Deuteronomi 5:4 - Iaai Bible 1901 (New Caledonia)

⁴ Iehova ame fuc ûhnyimaköu möbun hon bucen hnyi meic,

Deuteronomi 5:4 ပူးပေါင်းရင်းမြစ်များ

Esodo 19:9

Ke haingö Iehova kö Mose, ka habe, Wâ bi oge me o but köu hnyi ûlâ ae khot, me me he tavat ka löng anyik ûhnenamö möu, mʼ adre me labageju bala köu. Haba Mose ame thumeta Iehova hofuc hwan tavat.

Esodo 20:1

KE haba Khong ame ha ta je hofuc hia eang, ka habe,

Esodo 33:11

Ke Iehova ame fuc kö Mose ae ûcû hnyem, helâ me at ame ûhnenamö me waeny. Ke e ame he hmetu ka hnyi hna hunuma; ke kaba athnyabainy jia Josua noku Nuna, a bidröu, me ame ca he bi ûheny hnyin uma mano.

Numera 12:8

me oge me he ka ûcû hnyem mē me ha manenâ, ke ca hnyi je hofuc ae lit; ke e ame he ka wâ unyu Iehova: ke ieû gabu a öbu ca ot he ka fuc ga Mose a athnyabaik

Numera 14:14

ke adre me he ka thumeto tavat a gadra hnyei ang: ke adre löng a u Iehova unyin tavat eang; anyin a u Iehova u me ûhnyimaköu mödra, ke ame tot hudra ânyâm ûlâ, ke haba u hnyimakan anyidra bunyen, hnyi ûlâ ame tot wisa hnyi lany, me meic ame tot wisa hnyi lit.

Deuteronomi 34:10

Ke ba ke perofeta bala helâ me Mose ame o hmetu hnyi Isaraela, wale hnö Iehova hna iohnyimak mē;

Deuteronomi 4:12

Ke Iehova ame ha köbun ûnyi hnyin meic: öbun e löng hwan kʼ öbun e ca wâ bi unyin; ke hwan hofuc thibi.

Deuteronomi 4:15

Ke wâ eâu ju öbun; anyin ae ba unyin öbun e wâ hnyi bong ame fuc köbun Iehova e Horeba hnyi meic:

Deuteronomi 4:33

Hawa, e hu ke hnyei ame löng hofuc hwan Khong ame fuc hnyin meic, helâ me hnâm hna löng, ke möt bi?

Deuteronomi 4:36

E ame hna köu he ka löng hwan hofuc ûnyi ethö hnyi drany, me me nö u: ke e ame omanenâ köu eang hmelen anyin meic ae gan; ke u je löng hwan je hofuc ûnyi hnyin meic.

Deuteronomi 5:22

Wale je hofuc a ha Iehova ka anyibun ûkhacaköu hia hon bucen ûnyi hnyi wanben meic, me ûlâ, me menekholom ae gan, ke gan hmâ hwan: ke e ame ca bi hanen. Ke e ame sihnalimen e hnyi li veto ae lau, me ham könya.