Deuteronomi 5:1 - Iaai Bible 1901 (New Caledonia)

¹ KE haba Mose ame hawâ lakon Isaraela hia, me ha ködra, ka habe,. Isaraela lö, löng ju je hnanyibu, me je hna owisa oge me haimemenâ ka hnyi je hnyikönyöbun hnyi bong ang, me me khanʼ öbun e, me tuö, me ânyâ.

Deuteronomi 5:1 ပူးပေါင်းရင်းမြစ်များ

Salamo 78:7

Mʼ adre me he ka geju ka Khong, Me ca hnying je huliwa anyin Khong, Mʼ adre me he ka tuö anyin je hnanyibu:

Esodo 15:26

ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Esodo 18:20

ke u ma he ka nʼ odra ge ta je hna hûna me ta je hnanyibu, me omanenâ ködra gethen adre me he ka he hnyin, me huliwa adre me he ka ânyâ.

Mataio 23:3

anyin a wale, haba ta je ûnyi hia thithö ödrin e he ka ha köbun he ka ânyâ, ânyâ thö, me tuö: ke ca he öbun ka ûcûcûbongoâ hwakecidrin; anyin adre me ha thibi, kʼ adre me ca ânyâ bi.

Deuteronomi 1:1

WALANG ta je hofuc a ha Mose ka lakon Isaraela hia hnyi hoton Joridano, hnyi hnyebuba, hnyi Arabah cicö Sufe, hnyi wanben Parana me Tofel, me Labana, me Hazeroth me Dizahab.

Deuteronomi 11:1

ANYIN a wale u me he ka hnyok kö Iehova Khongom, ke u me he bala ka tuö hnen hna otilâ, me anyin je hnanyibu, me hnen je hna owisa, me hnen je hna hûna.

Deuteronomi 12:1

WALANG je hnanyibu me je hna owisa öbun e he ka tuö he ka ânyâ hnyi hnyei a ham köu hnö Iehova Khongon lakâmâm he ka hu e hnyi ta je bong bongon anyibun möt hia eang hmelen.

Deuteronomi 17:19

kʼ ame he ka e bi unyin, me e ame he ka aû e hnyi je bong bongon anyin möt hia: me me nâ he ka outö Iehova Khongon, he ka vheno ta je hofucin hia hnanyibu eang, me je hna hûna eang, me ânyâ:

Deuteronomi 28:15

Ke u je ca löng hofuc ho Iehova Khongom he ka wâ wia me ânyâ anyin je hnanyibu hia, me hnen je hna hûna, wale oge me hûna köu hnyi bong ang; me ame he ka o köu me hom tilö u ta je hnaûhango hia eang.

Deuteronomi 29:10

Öbun e tha tot hnyi bong ang, a öbun hia hnyi hnyimakö Iehova Khongubun; a anyibun je taben, me je tribu, me wahingat, me je homakan, a tavat hia aten Isaraela,

Deuteronomi 29:2

Ke haba Mose ame hawâ at Isaraela hia thithö, me ha ködra, ka habe, Öbun e wâ ta je ûnyi hia a ânyâ Iehova kö Farao hnyi hnyimaköbun hnyi hnyei Aigupito, me lathnyabainy, me iny hnyei hia:

Deuteronomi 4:1

ISARAELA lö, löng ju u walang ang je hnanyibu me je hna owisa, oge me nʼ öbun he ka ânyâ; mʼ öbun e he ka möt, me he but me labā hnyei a ham köbun Iehova Khongon lakamöbun.

Deuteronomi 4:49

me hnyei ae tha hon hia hoton Joridano e deiö, ke ne o but hnyi köien je hnyei ae tha hon hmelen hwatapkoluiny Pisega.

Deuteronomi 4:5

Wâ bi, oge hia but ûne köbun je hnanyibu me je hna owisa, helâ me Iehova Khonguk ame hûna könya, mʼ öbun ehe ka ânyâ helâe hnyi hnyei öbun e he ka hnyin he ka labā.

Deuteronomi 5:2

Haba Iehova Khonguta ame ûbihinyköu möta hnyi Horeba.

Deuteronomi 6:17

Öbun e he ka tuö wia je hna hûna hnö Iehova Khongubun, me hnen je hna ohnatho, me anyin je hnanyibu, wale e ame hûna köu.

Josua 1:8

Haba tusiny hnanyibu eang, me ame ca he ka hia ûnyi hnyi hnyimâm, ke u me be ka ûnykûme e hnyi lany me lit, me tuö me ânyâ hia helâ me hna sihnalimen hnyin: mʼ u me he ka so hnyi dem je gethen, mʼ u me he ka hnahic.