Deuteronomi 4:6 - Iaai Bible 1901 (New Caledonia)

⁶ He thʼ öbun ka tuö me ânyâ; ke waleling anyibun metâ me anyibun wâhmakhmeto hnyi hnyimakan ta je hnyei, a tavat adre me he ka wâ je hnanyibu eang, me ha, ka habe, E hnathu hnyei ae metâ, me hnyei wâhmakhmeto hnyei eang ae gan.

Deuteronomi 4:6 ပူးပေါင်းရင်းမြစ်များ

I. Je Than 4:34

Ke ame o tavat ûhedrin hnyi je hnyei hia he ka long metâi Solomona, ûnyi ge je than hia eang hmeledrany adre me long ge anyin metâ.

Jobu 28:28

Ke e ame ha ka at, ka habe, Wâ bi, haba hna outen Than, me wale metâ; Ke adre me ne degec hulo, me wale wâ ûnykûme.

Salamo 111:10

Haba hwân metâ wale he ka ot kö Iehova; Ke adre me wâhmakhmeto wia hnen tavat hia adre me ânyâ hoton e: Ame tethmâ hna ogânâ e nyiele balua.

Salamo 19:7

E bekhot ut hnanyibu anyi Iehova, ame ohâtâ hanu: Ke e hmâ hnö Iehova hna ohnathoâ, ame ometâ at ae ba oûnykûminy.

Salamo 19:8

E wisa ta je hna hûna hnö Iehova, ame osenyinâ hnyok: E alai hnanyibu anyi Iehova, ame omelamâ je ecmak.

Ta je Vejec 1:4

Me me ometâ tavat ae ba hnyekudra, Me ham ka wahidröu hna ûne me hna ûnykûme:

Ta je Vejec 1:5

Me me long hnen at ae metâ, me bi hanen anyin metâ; Me me he at wâhmakhmeto ka hu metâ hnân ûhnenamö:

Ta je Vejec 1:7

Haba hwakecin he ka ot kö Iehova, me wale hwân he ka wâhmakhmeto; Haba tavat ae monu me adre me hmiôdra meta me hna ûne.

Ta je Vejec 14:34

Haba at ame ogöranyâ hnyei, me hwakecin ae wisa: Ke ame haikongoâ tavat hnen hwakecin bi ae kong.

Ta je Vejec 14:8

Haba metâ anyin at e so, me wale he ka wâ ûnykûme deny gethen: Ke haba hwen monu anyin tavat ae monu, me wale tang iyawo.

Isaia 42:21

Ame so kö Iehova hnyi anyin hwakecin ae wisa, he ka ogânâ hnanyibu, me ohmanenangâ e.

Jeremia 8:9

A hmehma but tavat metâ, adre me monumonu but, me hnok dö: wâ bi, adre hia but hna degecâ hofuc ho Iehova; ke ieû bongon metâ unyidra?

Ezekiela 5:5

Walang hna ha hnen Than Iehova, ka habe, Walang Jerusalema: oge hia but ip e hnyi wanben je hnyei, ke ame laba ta je hnyei igigilo.

Daniela 1:20

Ke haba hnyi ta ûnyi hia ge metâ me wâhmakhmeto, wale ame hnei ödrin gan than, e ame ö ʼdrin a ten beonuâ anyidrin metâ hon metâiny ta je magoi hia me tavat bihihwakecin hnyi dokhon dokhu hia.

Daniela 4:9

Beletisaza lö, tuhan je magoi, e khanö nya but a e unyâm hanon je khong ae kap, ke ba ke ûnyi ae iyong ae hmak köu, anyin a wale ha thö könya hna wâ hnyi bwik waleji oge me bwo, me bongon e.

Hosea 8:12

Oge ne sihnalimen kâu anyik hnanyibu me je ûnyi hnân nâ a ten thauzan, me adre me ûnykûme e me ûnyi a ca ûnyi hnathu.

Malaki 3:12

Ke ame he je hnyei hia ka ha hnahici öbun: anyin a öbun e he ka hnyei hnân wenyâ, haingö Iehova tuhan sabaoth.

Deuteronomi 29:9

Anyin a wale tuö ju ta je hofuciny ûhihinyköu eang, me ânyâ, mʼ öbun e hnahic hnyi ta je ûnyi hia öbun e ânyâ.

Deuteronomi 32:46

me haingen ködra, ka habe, E so öbun e kong hnyekunâ ta je hofuc eang hia oge me ha köbun hnyi bong ang; wale mʼöbun e he ka ha ka je lakubun he ka wâ! wia me ânyâ ta je hofucin hia hnanyibu ang.

Deuteronomi 32:47

Anyin a ca ûnyi bi e ae hâhâ köbun: anyin a e melibun, ke haba ûnyi ge ûnyi eling me öbun e he ka osehia bongubun je bong hnyi hnyei öbun e he ka hanyâûâ Joridano ka hnyin mʼ öbun e labā.

II. Timoteo 3:15

ke e khanö u ta je hna sihnalimen ae kap, kʼ u tiga mendreng, wale ae khana he ka ometö u ka hnyi möt a deny labageju ka Keriso Iesu.

Iakobo 3:13

Ewa at unyibun ae metâ kʼ ame wâ ûnykûme? e so e ame he ka omanenâ anyin ta je huliwa ge hwakecin bi ae so, me hwakecin ae menyik me metâ.