Deuteronomi 4:9 - Iaai Bible 1901 (New Caledonia)

⁹ Ke so bi o u âu, me tuö u wia, wâ u nye hnying ta je ûnyi u je wâ, ke wâ e nye hia ta je ûnyi e hnyi hnyekom, hnyi ta je bongon ânyâm möt; ke u me he ka ûnö e ka lakom me laöbem;

Deuteronomi 4:9 ပူးပေါင်းရင်းမြစ်များ

Genese 18:19

Anyin a oge hia but wâhmakhmetoâ e, me me hamen he ka hûna ka lakon me anyin lap hwaban e, mʼ adre me he ka tuö de Iehova, he ka ânyâ wisa me owisa; me me he Iehova ka ohmâ kö Aberahama hna ha bânâ gan.

Salamo 119:11

Oge hia but hitangen hwâm hofuc eû hnyi hnyekuk, Me inye ca he ka ânyâ hulo köu.

Salamo 71:18

Eke, Khong lö, ca he ka hnö nya hnyi anyik hingat me hûen; Mʼ inye mē he ka omanenâ tang hwegiâm ka ke dö, Ke manâm man ka tavat adre me he ka o.

Esodo 10:2

mʼ u ma he ka ha hnyi li hnyikönyen nokom, me öbem, ta je ûnyi oge hia but ânyâ ka Aigupito, me ta je hatök oge hia but ânyâ hnyi wanbödra; me me khanʼ öbun dö a inya Iehova.

Esodo 23:13

Ke hnyi ta je hofuc hia oge ha köbun, wâ eâu: ke ca he öbun ka ha ien ke ta je khong, kʼ adre me ca he ka löng e ûnyi hnyi hnyimâm.

Ta je Vejec 1:8

Nokuk lö, long ju hna nö u hnen kâmâm, Ke ca degec bi hna ûne hnen hinyâm:

Ta je Vejec 23:26

Nokuk lö, hö jem hnyekom könya, Ke wâ thö dek je gethen ge li emakâm.

Ta je Vejec 3:21

Nokuk lö, e so e me ca he ta je ûnyi e ka hia hnyi hnyimâkâm; Kât hmâ ju metâ me hna ûnykûme;

Ta je Vejec 7:1

NÖKUK lö, tuö ju hok ta je hofuc, Ke ip ju unyâm hnok ta je hna hûna.

Isaia 38:19

Ame he at ae möt ka oganö u, a at ae möt, helâ me hnok hna ânyâ hnyi bong ang: Hamen kamen he ka omanenâ ânyâm hnathu ka lakon.

Isaia 42:20

E se hia ta je ûnyi u je wâ, me ca vheno bi; adre khong ut li hnyikonyen, ke e ame ca long bi.

Jeremia 17:21

walang hna ha hnö Iehova, ka habe, Wâ eâu öbun, ke ca hom bi ke ûnyi hnyi bong sabath, ke ca dit më hnyi je homagouleny Jerusalema:

Luka 8:18

Anyin a wale, wâ wia öbun ûhebun ka long: anyin a haba at ae hu gan, me adre me he ka ham ta je ûnyi kâu; ke haba at ae ba gan, me adre me he ka hom gan ûnyi e ame ûnykûme ae hu.

Efeso 6:4

Ke haba öbun je kamen, ca okûâ bi hmonyin ka je lakubun: ke so bi he ka hat ödra hnyi hna nʼ ödra, me hna ûne ködra hnen Than.

Deuteronomi 11:19

Ke öbun e be ka nâ hofuc e ka lakubun, me ûhnenamö gan, u ka laba hnyin umâm uma, me he eû hnyi gethen, ke u ka he ka mokut me köûö hmetu bi.

Deuteronomi 12:1

WALANG je hnanyibu me je hna owisa öbun e he ka tuö he ka ânyâ hnyi hnyei a ham köu hnö Iehova Khongon lakâmâm he ka hu e hnyi ta je bong bongon anyibun möt hia eang hmelen.

Deuteronomi 16:3

U me ca he ka tha han e me leven, u me he ka han e me areto adre ca levenâ hnyi je bong a seven, a aretoiny vec eling; anyin a u je he mweimwei ûhem hnyi hnyei Aigupito: mʼ u me he ka ûnykûme hnyi bongom ta je bong hia, ge bong u me he ûhem hnyi hnyei Aigupito.

Deuteronomi 17:19

kʼ ame he ka e bi unyin, me e ame he ka aû e hnyi je bong bongon anyin möt hia: me me nâ he ka outö Iehova Khongon, he ka vheno ta je hofucin hia hnanyibu eang, me je hna hûna eang, me ânyâ:

Deuteronomi 29:29

E unyi Iehova Khonguta ta je ûnyi ae iyong: ke haba ta je ûnyi ae manen, me e unyita me lakuta nyiele balua, mʼ ate me he ka ânyâ ta je hofucin hia hnanyibu ang.

Deuteronomi 31:19

Ke wâlang ang sihnalimen ju khumöng ang hobi köbun, me nâ e ka lakon Isaraela: ip ju hnyi je hnyimödra, me me ohnathu nya khumöng ang ka lakon Isaraela.

Deuteronomi 32:46

me haingen ködra, ka habe, E so öbun e kong hnyekunâ ta je hofuc eang hia oge me ha köbun hnyi bong ang; wale mʼöbun e he ka ha ka je lakubun he ka wâ! wia me ânyâ ta je hofucin hia hnanyibu ang.

Deuteronomi 4:10

waleji hnyi bong u je tot hnyi hnyimakö Iehova Khongom hnyi Horeba, kʼ ame ha könya Iehova, ka habe, Ûkhacaköu thö könya tavat, mʼ adre me he ka löng hok je hofuc, me me khanʼ ödra he ka outö nya hnyi ta ogo bong bongon anyidra möt hnyi hnyei, mʼ adre me he ka ûnö ka lakudra.

Deuteronomi 4:15

Ke wâ eâu ju öbun; anyin ae ba unyin öbun e wâ hnyi bong ame fuc köbun Iehova e Horeba hnyi meic:

Deuteronomi 4:23

Wâ eâu, wâ öbun nye hnying ûhihinyköu anyi Iehova Khongubun, waleji e ame ûhihinyköu möbun, kʼ öbun e bi hnatheat hobi köbun he ka oûco ke ûnyi a thawâ köu hnö Iehova Khongom.

Deuteronomi 6:12

awe, wâ eâu, wâ u nye hnying Iehova at ame hum u ûheny hnyi hnyei Aigupito, ûnyi hnyi hnyaba ae ûthaluo.

Deuteronomi 6:2

mʼ u me he ka outö Iehova Khongom he ka vheno anyin ta je hnanyibu hia, me hnen je hna hûna, wale oge me hûna köu, u, me nokom, me öbem hnyi ta je bong laungon ânyâm möt hia, me me se hia bongom.

Deuteronomi 6:20

Ke e ka he nokom ka hnei u nyiele, la habe, Ieû bongon je hna ohnatho, me je hnanyibu, me je hna owisa, waleji Iehova Khonguta ame hûna köbun!

Deuteronomi 6:7

ke u me he ka labö nâ e ka lakom, me ûhnenamö gan u ka laba hnyin umâm uma, me he eû hnyi gethen, me u ka mokut, me u ka köûö hmetu.

Deuteronomi 8:11

Ke wâ eâu, wâ u nye hnying Iehova Khongom, me ca tuö bi hnen hna hûna, me anyin je hna owisa, me anyin je hnanyibu, wale oge me huna köu hnyi bong ang:

Deuteronomi 8:14

me wale ame bi gan hnyekom, me u me hnying Iehova Khongom at ame hum u ûheny hnyi hnyei Aigupito, ûnyi hnyi hnyaba ae ûthaluo:

Heberu 2:1

ANYIN a wale, e ûcû köta he ka oûnyihnatho hmonyinâ ta je ûnyi waleji adre löng, wâ e nye haûhaû but gata.

Heberu 2:3

ate me he ka kâmâu ka kec möt ut, öta ka ca oûnyihnatho möt ae nua helâe? waleji a bân Than ka ha, me ame ohnatho köta hnen tavat adre hnyi löng;

Iakobo 2:22

U me wâ a gʼ ame tha huliwa labageju me anyin ta je huliwa, ke ame obekhotâ labageju hnen ta je huliwa;

Josua 1:18

Ke haba at ame he ka ûkhin fuc ge ânyâm hnanyibu, me ca long hwâm hofuc hnyi ta je ûnyi hia a me he ka hûna kâu, me adre me he ka hlingâ e: ke so bi hwege thö, me hnyok baga but.

Josua 23:11

Anyin a wale wâ wia bi öbun he ka hnyok kö Iehova Khongubun.

Josua 4:21

Ke e ame ha ka lakon Isaraela, ka habe, E ka he lakubun ka hnö je lakamödrin nyiele, ka habe, Hnân eû je veto ang?

Hna Omanenâ 3:3

Anyin a wale ûnykûme ju hwakecin hnâm hna kap me löng; ke kât hmâ ju e me ietra. Ke u je ne ca hmâkâ, me oge me he ka o helâ me at venöu, kʼ ame ca he ka khanö u ûen oge me he ka o hnyin köu.

Owisa 3:7

Ke haba lakon Isaraela adre me ânyâ hulö hnyi hnyimakö Iehova, me hnying Iehova Khongudrin, me bi athnyabainy je Baala me je Aseira.

Owisa 8:34

Ke haba lakon Isaraela ödrin e ca ûnykûme Iehova Khongudrin, at ame omeli ödrin ûnyi ge je iwahnaihmiony mödrin hia thithö igigilo: