Deuteronomi 4:32 - Iaai Bible 1901 (New Caledonia)

³² Ke he thö u ka elâm je bong ehac, ke tiga hiö u, hwân hnyi bong waleji Khong ame op at eang hmelen hnyin, ke hwân hnyi ke keihen drany ke ne o but ka hnyi ke keihen, hawa e hu ûnyi ae gan helâng, kʼ adre me ne löng helâ me ûnyi aug!

Deuteronomi 4:32 ပူးပေါင်းရင်းမြစ်များ

Genese 1:27

Ke Khong ame op at ae we e bi, ame op e me we Khong; e ame up ödru baga me momo.

II. Samuela 7:23

Ke ewa ke hnyei eang hmeledrany ae ûcû me em hnyei, a Isaraela, wale ame he Khong ka omelö kân bi hnân iny, me otilâ ien bi, me ânyâ hobi köbun je ûnyi ae gan me hnân outen hobi kâu em hnyei, hnyi hnyimakan lakem, waleji u je omelö köu bi ûheny Aigupito, ûnyi ge ta je hnyei me je khongudrin!

Jobu 8:8

Ö u hnö thö ge dö a bân, Ke wâ wia ta je ûnyi waleji hnen lakamödrin hna elâm bongon:

Salamo 44:1

KHONG lö, ohmun e long ge je hnyi-könyöhmun, kʼ ame ha gaga kohmun hnen je lakamöhmun. Waleji ge huliwa u je ânyâ hnyi bongudra ta je bong, waleji hnyi ta je bong adrem.

Esodo 34:10

Ke e ame ha, ka habe, Wâ bi, oge ma ânyâ ûhihinyköu: ke oge me he ka ânyâ hnyi hnyimakan tavat hia unyâm ta je ûnyi hnân lâiâ, ke ba hna ânyâ helâe eang hmelen hia, kʼ ame he tavat hia eang a tha odra möu ka wâ huliwa anyi Iehova, anyin a ûnyi hnân outen oge me he ka ânyâ köu.

Isaia 45:12

Oge hia but ânyâ hmeledrany me op tavat adre me labā e: oge me ulolo drany ge li hnyamok, ke oge muso ta je ûnyi hia hnyin e.

Joela 1:2

Öbun wahingat lö, long ju hofuc ang, ke tevehlöng ju öbun tavat aten hnyei. Hawa, e hu ûnyi helâng hnyi bongubun je bong, ame ne hnyi bong bongon lakamöbun?

Amosa 3:2

Oge hia but khanö nya thibi öbun hnyi ta je lap hia eang hmeledrany: anyin a wale oge me he ka bi hwaban ta je hwakecibun hia ae kong.

Mataio 24:31

Ke e ame he ka kunâ anyin ta je angela me ifucin khoto ame mea, me adre me he ka ûkhacaköuâ thö hnen ta je hna ûca ûnyi hnyi je ang a vak, hwân hnyi ke can drany ke ne o but ka hnyi ke can.

Mareko 13:27

Me e ame he ka kunâ anyin ta je angela he ka ûkhacaköuâ hnen ta je hna ûca ûnyi hnyi je ang a vak, hwân hnyi can hmeledrany ke ne o but hnyi can drany.

Deuteronomi 28:64

Ke ame he Iehova ka ovesei u ka hnyi je hnyei hia, hwân hnyi ke can hmeledrany ke ne o but ka hnyi obiny hmeledrany; ke u me he ka huliwa ka je khong ae ca khanö u, u, me lakâmâm, a utö me veto.

Deuteronomi 30:4

Eja ke ne adre ne obâ keihen ka hnyi obiny drany, me ame he Iehova Khongom ka ûkhacaköuö u ûheny, me hum u ûheny:

Deuteronomi 32:7

Ûnykûme ju je bong ehac, Wâhmakhmeto je hunainy ta je dö ae se: Hnö thö kâmâm, me e ame he ka thumetu u; Wahingatâm minya, ke ödrin e he ka ha köu.

Deuteronomi 33:29

Isaraela lö, u hnahic; Ewa at ae tha ûcû möu, a hnyei Iehova ame omelö; E beciny ûhadruo u, Ke wale hele vatiny ânyâm so! Kʼ ame he je iwahnaihmiony möu ka nom ju köu; Ke u me he ka uto anyidra je dok ae görany.

Deuteronomi 4:7

Anyin a ewa hnyei ae gan ae hu khongon ame hakekeny ködra, helâ me Iehova Khonguta ame ânyâ hnyi je ûen hia ate me hongot kâu!