Deuteronomi 5:12 - Iaai Bible 1901 (New Caledonia)

¹² U ma tuö bong sabath he ka okabâ e, helâ me Iehova Khongom ame hûna köu.

Deuteronomi 5:12 ပူးပေါင်းရင်းမြစ်များ

Nehemia 13:15

Haba hnyi ûen eling oge me wâ hnyi Juda keihen adre me hlec wan vine hnyi sabath, me hok je bwiny hwit, me ohijenâ je asina; me waina minya, me je wan vine, me je wan meta, me je hok hia wale adre me sukhöûnâ Jerusalema ai hnyi bong sabath: ke oge me thawʼ ödrin hnyi bong ödrin e ûcû jeû hnyin.

Esodo 16:23

Me e ame ha ködrin, ka habe, Walang hna ha hnö Iehova, ka habe, haba bong nyi me hnân menâ ae ûnyi hnathu, sabath ae kap kö Iehova: haba hnöbun hna he ka thân, thân ju, ke haba hnöbun hna he ka ölâ, ölâ ju; ke hip kamec ju kolon hobi köbun hnyi hnyomakatu.

Esodo 16:30

Waleling me me menâ ju tavat hnyi bong a seveniny.

Esodo 31:13

U me he ka ha ka lakon Isaraela, ka habe, Öbun e he ka tuö anyik je sabath: anyin a wale haten könya mʼ öbun hnyi anyibun ta je dö hia: mʼ öbun e he ka wâ a inya Iehova at ame okabi öbun.

Esodo 31:15

Siks je bong hnân huliwa; ke haba bong a seveniny, me, wale sabath hnân menâ, e kap hobi kö Iehova: ke haba at ame he ka bi huliwa hnyi bong sabath, me, adre me he ka hlingâ.

Isaia 56:6

Ke haba ta je atkanyua minya, tavat adre me ûkhacaköu kö Iehova, he ka bi athnyabainy, me hnyok ka iö Iehova, me bi huliwa kâu, ödra hia thithö adre me tuö sabath me ca okongoâ, me kât hmâ anyik ûhihinyköu;

Isaia 58:13

U je ne thawâ cam hnyi sabath, me ca ânyâ bi wem hnyi anyik bong ae kap; ke u me he ka ha ge sabath a bonginy senyin, me ha ge hna okabâ hnö Iehova a hnân ogânâ; ke u je ne ogânâ e, me ca vheno dem je gethen, me ânyâ ûnyi hnân osenyini u, me ca ha bi hwâm bi je hofuc:

Jeremia 17:22

ke ca he öbun ka hok ûnyi ûnyi hnyi umöbun je uma hnyi bong sabath, ke ca ânyâ bi ke huliwa, ke so öbun e okâbâ bong sabath, helâji me hnok hna hûna ka lakamöbun;

Mareko 2:27

Me e ame ha kodra, ka habe, Adre mâdrâ sabath hobi kâu at, ke adre ca mâdrâ bi at hobi kâu sabath:

Deuteronomi 5:13

Siks ta bong u me he ka huliwa hnyin, me ânyâ ânyâm ta je huliwa hia: