Deuteronomi 4:5 - Iaai Bible 1901 (New Caledonia)

⁵ Wâ bi, oge hia but ûne köbun je hnanyibu me je hna owisa, helâ me Iehova Khonguk ame hûna könya, mʼ öbun ehe ka ânyâ helâe hnyi hnyei öbun e he ka hnyin he ka labā.

Deuteronomi 4:5 ပူးပေါင်းရင်းမြစ်များ

Salamo 71:17

Khong lö, u je hia but nö nya hwân kʼ iny tiga hidröu; Ke oge hia but omanenâ ke ne o but walang ang ânyâm ta je huliwa hnân lâiâ.

Esodo 18:20

ke u ma he ka nʼ odra ge ta je hna hûna me ta je hnanyibu, me omanenâ ködra gethen adre me he ka he hnyin, me huliwa adre me he ka ânyâ.

Jeremia 11:6

Haba Iehova ame ha könya, ka habe, Khetâ thö ta je hofuc hia thithö ang hnyi ta je tauniny Juda, me je gethen hnyi Jerusalema me ha, ka habe, Löng ju öbun je hofucin ûhihinyköu ang, me ânyâ.

Ezekiela 20:11

Ke oge me ham kodra anyik je hnanyibu, me omanenâ kodra hnok je hna owisa, waleji a e ka he at ka mâdrâ, me ame he ka möt hnyin.

Levitiko 19:19

Hamöbun he ka tuö anyik je hnanyibu. U me ca he ka hna halem je meno he ka hnokoâ meno ae ke bongon bi: u me ca he ka ta em hnyei ge je hatong ae ve bongon bi: ke u me ca he ka khavâ ûkhaû adre ûthûeneken ge li tö ae ve bongon.

Levitiko 26:46

Wale je hna otilâ, me je hna owisa, me je hnanyibu hnö Iehova hna ham hobi kâu lakon Isaraela hon bucen Sinai a deny Mose.

Levitiko 27:34

Wale ta je hnanyibu a hûna Iehova kö Mose hobi kâu lakon Isaraela hnyi bucen Sinai.

Levitiko 7:38

waleji hnö Iehova hna hûna kö Mose hon bucen Sinai, hnyi bong e ame hûna ka lakon Isaraela he ka hudo anyidra je hut kö Iehova hnyi hnyebuba Sinai.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Ta je huliwa 20:27

Anyin oge me ca höcö omanenâ köbun ûnykûmânen hia Khong.

I. Korinito 11:28

E so e he at ka bân ka elâm wia e bi, ke helâe e ame he ka an areto me ijem kaia.

I. Korinito 15:3

Anyin oge me bök ka ham köbun ûnyi oge me kap, a gʼ ame mok Keriso can anyita ta je hulo helâ me hna sihnalimen;

Deuteronomi 11:32

Ke hamöbun he ka tuö me ânyâ je hnanyibu hia, me je hna owisa wale oge me ip hnyi hnyi-ʼ maköbun hnyi bong ang.

Deuteronomi 4:1

ISARAELA lö, löng ju u walang ang je hnanyibu me je hna owisa, oge me nʼ öbun he ka ânyâ; mʼ öbun e he ka möt, me he but me labā hnyei a ham köbun Iehova Khongon lakamöbun.

Deuteronomi 4:2

Ca he öbun ka bi hanen ka hnyi hofuc oge me hûna köbun, ke ca ohia ke hanen, mʼ öbun e he ka löng hoton je hna hûna hnö Iehova Khongubun wale oge me hûna köbun.

Deuteronomi 4:4

Ke haba tavat hia gabun adre kece hmâ kö Iehova Khongubun, me öbun e möt hia hnyi bong ang.

Deuteronomi 4:40

Ke u me he ka tuö anyin je hnanyibu, me hnen je hna hûna, wale oge me hûna köu huyi bong ang, mʼ u me so, me lakom hwabâm, me me se hia bongom je bong hnyi hnyei a ham köu Iehova Khongom nyiele balua.

Deuteronomi 5:1

KE haba Mose ame hawâ lakon Isaraela hia, me ha ködra, ka habe,. Isaraela lö, löng ju je hnanyibu, me je hna owisa oge me haimemenâ ka hnyi je hnyikönyöbun hnyi bong ang, me me khanʼ öbun e, me tuö, me ânyâ.

Deuteronomi 6:1

KE walang hna hûna, me je hnanyibu, me je hna owisa, waleji a hûna Iehova Khongubun he ka nʼ öbun, mʼ öbun e he ka ânyâ hnyi hnyei öbun e he ka hnyin me me hu:

Deuteronomi 7:11

Anyin a wale u me he ka tuö hna hûna, me je hnanyibu, me je hna owisa, wale oge me hûna köu hnyi bong ang, he ka ânyâ.

Deuteronomi 8:11

Ke wâ eâu, wâ u nye hnying Iehova Khongom, me ca tuö bi hnen hna hûna, me anyin je hna owisa, me anyin je hnanyibu, wale oge me huna köu hnyi bong ang:

Heberu 3:5

Ke e hnathu hmonyin Mose hnyi hnyaban hia, helâ me athnyaba, hnân ohnathoâ ta je ûnyi adre me he ka ha nyiele;