Deuteronomi 4:23 - Iaai Bible 1901 (New Caledonia)

²³ Wâ eâu, wâ öbun nye hnying ûhihinyköu anyi Iehova Khongubun, waleji e ame ûhihinyköu möbun, kʼ öbun e bi hnatheat hobi köbun he ka oûco ke ûnyi a thawâ köu hnö Iehova Khongom.

Deuteronomi 4:23 ပူးပေါင်းရင်းမြစ်များ

II. Je Than 17:38

ke ca he öbun ka hnying hnok hna ûhihinyköu möbun; ke ca he öbun ka outen je khong:

I. Man Ûlabainy Je Than. 16:15

Ûnykûme bala ju öbun anyin ûhihinyköu, Waleji hofuc e ame hûna ke ne o but hnyi je dö a thauzan;

Esodo 23:13

Ke hnyi ta je hofuc hia oge ha köbun, wâ eâu: ke ca he öbun ka ha ien ke ta je khong, kʼ adre me ca he ka löng e ûnyi hnyi hnyimâm.

Isaia 24:5

E ikiki hnyei hmelen tavat adre me labā e; anyin adre me hanyâûâ ta je hnanyibu, me wia hna otilâ, me thu hna ûhihinyköu a nyiele balua.

Jeremia 31:22

Ke ne o but kehö u me he ka he monu, u hlu ame labö kolu? anyin a Iehova ame hia but op ûnyi ae teb ûnyi hnyi hnyei, ame he momo ka ton ge baga.

Ezekiela 16:59

Anyin a walang hna ha hnen Than Iehova, ka habe, Oge me he bi nya ka ânyâ köu helâ me hnâm hna ânyâ, anyin a u je hûkotiâ hna khemanyin me thamuâ ûhihinyköu.

Ezekiela 8:10

Me oge me dit me wâ ke wâ bi, ta je ûhöûcû hia ûnyi ame iyâû, me je meno ae ikiki, me ta je idola hia anyin lap Isaraela, adre sihnalimen igigilo hnyi hna up veto.

Malaki 4:4

Ûnykûme thʼ öbun hnanyibu anyi Mose athnyabaik, waleji oge me hûna kâu hnyi Horeba hobi kâu at Isaraela hia, wale je hna otilâ, me hna owisa.

Numera 15:39

ke wale bâbuen köbun, mʼ öbun e he ka wâ e me ûnykûme ta je hnanyibu anyi Iehova hia, me vheno; mʼ öbun e ca he monu hoton je hnyekubun me je li emaköbun, waleji öbun e labö bi ûnyi monu hoton:

Mataio 24:4

Ke haba Iesu ame thu ködrin, ka habe, Wâ eâu, wâ e nye omonu öbun dut ke at.

Luka 12:15

Me haingen ködra, ka habe, Wâ eaû, tuʼ öbun ju, wâ Öbun nye behnyekon: anyin ame ca möt at ge ûganiny ta je ûnyi ame hu kâu.

Luka 21:8

Haingen, ame ha, ka habe, Wâ eâu, adre nye omonu öbun dut: anyin a at se hia adre me he ka o hnyi iök, me ve ha, ka habe, Inya ang; ke, e hakekeny jut ûen: ca he öbun ka hnu hotudrin.

Deuteronomi 16:22

Ke u me ca he ka otilâ hobi köu ke veto ame tot; wale ûnyi ame hûkötiâ Iehova Khongom.

Deuteronomi 27:15

Hnaûhangö at ame bi hnatheat adre sö adre me ne oköiâ, kʼ ame otilâ duöngâ, e hûkötianö Iehova huliwainy hnyamen at tretrau. Ke ame he tavat hia ka thu me ha, ka habe, Amen.

Deuteronomi 27:9

Ke haba Mose me tavat bihut a at Levi ödrin e ha ka at Isaraela hia, ka habe At Isaraela lö, ca mede bi, ke löng ju, haba hnyi bong ang me u hnyei i Iehova Khongom.

Deuteronomi 29:25

Ke adre me he ka thu, ka habe, Can adre degecâ ûhihinyköu anyi Iehova Khongon lakamödra waleji e ame ânyâ mödra, hnyi ûen e ame hum ödra ûheny hnyi hnyei Aigupito;

Deuteronomi 31:20

Ke iny ka hia but hum ödra ka hnyi hnyei waleji oge khemanyin ka lakamödra, ame di ge debai me hani; ke ödra ka hia but han sekon me pipikhenya; me adre me he ka hnyimakodra ka ke je khong, me bi athnyabaidrin, me höciö nya, me oûnyibâûâ hnok hna ûhihinyköu.

Deuteronomi 4:25

Ke e ka hu lakom me laöbem, ke beû ulabaibun hnyi hnyei, kʼ öbun ka okongu öbun bi, me bi hnatheat, he ka oûco ke ûnyi, me ânyâ ûnyi ae kong hnyi hnyimakö Iehova Khongom, me ohmönyinâ:

Deuteronomi 4:9

Ke so bi o u âu, me tuö u wia, wâ u nye hnying ta je ûnyi u je wâ, ke wâ e nye hia ta je ûnyi e hnyi hnyekom, hnyi ta je bongon ânyâm möt; ke u me he ka ûnö e ka lakom me laöbem;

Deuteronomi 5:2

Haba Iehova Khonguta ame ûbihinyköu möta hnyi Horeba.

Deuteronomi 6:12

awe, wâ eâu, wâ u nye hnying Iehova at ame hum u ûheny hnyi hnyei Aigupito, ûnyi hnyi hnyaba ae ûthaluo.

Heberu 3:12

Öbun âu hnyat me lakeiny lö, wâ e nye hu eû hnyin ke at gabun hnyok ae kong me ca labageju, ame oûsâkâûʼ öbun me Khong ae möt:

Josua 23:11

Anyin a wale wâ wia bi öbun he ka hnyok kö Iehova Khongubun.

Josua 23:16

Öbun ka he ka hanyâûâ ûhihinyköu anyi Iehova Khongubun, wale e ame hûna köbun, me he ka bi athnyaba ke je khong bi me khudrung ködrin: awe, ame he ka ubâhlâ hmönyin anyi Iehova köbun, ke ame he ka logot hiʼ öbun ûmyi hnyi hnyei ae so wale e ame hia but ham köbun.