Deuteronomi 4:34 - Iaai Bible 1901 (New Caledonia)

³⁴ Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

Deuteronomi 4:34 ပူးပေါင်းရင်းမြစ်များ

Salamo 136:12

Hnen hnyamen ae hwege, me benyin ame hai: Anyin a nyiele balua anyin ibetengiö.

Salamo 24:8

Ie Thaniny hmanenang? Iehova at ae hwege me man, Iehova at ae hwege hnyi vat.

Salamo 78:12

E ame ânyâ ta je ûnyi hnân lâiâ hnyi hnyimakan lakamödra, Hnyi hnyei Aigupito, hnyi ta hnyei hnyi Zoana.

Esodo 1:9

Ke haingen ka lakeiny, ka habe, Wâ bi, haba tavat ûnyi ge laku Isaraela, ödra se hia but me hwege huta:

Esodo 10:21

Ka haba Iehova ame ha kö Mose, ka habe, Hai thö hnyamâm goranyai, me me menekholom but hnyei Aigupito, ke menekholom ae kböt.

Esodo 10:7

Ke haingen je lathnyabai Farao kâu, ka habe, Ame he ka hnân knewe köta at eang ke ne o but kehö? hna but tavat mʼ adre me he ka bi athnyabai Iehova Khongudrin: hawa e ca khatö u bala a ga kong ut Aigupito?

Esodo 13:3

Ke haba Mose ame ha ka tavat, ka habe, Ûnykûme ju öbun bong eang, bong öbun e he but ûhebun Aigupito hnyin, ûnyi hnyi hnyaban at hwenbâ; anyin a ûnyi ge hwegien hnyamö Iehova, e ame hum öbun ûnyi hnyi dok e: adre me ca he ka han areto adre levenâ.

Esodo 14:30

Helâng Iehova ame omelö at Isaraela hnyi bong eling ûnyi hnyi hnyamen at Aigupito; ke haba at Isaraela adre me wâ at Aigupito a mokcu hnyi hobat köiö.

Esodo 15:11

Iehova lö, ewa at ae tha ûcû möu unyin ta je khong? Ia ae tha ûcû möu, e hmanenang hwakecâm ae kap, Ke hnân outen, odra ka ogânö u, at ame ânyâ ta je ûnyi hnân lâiâ?

Esodo 19:4

Öbun e wâ but hnök hna ânyâ ka at Aigupito, a oge köp öbun hon labenyin aeto, me hum öbun könya.

Esodo 3:10

Anyin a wale aiö u, oge me he ka kunö u ko Farao, mʼ u ma he ka hom lakeik a lakon Isaraela, ûnyi hnyi Aigupito.

Esodo 6:6

Anyin a wale, ha thö ka je lakon Isaraela, ka habe, Inya Iehova, me oge me he ka hum öbun ûnyi hnyi ta je huliwa ae hmak anyin at Aigupito, kʼ oge me he ka hûgûn ʼöbun ûnyi hnyi hnödra hna bwenböbun, kʼ oge me he ka omeli öbun ge hnyam adre hai, me hna owisa ae gan hmâ;

Esodo 7:3

Ke oge me he ka onâkâ hnyeku Farao, me osehia anyik ta je haten me ta je anyi hnân lâiâ, hnyi hnyei Aigupito.

Isaia 51:9

Hmak dö, hmak dö, hnyamö Iehova, khavâ ju tang hwege; hmak dö helâji me hnyi ta je bong kâû adrem, wale ta je dö a bân. Hawa, ca u at ame sö omomonu Rahaba me kot tanimo?

Jeremia 21:5

Ke haba inya oge me he ka vat möbun ge hnyam adre hai me beny ae hwege, me hnyi hmonyin me wathethot, me hmonyin ae gan hmâ.

Jeremia 32:21

ke u je hom lakem a Isaraela ûnyi hnyi hnyei Aigupito ge je haten, me je ûnyi hnân lâiâ, me hnyam ae hwege, me beny adre hai, me ûnyi hnân ot ae gan hmâ;

Numera 20:16

ke ohmun e tenge kö Iehova, me ame löng hohmun, me kunâ angela, me hum ohmun ûheny Aigupito: ke wâ bi ohmun ang hnyi Kadesi, a taun hnyi obiny em hnyei:

Deuteronomi 1:30

Haba Iehova Khongubun at ame he hnyi hnyimaköbun me e ame he ka vat hobi köbun, helâ me hnen hna ânyâ hobi köbun hnyi hnyei Aigupito hnyi hnyimaköbun:

Deuteronomi 10:21

E thibi at u me he ka ogânâ, ke e thibi Khongom, at ame ânyâ ta je ûnyi ae gan me hnân outen hobi köu, waleji ame wâ li emakâm.

Deuteronomi 11:2

Khanʼ öbun ju hnyi bong ang: anyin a oge me ca fuc ka lakubun, tavat ae ca khana ke ca hnyi wâ hna bi hwaban ûnyi ga Iehova Khongubun, ge ûganiny, me hnyamen ae hwege, me benyin adre hai,

Deuteronomi 26:8

me Iehova ame hum ota ûheny Aigupito ge hnyam ae hwege, me benyin adre hai, me je ûnyi hnân outen, me je haten, me je ûnyi hnân lâiâ:

Deuteronomi 29:3

a ta je ûcûbic ae gan waleji a wâ je emaköbun, me je haten, me je ûnyi hnân lâiâ gan eling:

Deuteronomi 33:29

Isaraela lö, u hnahic; Ewa at ae tha ûcû möu, a hnyei Iehova ame omelö; E beciny ûhadruo u, Ke wale hele vatiny ânyâm so! Kʼ ame he je iwahnaihmiony möu ka nom ju köu; Ke u me he ka uto anyidra je dok ae görany.

Deuteronomi 34:12

ke ûnyi hnyi hwegien hnyamen hia, me hnyi ûnyi hia hnân outen ae gan hmâ, waleji a ânyâ Mose hnyi hnyimakan at Isaraela hia thithö.

Deuteronomi 5:15

Ke u me he ka ûnykûme a gʼ adre thaluö u hnyi hnyei Aigupito, ke haba Iehova Khongom ame hum u ûheny e ge hnyam ae hwege me benyin adre hai: anyin a wale Iehova Khongom ame hûna köu he ka tuö bong sabath.

Deuteronomi 6:21

awe u me he ka ha ka nokom, ka habe, Haba ohmun lathnyabai Farao hnyi Aigupito ehac; me Iehova ame hum ohmun ûheny Aigupito ge hnyam ae hwege:

Deuteronomi 7:19

a ta je ûcûbic ae gan a wâ li emakâm, me je haten, me je ûnyi hnân lâiâ, me hnyamen ae hwege, me benyin adre hai, waleji hnö Iehova Khongom hna hum u kâu: kʼ ame he Iehova Khongom ka ânyâ helâe ka ta je hnyei hia wale u me outen.

Deuteronomi 9:29

Ke so bi em hnyei ödra, ke hwajekhom, waleji u je hom ge manâm man ae gan, me benyâm adre hai.

Josua 24:7

Ke adre me tenge kö Iehova, me e ame ip menekholom wanböbun me at Aigupito, me okhuto hudrin köiö me hûlûlû ödra; ke a wâ but je emaköbun ûnyi oge me ânyâ hnyi Aigupito: ke öbun e laba hnyi hnyebuba hnyi je bong ae se.

I. Peteru 5:6

Anyin a wale, ohnyikönʼ öbun ju hnyi hmelen hnyamen Khong ae man, me me he ka ogoranyi öbun hnyi ûen ae ûcû;