Deuteronomi 4:13 - Iaai Bible 1901 (New Caledonia)

¹³ Ke e ame omanenâ köbun anyin ûhihinyköu, waleji e ame hûna köbun he ka ânyâ, a libenyita je hnanyibu, ke e ame sihnalimen hnyi li veto ae lau.

Deuteronomi 4:13 ပူးပေါင်းရင်းမြစ်များ

I. Je Than 8:9

E ba ûnyi hnyi hnyin tang, ke li veto thibi ae lau, waleji ame ip hnyin Mose hnyi Horeba, hnyi ûen Iehova ame ûhihinyköu me lakon Isaraela, waleji a ûhedrin hnyi hnyei Aigupito.

Salamo 119:4

U je hia but hunâ ânyâm ta je hna nyibu, Mʼ öhmun e he ka tuö wia.

Esodo 19:5

Ke walang ang öbun e ne he ka löng hoton hok hofuc me vheno anyik uhihinyköu, mʼ öbun e he ka helâ me omjeû ae ûnyi hnathu hon ta je hnyei hia: anyin a anyik hmeledrany hia:

Esodo 24:12

Ke Iehova ame ha kö Mose, ka habe, Ölö thö könya hon bucen, me laba eling: ke oge me he ka ham köu li veto ae lau, me hnanyibu me je hna hûna waleji oge sihnalimen, mʼ u me he ka ûne.

Esodo 31:18

Ke e ame ham kö Mose li veto ae lau anyin ûnyi hnân ohnatho, li veto ae lau a sihnalimen ge hnyamen Khong, hnyi ûen e ame um dö ûhnenamö më hon bucen Sinai.

Esodo 34:1

KE Iehova ame ba kö Mose, ka habe, U me he ka delâ li veto ae lau helâ me li veto a bân, ke oge me he ka sihnalimen hon li veto ae lau ta je hofucin li veto ae lau a bân, waleji u je thö.

Esodo 34:28

Ke e ame laba eling tha e me Iehova fâte je lany ke fâte je lit; ke ame ca han, kʼ ame ca ic. Ke e ame sihnalimen hon li veto ae lau je hofucin ûhihinyköu, wale je hnanyibu a ten.

Roma 9:4

ödra at Isaraela; wale adre me wia me me lakon, me e hu gadra hmanenang, me ta je ûhihinyköu, me hna ham hnanyibu, me hmi, me je hna ha bânâ;

II. Korinito 3:7

Ke a ne hmanenang he ka bi athnyabainy ûnyi adre me mekiny hnyin, waleji adre sihnalimen me kave hnyi veto, me me ca khana bi lakon Isaraela he ka wâ hmâ hnyimakö Mose anyin ae hmanenang hnyimakan; waleji a hmanenang ame he ka hia:

Deuteronomi 4:12

Ke Iehova ame ha köbun ûnyi hnyin meic: öbun e löng hwan kʼ öbun e ca wâ bi unyin; ke hwan hofuc thibi.

Deuteronomi 4:14

Ke Iehova ame hûna könya hnyi ûen eling he ka nʼ öbun ge je hnanyibu me hna owisa, mʼ öbun e he ka tuö hnyi hnyei öbun e he ka hnyin he ka labā.

Deuteronomi 5:22

Wale je hofuc a ha Iehova ka anyibun ûkhacaköu hia hon bucen ûnyi hnyi wanben meic, me ûlâ, me menekholom ae gan, ke gan hmâ hwan: ke e ame ca bi hanen. Ke e ame sihnalimen e hnyi li veto ae lau, me ham könya.

Heberu 9:4

ke eling taben meic gol, me tangen ûhihi-nyköu adre tube ge gol, ke eû hnyin e kaia gol ae hu mana hnyin, me uci anyi Arona ame vhong, me li taben ûhihinyköu;