Deuteronomi 5:6 - Iaai Bible 1901 (New Caledonia)

⁶ Inya Iehova Khongom, at ame hum u ûheny hnyi hnyei Aigupito, ke ûheny hnyi hnyaban ûthaluo.

Deuteronomi 5:6 ပူးပေါင်းရင်းမြစ်များ

Salamo 81:11

Ke haba lakeik adre me ca long ifucik; Kʼ ame ca ogo nya bi Isaraela.

Esodo 13:14

Ke e ka he nokom nyiele ka hnei u, ka habe, Ieû e? U me he ka ba kâu, ka habe, Iehova ame hum ohmun ge hnyamen ae hwege ûhehmun Aigupito, ûnyi hnyi hnyaban at hwenbâ:

Esodo 13:3

Ke haba Mose ame ha ka tavat, ka habe, Ûnykûme ju öbun bong eang, bong öbun e he but ûhebun Aigupito hnyin, ûnyi hnyi hnyaban at hwenbâ; anyin a ûnyi ge hwegien hnyamö Iehova, e ame hum öbun ûnyi hnyi dok e: adre me ca he ka han areto adre levenâ.

Esodo 20:1

KE haba Khong ame ha ta je hofuc hia eang, ka habe,

Jeremia 11:4

waleji oge hûna ka lakamöbun, hnyi bong oge hum ödra hnyin ûnyi hnyi hnyei Aigupito, ûnyi hnyi hnyin meic fao me ha, ka habe, Long ju ifucik, me ânyâ thö hoton hnok hna hûna köbun; me öbun e he ka lakeik, ke oge me he inya ka Khongubun:

Mika 6:4

Anyin oge hum u ûnyi hnyi hnyei Aigupito, me omeli u ûnyi hnyi hnyaba ûthaluo; ke oge kunö Mose me Arona, me Miriama hnyi hnyimakâm.

Deuteronomi 4:4

Ke haba tavat hia gabun adre kece hmâ kö Iehova Khongubun, me öbun e möt hia hnyi bong ang.

Deuteronomi 6:4

Isaraela lö, löng ju: haba Iehova Khonguta, me Iehova a khaca;

Deuteronomi 7:8

ke so bi ûnyi hnyi ibetengiö anyi Iehova köbun, ke hnyi weny he ka oûnyihnathö hnen hna khemanyin ka lakamöbun, waleling me me hum öbun hnö Iehova ge hnyam ae hwege, me omeli öbun ûnyi hnyi hnyaba ae ûthaluo, a ûheny hnyi hnyamö Farao than Aigupito.

Deuteronomi 8:14

me wale ame bi gan hnyekom, me u me hnying Iehova Khongom at ame hum u ûheny hnyi hnyei Aigupito, ûnyi hnyi hnyaba ae ûthaluo: