Deuteronomi 4:12 - Iaai Bible 1901 (New Caledonia)

¹² Ke Iehova ame ha köbun ûnyi hnyin meic: öbun e löng hwan kʼ öbun e ca wâ bi unyin; ke hwan hofuc thibi.

Deuteronomi 4:12 ပူးပေါင်းရင်းမြစ်များ

Esodo 19:9

Ke haingö Iehova kö Mose, ka habe, Wâ bi oge me o but köu hnyi ûlâ ae khot, me me he tavat ka löng anyik ûhnenamö möu, mʼ adre me labageju bala köu. Haba Mose ame thumeta Iehova hofuc hwan tavat.

Esodo 20:22

Ke haba Iehova ame ha kö Mose, ka habe, Walang hofuc u ma he ka ha ka lakon Isaraela, ka habe, Öbun e wâ but a oge hia but ûhnenamö möbun ûnyi hnyi drany.

Isaia 30:21

ke ame be li hnyikönyâm ka long hofuc hnyi hotom, ka habe, Walang gethen, vheno ju öbun hnyin e; öbun ka saû ka hnyi ke keihen metâ, ke öbun ka saû ka hnyi keihen me.

Isaia 40:18

Awe, öbun e he ka oûco Khong me ia? ke ewa ûhöûcû, mʼ öbun e he ka oûco mē?

Isaia 40:3

Ifucin at ame hongot, ka habe, Penapena thʼ öbun gethen de Iehova hnyi hnyebuba, okhabalavâ hna cit gethen hobi kâu Khonguta hnyi hnyei baga.

Isaia 40:6

Ifucin ke at ame ha, ka habe, Hongot dö. Ke haingen ke at, ka habe, Oge me he ka hongoti ieû? Hna önying tavat hia thithö, ke helâ me vongon hnyot hmanenanginy:

Numera 12:8

me oge me he ka ûcû hnyem mē me ha manenâ, ke ca hnyi je hofuc ae lit; ke e ame he ka wâ unyu Iehova: ke ieû gabu a öbu ca ot he ka fuc ga Mose a athnyabaik

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Mataio 3:3

Anyin a e at a ha gan Isaia perofeta, haingen, ka habe, Ifucin at ame hongot hnyi hnyebuba, ame ha, ka habe, Penapena ju gethen deny Than, Owisa thö deny ta je gethen.

Deuteronomi 10:4

Ke e ame sihnalimen hnyi li veto ae lau helâ me hna sihnalimen a bân, wale je hnanyibu a ten, a ha Iehova köbun hon bucen ûnyi hnyi wanben meic hnyi je bong bongon ûkhacaköu: me Iehova ame ham li ûnyi e könya.

Deuteronomi 4:11

Ke öbun e hakekenyâ me utitilen hmelen bucen; ke haba bucen ame hiâ ge meic ke ne o but ka hnyi drany, ke menekholom, me ûlâ, me lit ae gan.

Deuteronomi 4:13

Ke e ame omanenâ köbun anyin ûhihinyköu, waleji e ame hûna köbun he ka ânyâ, a libenyita je hnanyibu, ke e ame sihnalimen hnyi li veto ae lau.

Deuteronomi 4:15

Ke wâ eâu ju öbun; anyin ae ba unyin öbun e wâ hnyi bong ame fuc köbun Iehova e Horeba hnyi meic:

Deuteronomi 4:33

Hawa, e hu ke hnyei ame löng hofuc hwan Khong ame fuc hnyin meic, helâ me hnâm hna löng, ke möt bi?

Deuteronomi 4:36

E ame hna köu he ka löng hwan hofuc ûnyi ethö hnyi drany, me me nö u: ke e ame omanenâ köu eang hmelen anyin meic ae gan; ke u je löng hwan je hofuc ûnyi hnyin meic.

Deuteronomi 5:22

Wale je hofuc a ha Iehova ka anyibun ûkhacaköu hia hon bucen ûnyi hnyi wanben meic, me ûlâ, me menekholom ae gan, ke gan hmâ hwan: ke e ame ca bi hanen. Ke e ame sihnalimen e hnyi li veto ae lau, me ham könya.

Deuteronomi 5:4

Iehova ame fuc ûhnyimaköu möbun hon bucen hnyi meic,

Deuteronomi 9:10

Ke Iehova ame ham könya li veto ae lau a sihnalimen ge banyen Khong; kʼ adre sihnalimen hnyi li ûnyi eling hofuc waleji a ha köbun Iehova hon bucen hnyin meic, hnyi bong adre ûkhacaköu hnyin.

Kolose 1:15

e thibi a we Khong ae ca manen bi, atöiny ta je ûnyi hia adre op;

Heberu 12:19

me hwan khoto, me meainy hofuc; waleji a löng ut tavat me adre me khöû a ga me ca ha hmetu hofuc kodra: