Deuteronomi 6:5 - Iaai Bible 1901 (New Caledonia)

⁵ ke hamâm he ka hnyok kö Iehova Khongom ge hnyekom ae bekhöt, me hanom ae bekhöt, me tang hwegiâm ae bekhöt.

Deuteronomi 6:5 ပူးပေါင်းရင်းမြစ်များ

Mareko 12:30

ke hamâm he ka hnyok ka Than a Khongom ge hnyekom ae bekhöt, me hanom ae bekhöt, me oûnykûmâm ae bekhöt, me tang hwegiâm ae bekhöt.

Mataio 22:37

Me e ame ha kâu, ka habe, U me he ka hnyok ka Than a Khongom ge hnyekom ae bekhöt, me hanom ae bekhöt, me oûnykûmâm ae bekhöt.

Luka 10:27

Ke e ame thu, ka habe, U me he ka hnyok ka Than a Khongom ge hnyekom ae bekhöt, me hanom ae bekhöt, me tang hwegiâm ae bekhöt, me oûnykûmâm ae bekhöt; ke u me he ka betenge ge at ae hakekeny köu helâ me u bi.

Deuteronomi 10:12

Ke haba walang ang Isaraela lö, ieû we Iehova Khongom ûnyi gam, ke wale thibi ang, he ka outö Iehova Khongom, he ka vheno deny je gethen hia, me hnyok kâu, me athnyabai Iehova Khongom ge hnyekom ae bekhöt, me hanom ae bekhöt,

Deuteronomi 30:6

Ke ame he Iehova Khongom ka peritomonâ hnyekom, me hnyekon je mâtrânâm, mʼ u me we Iehova Khongom ge hnyekom ae bekhöt me hanom ae bekhöt, mʼ u me möt bi.

Deuteronomi 4:29

Ke so hi öbun ka he eling ka elöm Iehova Khongom, me u me he ka wâ, u je ne elâm ge hnyekom ae bekhöt, me hanom ae bekhöt.

I. Ioane 5:3

Haba hnyok ka Khong, me wale thibi ang, a gʼ ate me löng hoton anyin ta je hnanyibu: e ca hmak anyin ta je hnanyibu.

Mareko 12:33

ke haba he ka hnyok kâu ge hnyekon ae bekhöt, me oûnykûmânen ae bekhöt, me tang hwege ae bekhöt, me he ka betenge ge at ame laba hakekenyâ, helâ me e bi, awe, e ûnyi hnathu e hon ta je hut adre hudo bekhötâ, me ta je hut hia.

Deuteronomi 11:13

Ke öbun e ne he ka ti löng hoton anyik je hnanyibu oge me hûna köbun hnyi bong ang, he ka hnyok kö Iehova Khongubun, me bi athnyabainy ge je hnyekubun ae bekhöt, me hanubun ae bekhöt,

II. Je Than 23:25

Ke ba than a helâ mē ehac, ame hwio kö Iehova me hnyekon ae bekhot, me hanon ae bekhot, me hwegien ae bekhot, hoton ta je hnanyibu hia anyi Mose; ke a ca o bi ke at ae ûcû hwaban.

Mataio 10:37

Haba at ame betenge ka kamen me hinyen huk, me ca ûcû könya; ke haba at ame betenge ka nokon baga me nokon hlo huk, me ca ûcû könya.

Deuteronomi 11:1

ANYIN a wale u me he ka hnyok kö Iehova Khongom, ke u me he bala ka tuö hnen hna otilâ, me anyin je hnanyibu, me hnen je hna owisa, me hnen je hna hûna.

Deuteronomi 13:3

awe, u me ca he ka löng hofuc hwan at eling, ame ne perofeta, kʼ ame ne at bwi: anyin a Iehova Khongubun ame cubic öbun he ka wâ öbun e ne hnyok kö Iehova Khongubun ge hnyekubun ae bekhöt, me hanubun ae bekhöt.

Deuteronomi 19:9

ke u je ne tuö je hna hûna hia eang he ka ânyâ, wale oge me hûna köu hnyi bong ang, he ka hnyok kö Iehova Khongom, me vheno bala deny je gethen; me u me he ka bi hanen ke je taun a kun minya hnân hobi köu, ke ca ha bi kun eling:

Deuteronomi 30:16

anyin a inya oge me hûna köu hnyi bong ang, he ka hnyok kö Iehova Khongom me vheno deny je gethen, me tuö anyin je hnanyibu, me hnen je hna otilâ, me hnen je hna owisa, mʼ u me möt me osehia, me ame he Iehova Khongom ka ohnahici u hnyi hnyei u me he ka hnyin he ca labā.

Deuteronomi 30:20

me hnyok ju kö Iehova Khongom, me löng hoton hwan hofuc, me kece kâu; anyin a e melam, ke at ame osehia bongom je bong: mʼ u me he ka labā hnyei Iehova ame khemanyin ka lakâmâm, jia Aberahama, me Isaaka, me Jekob, he ka ham ködrin.

I. Je Than 3:3

Ke Solomona ame hnyok kö Iehova, kʼ ame vheno je hnanyibu anyi Davita a kamen; ke so bi e ame hudo me leû uto ae bo so hnyi je dok ae görany.

Salamo 119:2

Hnahic hnen tavat adre me vheno hnen ta je hna ohnathoâ, Tavat adre me elâm e hnen hnyok, ae bekhot.

Deuteronomi 13:4

Öbun e he ka hnu hotu Iehova Khongubun, me outen, me tuö anyin je hnanyibu, me löng ifucin, kʼ öbun e he ka bi athnyabainy, me kece kâu.

Deuteronomi 30:10

u je ne he ka löng hoton hofuc ho Iehova Khongom, he ka tuö anyin je hnanyibu me hnen je hna otilâ wale adre sihnalimen hnyi tusiny hnanyibu ang: ke u je ne hmetu kö Iehova Khongom me hnyekom ae bekhöt, me hanom ae bekhöt.

Josua 22:5

Ke wâ wia ju öbun he ka ânyâ hna hûna me hnanyibu, waleji a hûna köbun Mose athnyabai Iehova, wale he ka hnyok kö Iehova Khongubun me vheno je gethen hia thithö ûnyi gan, me tuö anyin je hna hûna, me kece kâu, me huliwa kâu ge je hnyekubun ae bekhöt me ta je hanubun ae bekhöt.

II. Man Ûlabainy Je Than. 15:12

Ke ödrin e ûhihinyköu he ka elöm Iehova Khongon lakamödrin ge hnyekudrin ae bekhot me hanudrin ae bekhot;

II. Man Ûlabainy Je Than. 34:31

Ke ame tot than hnyi hnen, me ânyâ ûhihinyköu hnyi hnyimakö Iehova; he ka hnu hotu Iehova, me tuö anyin je hnanyibu me hnen je hna ohnathoâ, me hûen je hna otilâ, ge hnyekon ae bekhot, me hanon ae bekhot, he ka ânyâ je hofuciny ûhihinyköu adre me sihnalimen hnyi tusi ang.

Salamo 31:24

Hwege thö, ke so ame he je hnyekubun ka hwege, Öbun tavat hia öbun e halubahing Iehova.