Deuteronomi 4:10 - Iaai Bible 1901 (New Caledonia)

¹⁰ waleji hnyi bong u je tot hnyi hnyimakö Iehova Khongom hnyi Horeba, kʼ ame ha könya Iehova, ka habe, Ûkhacaköu thö könya tavat, mʼ adre me he ka löng hok je hofuc, me me khanʼ ödra he ka outö nya hnyi ta ogo bong bongon anyidra möt hnyi hnyei, mʼ adre me he ka ûnö ka lakudra.

Deuteronomi 4:10 ပူးပေါင်းရင်းမြစ်များ

Genese 18:19

Anyin a oge hia but wâhmakhmetoâ e, me me hamen he ka hûna ka lakon me anyin lap hwaban e, mʼ adre me he ka tuö de Iehova, he ka ânyâ wisa me owisa; me me he Iehova ka ohmâ kö Aberahama hna ha bânâ gan.

Salamo 145:4

Ame he ke dö ka ogânâ ânyâm ta je huliwa ka ke dö, Me omanenâ hnâm ta je hna ânyâ ae man.

Esodo 19:1

HNYI tehi a kuniny hwaban ûheny lakon Isaraela hnyi hnyei Aigupito, hnyi bong eling adre me o but hnyi hnyebuba Sinai.

Esodo 19:11

mʼ adre me penapena hobi kâu bong a kuniny: anyin a haba hnyi bong a kuniny ame he Iehova ka utut hnyi hnyimakan tavat hia thithö hon bucen Sinai.

Esodo 19:16

Ke haba hnyi bong a kuniny hnyi hnyomakatu, e hu hendreng, me je hucuce, me ûlâ ae khöt, me hwan trutru ae gan hmönyin; kʼ ame öbubuny tavat hia hnyi hna hunuma.

Esodo 19:9

Ke haingö Iehova kö Mose, ka habe, Wâ bi oge me o but köu hnyi ûlâ ae khot, me me he tavat ka löng anyik ûhnenamö möu, mʼ adre me labageju bala köu. Haba Mose ame thumeta Iehova hofuc hwan tavat.

Esodo 20:18

Ke haba tavat hia adre me wâ hendreng, me hucucu, me meainy trutru, me bucen ame sâ: ke a wâ but tavat me adre me öbubuny me tot sâkâû.

Esodo 20:20

Ke haba Mose ame ha ka tavat, ka habe, Ca ot bi: anyin a o but Khong me me cubic öbun, mʼ öbun e he ka outen e, mʼ öbun e ca he ka monu.

At Khet 12:13

Walang obiny ûnyi e; adre hia but long hia: outen ju Khong ke vheno anyin ta je hnanyibu; anyin a wale hanymen ae bekhot ge tavat hia.

Isaia 38:19

Ame he at ae möt ka oganö u, a at ae möt, helâ me hnok hna ânyâ hnyi bong ang: Hamen kamen he ka omanenâ ânyâm hnathu ka lakon.

Luka 1:50

E ame omanenâ anyin ibetengiö ka ke dö me ke dö, A hnyat adre me outen e.

Deuteronomi 11:19

Ke öbun e be ka nâ hofuc e ka lakubun, me ûhnenamö gan, u ka laba hnyin umâm uma, me he eû hnyi gethen, ke u ka he ka mokut me köûö hmetu bi.

Deuteronomi 12:1

WALANG je hnanyibu me je hna owisa öbun e he ka tuö he ka ânyâ hnyi hnyei a ham köu hnö Iehova Khongon lakâmâm he ka hu e hnyi ta je bong bongon anyibun möt hia eang hmelen.

Deuteronomi 14:23

Ke u me he ka han ke keihen a libenyitainy ânyâm hwit, me ânyâm waina, me ânyâm wakaco, me je nokon halem je kau a bân, me halem je mamoe, hnyi hnyimakö Iehova Khongom, hnyi dok e ame he ka ûca me me laba hnyin ien; mʼ u me he ka nâ ka outö Iehova Khongom hnyi ta ogo bong hia.

Deuteronomi 17:19

kʼ ame he ka e bi unyin, me e ame he ka aû e hnyi je bong bongon anyin möt hia: me me nâ he ka outö Iehova Khongon, he ka vheno ta je hofucin hia hnanyibu eang, me je hna hûna eang, me ânyâ:

Deuteronomi 4:9

Ke so bi o u âu, me tuö u wia, wâ u nye hnying ta je ûnyi u je wâ, ke wâ e nye hia ta je ûnyi e hnyi hnyekom, hnyi ta je bongon ânyâm möt; ke u me he ka ûnö e ka lakom me laöbem;

Deuteronomi 5:2

Haba Iehova Khonguta ame ûbihinyköu möta hnyi Horeba.

Deuteronomi 5:29

E na hu ju gadra hnyok ae ûcû mʼ adre me outö nya, me löng bala hnok ta je hna hûna hia, mʼ adre me so me je mâtrânidra nyiele balua!

Deuteronomi 6:2

mʼ u me he ka outö Iehova Khongom he ka vheno anyin ta je hnanyibu hia, me hnen je hna hûna, wale oge me hûna köu, u, me nokom, me öbem hnyi ta je bong laungon ânyâm möt hia, me me se hia bongom.

Deuteronomi 6:7

ke u me he ka labö nâ e ka lakom, me ûhnenamö gan u ka laba hnyin umâm uma, me he eû hnyi gethen, me u ka mokut, me u ka köûö hmetu.

Heberu 12:25

Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany:

Hna Omanenâ 19:5

Me ame o but hofuc ûnyi hnyi theron, ka habe, Ogânâ thö Khonguta öbun je lathnyabainy, me tavat adre me outen e, tavat ae ûhnyûkong, me tavat ae gan.

I. Samuela 12:24

Ke hamöbun bi he ka outö Iehova, me bi athnyabainy hnyi hnathu me hnyekubun ae bekhöt: ke me ûnykûme thʼ öbun ta je ûnyi ae gan e ame hia but ânyâ hobi köbun.