Deuteronomi 4:30 - Iaai Bible 1901 (New Caledonia)

³⁰ Ke ka o köu vec, kʼ ame ne aat köu ta je ûnyi hia eling, me u me he ka hmetu kö Iehova Khongom hnyi je bong a biliny, me löng hoton hwan hofuc;

Deuteronomi 4:30 ပူးပေါင်းရင်းမြစ်များ

Genese 49:1

KE Jekob ame hawâ lakon, me ha, ka habe: Ûkhacaköu thʼ öbun, kʼ oge ame me he ka omanenâ köbun ta je ûnyi he ka o köbun hnyi ta je bong a biliny.

Nehemia 1:9

ke öbun ka he ka hwio könya me tuö anyik je hnanyibu me ânyâ, eja ke ne adre ne obʼ öbun ka hnyi je can hmeledrany, me oge me he ka ûkhacaköu öbun ûhebun e, me hum öbun ka hnyi dok waleji oge me ûca he ka ip iök hnyin.

Salamo 107:13

Ke adre me tenge kö Iehova hnyi anyi dra hloûhloû, Me e ame omeli ödra ûnyi hnyi anyidra ta jo vec.

Salamo 107:6

Me adre me tenge kö Iehova hnyi anyidra hloûhloû, Me e ame omeli ödra ûnyi hnyi anyidra ta je vec.

Salamo 18:6

Oge me hongot kö Iehova hnyi anyik vec, Me khöû ka Khonguk: Ke e ame long hok hofuc hnyi umen uma ae kap, Ke hok hwatenge hnyi hnyimakan ame o but ka hnyi li hnyikonyen.

Salamo 59:16

Ke oge me he ka khumöngö tang hwegiâm; Eke, oge me he ka khumöng ogânâ ânyâm ibetengiö hnyi hnyomakatu: Anyin a u thibi anyik tap ae beû göra-nyai, Me hnok hnabâ hnyi ûen oge me vec hnyin.

Esodo 18:8

Ke Mose ame thumeto ûngon ge ta je ûnyi hia a ânyâ Iehova kö Farao me at Aigupito hobi kâu at Isaraela, me ta je vec hia a o ködra eû hnyi gethen, me hna omeli odra ga Iehova.

Isaia 1:19

Öbun e ne hmehmela me long, me öbun e he ka an so ûnyi hnyi kânâ:

Jeremia 23:20

Ame ca he ka hmetu hmonyin anyi Iehova, ke ne o but e ame hia but ânyâ, ke ne o but e ame ohwâdâ je ûnykûmenen hnyekon: öbun e he ka ti wâhmakhmeto e hnyi je bong a biliny.

Jeremia 4:1

ISARAELA lö, u je ne he ka hmetu, u me he ka hmetu bi könya, haingö Iehova; ke u je ne he ka degec ûnyi hnyi hnyimakök je ikikiâm, u me ca he bi ka he monu:

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Jeremia 7:23

ke wale bi ang ûnyi oge hûna kodra, ka habe, Long ju öbun hok hofuc, ke oge me he ka Khongubun, ke Öbun e he ka lakeik: ke tha vheno thʼ öbun gethen oge hûna, mʼ öbun e so.

Je tenge anyi Jeremi 3:40

Ate me he ka elâm me cubec deta je gethen, me hmetu kö Iehova.

Daniela 10:14

Ke walang ang oge me o but he ka thumetu u ge ta je ûnyi ame he ka o ka aten em hnyei hnyi je bong a biliny: anyin ae bec je bonginy hna omanenâ.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Zakaria 6:15

Ke ame he tavat ûhedra sâkâû ka o me op uma umo Iehova, me öbun e he ka wâ a ga kunö nya köbun Iehova tuhan sabaoth. Ke ame he ka, aat e, öbun e ne long wia ifuci Iehova Khongubun.

Numera 24:20

Ke e ame bwele ka wâ Amaleka me e ame ha anyin ûhöûcû, ka habe, E beönua Amaleka ehac hnyi je hnyei; Ke haba obiny kâu me e ame he ka hia but.

Ta je huliwa 26:20

ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra.

Ta je huliwa 3:19

Anyin a wale ietra ju öbun me hwio thö, mʼ adre me he ka kot degecâ but anyibun ta je hulo, me me he ka o but je ûen hnân okahwa ûnyi ge Than;

Deuteronomi 30:10

u je ne he ka löng hoton hofuc ho Iehova Khongom, he ka tuö anyin je hnanyibu me hnen je hna otilâ wale adre sihnalimen hnyi tusiny hnanyibu ang: ke u je ne hmetu kö Iehova Khongom me hnyekom ae bekhöt, me hanom ae bekhöt.

Deuteronomi 30:2

ke u me he ka hmetu kö Iehova Khongom, me löng hoton hwan hofuc helâ me ta je ûnyi hia oge me hûna köu hnyi bong ang, a u me lakom, tha e me hnyekom ae bekhöt, me hanom ae bekhöt:

Deuteronomi 31:17

Ke ame he ka ubâhlâ anyik hmönyin ködra hnyi bong eling, ke oge me he ka, hna degeci ödra, me ikhâlâ hnyimakök gadra, kʼ adre me he ka ön ödra, ke ame he ka o ködra je hulö me vec ae se; mʼ adre me he ka ha hnyi bong eling, ka habe, Hawa, ame ca o köta je hulö ang can Khong a ca tha e möta?

Deuteronomi 31:21

Ke ka o ködra je hulö me je vec ae se, me ame he khumöng ang ka ohnatho ködra; anyin a e ame ca he ka hia hnyi hnyimen je mâtrânidra: anyin ae khanö nya ûnykûmenödra adre me he ka ânyâ, a walang ang, kʼ iny tiga ca hia but hum ödra ka hnyi hnyei waleji oge khemanyinâ.

Deuteronomi 31:29

Anyin ae khanö nya a iny ka mokcu, me öbun e he biju ka oikiki öbun, me sâû ûnyi hnyi gethen waleji oge hûna köbun; ke ame he ka o kong köbun hnyi ta je bong a biliny; anyin a öbun e he ka ânyâ ûnyi ae kong hnyi hnyimakö Iehova, he ka ohmönyinâ e ge je huliwa ae kong anyin li hnyamöbun.

Heberu 1:2

me ame ha köta hnyi je bong ang a biliny a deny Nokon, at e ame wia me atö, me me he ka hu gan ta je unyi hia thithö, kʼ ame op ta je dö hia ûnyi gan;

Heberu 5:9

ke adre me obekhötâ e, me adre me wia e hnân hwecin möt ame ca ba balua kodra hia adre me long kâu;