem ûnyi ge hnyok ae unöngöt dö.

Efeso 4:29

Ca he bi ka o ûnyi hnyi je hnyimöbun hofuc ae ikiki, ke so bi hofuc ae so hobi kâu ûen ae ûcû, me me okûâ so ka tavat adre me long.

Efeso 6:4

Ke haba öbun je kamen, ca okûâ bi hmonyin ka je lakubun: ke so bi he ka hat ödra hnyi hna nʼ ödra, me hna ûne ködra hnen Than.

Deuteronomi 11:19

Ke öbun e be ka nâ hofuc e ka lakubun, me ûhnenamö gan, u ka laba hnyin umâm uma, me he eû hnyi gethen, ke u ka he ka mokut me köûö hmetu bi.

Deuteronomi 6:2

mʼ u me he ka outö Iehova Khongom he ka vheno anyin ta je hnanyibu hia, me hnen je hna hûna, wale oge me hûna köu, u, me nokom, me öbem hnyi ta je bong laungon ânyâm möt hia, me me se hia bongom.

Kolose 4:6

E bo öbun e he bala ka fuc me ibetengiö, ame osoâ ge sâlt, me me khanʼ öbun dö hwakecin he ka thu ka tavat.

I. Peteru 3:15

ke okabâ ju Keriso eû hnyi je hnyekubun me me Than bi: ke laba penapena bala öbun he ka thu kodra hia tavat adre me hnei öbun ge bongon labageju wale eû hnyibun, ke so bi hnyi menyik me ot;

Rutha 2:12

E so Iehova ame bi hwaban ânyâm huliwa, me e so ame he Iehova Khongu Isaraela he ka ti bi hwaban köu, wale at a u je he jem he ka laba hmelen li labenyin.

Rutha 2:4

Ke wâ bi, ame o but Boaza ûheny Bethe-leema, me ha ka hnyat subâ, ka habe, E so e unyibun Iehova. Ke ödrin e thu, ka habe, E so Iehova ame ohnahici u.

Rutha 4:11

Me ame ha tavat hia thithö hnyi homagöule me je hingat, ka habe, Ohmun tavat ohnatho. Hamö Iehova he ka wia momo ame he ka o ka hnyi umâm uma me me helâ me Rakela me Lea, li at ödre otilâ lap anyi Isaraela: ke e so u me tren ûnyi ae ûcû hnyi Eferatha, me lung hnyi Beth-eleema: