Deuteronomi 4:1 - Iaai Bible 1901 (New Caledonia)

¹ ISARAELA lö, löng ju u walang ang je hnanyibu me je hna owisa, oge me nʼ öbun he ka ânyâ; mʼ öbun e he ka möt, me he but me labā hnyei a ham köbun Iehova Khongon lakamöbun.

Deuteronomi 4:1 ပူးပေါင်းရင်းမြစ်များ

Salamo 105:45

Mʼ adre me he ka vheno hnen ta je hna otilâ, Me long hoton anyin ta je hnanyibu. Oganö Ja thʼ öbun.

Salamo 119:4

U je hia but hunâ ânyâm ta je hna nyibu, Mʼ öhmun e he ka tuö wia.

Esodo 18:20

ke u ma he ka nʼ odra ge ta je hna hûna me ta je hnanyibu, me omanenâ ködra gethen adre me he ka he hnyin, me huliwa adre me he ka ânyâ.

Jeremia 11:6

Haba Iehova ame ha könya, ka habe, Khetâ thö ta je hofuc hia thithö ang hnyi ta je tauniny Juda, me je gethen hnyi Jerusalema me ha, ka habe, Löng ju öbun je hofucin ûhihinyköu ang, me ânyâ.

Ezekiela 11:20

mʼ adre me he ka vheno anyik je hnanyibu, me tuö hnok je hna otilâ, me ânyâ e: ke adre me he ka bi lakeik, ke oge me he bi nya ka Khongudrin.

Ezekiela 20:11

Ke oge me ham kodra anyik je hnanyibu, me omanenâ kodra hnok je hna owisa, waleji a e ka he at ka mâdrâ, me ame he ka möt hnyin.

Ezekiela 20:21

Ke haba je lakudra adre me ûkhin fuc mönya; adre me ca vheno anyik je hnanyibu, me ca tuö hnok je hna owisa me ânyâ, waleji a e ka he ke at ka ânyâ e ame he ka möt hnyin; kʼ adre me okongoâ anyik je sabath: me oge me ha a oge me he ka hingâlâ anyik hmonyin hudra, me umö anyik wathethot hudra hnyi hnyebuba.

Ezekiela 36:27

Ke oge me he ka ip hanuk eû hnyibun, me wi öbun he ka vheno anyik je hnanyibu, mʼ öbun e he ka tuö hnok je hna owisa, me ânyâ.

Ezekiela 37:24

Ke ame he Davita athnyabaik ka bi tuhödra; ke ame he ka khaca at ama tuhödra helâ me hnahat mamoe: kʼ adre me he ka vheno hnok je hna owisa, me tuö anyik je hnanyibu, me ânyâ.

Levitiko 18:5

Anyin a wale hamöbun he ka tuö anyik je hnanyibu, me hnok je hna owisa: anyin a haba at ame he ka ânyâ e, me ame he ka möt hnyin: Inya Iehova.

Levitiko 19:19

Hamöbun he ka tuö anyik je hnanyibu. U me ca he ka hna halem je meno he ka hnokoâ meno ae ke bongon bi: u me ca he ka ta em hnyei ge je hatong ae ve bongon bi: ke u me ca he ka khavâ ûkhaû adre ûthûeneken ge li tö ae ve bongon.

Levitiko 19:37

Ke hamöbun he ka tu anyik je hnanibu hia, me hnok je hna owisa hia, me ânyâ ta je ûnyi e: Inya Iehova.

Levitiko 20:8

Ke öbun e he ka tuö anyik je hnanyibu me ânyâ: Inya Iehova at ame okabi öbun.

Levitiko 22:31

Anyin a wale hamöbun he ka tuö anyik je hnanyibu me ânyâ: Inya Iehova.

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Ioane 15:14

Öbun e ne he ka ânyâ ta je ûnyi oge hûna köbun, je lahanök öbun.

Roma 10:5

Anyin a Mose ame sihnalimen a haba at ame ânyâ hwakecin ae wisa ûnyi hnyi hnanyibu, me ame he ka möt hnen e.

Deuteronomi 1:3

Ke haba hnyi huna a fâte, hnyi tehi a eleveniny, hnyi bong a bâniny tehi, me haba Mose ame ha ka lakon Isaraela ta je ûnyi hia hoton hna hûna hnö Iehova kâu gadra;

Deuteronomi 1:8

Wâ bi, oge hia but ip hnyei hnyi hnyimaköbun: he thʼ öbun me labā hnyei waleji ame khemanyin ka lakamöbun, a Aberahama, me Isaaka, me Jekob, he ka ham ködrin, me je mâtrânidrin hwabödrin.

Deuteronomi 11:1

ANYIN a wale u me he ka hnyok kö Iehova Khongom, ke u me he bala ka tuö hnen hna otilâ, me anyin je hnanyibu, me hnen je hna owisa, me hnen je hna hûna.

Deuteronomi 11:32

Ke hamöbun he ka tuö me ânyâ je hnanyibu hia, me je hna owisa wale oge me ip hnyi hnyi-ʼ maköbun hnyi bong ang.

Deuteronomi 13:1

A NE o ûnyi gam ke perofeta, ame ne at bwi, ke e ame ham köu ke haten, ame ne ûnyi hnân lâiâ,

Deuteronomi 16:20

U me he ka hnu hoton hwakecin ae ti wisa, mʼ u me möt bi me hu hnyei wale a ham köu Iehova Khongom.

Deuteronomi 30:16

anyin a inya oge me hûna köu hnyi bong ang, he ka hnyok kö Iehova Khongom me vheno deny je gethen, me tuö anyin je hnanyibu, me hnen je hna otilâ, me hnen je hna owisa, mʼ u me möt me osehia, me ame he Iehova Khongom ka ohnahici u hnyi hnyei u me he ka hnyin he ca labā.

Deuteronomi 30:19

Inya oge me hawâ drany me hmeledrany hnyi bong ang he ka ohnatho köbun, a oge hia but ip hnyi hnyimâkâm möt me mok, ke hnahic me hnaûhangö: anyin a wale ûca thö möt mʼ u me möt a u me je mâtrânâm:

Deuteronomi 30:20

me hnyok ju kö Iehova Khongom, me löng hoton hwan hofuc, me kece kâu; anyin a e melam, ke at ame osehia bongom je bong: mʼ u me he ka labā hnyei Iehova ame khemanyin ka lakâmâm, jia Aberahama, me Isaaka, me Jekob, he ka ham ködrin.

Deuteronomi 4:40

Ke u me he ka tuö anyin je hnanyibu, me hnen je hna hûna, wale oge me hûna köu huyi bong ang, mʼ u me so, me lakom hwabâm, me me se hia bongom je bong hnyi hnyei a ham köu Iehova Khongom nyiele balua.

Deuteronomi 4:45

ke walang je ohnathoâ, me je hna otilâ, me je hna owisa hnö Mose hna omanenâ ka lakon Isaraela, ödra ka o but ûheny Aigupito;

Deuteronomi 4:8

Ke ewa hnyei ae gan ae hu je hnanyibu me je hna owisa ae so, helâ me je hnanyibu hia eang oge me ip hnyi hnyimaköbun hnyi bong ang?

Deuteronomi 5:1

KE haba Mose ame hawâ lakon Isaraela hia, me ha ködra, ka habe,. Isaraela lö, löng ju je hnanyibu, me je hna owisa oge me haimemenâ ka hnyi je hnyikönyöbun hnyi bong ang, me me khanʼ öbun e, me tuö, me ânyâ.

Deuteronomi 5:33

Öbun e he ka vheno hia gethen wale Iehova Khongubun ame hûna köbun, mʼ öbun e möt, me so, me se hia bongubun je bong hnyi hnyei öbun e he ka hu.

Deuteronomi 6:1

KE walang hna hûna, me je hnanyibu, me je hna owisa, waleji a hûna Iehova Khongubun he ka nʼ öbun, mʼ öbun e he ka ânyâ hnyi hnyei öbun e he ka hnyin me me hu:

Deuteronomi 6:24

Ke Iehova ame hûna kohmun he ka inyâ ta je hnanyibu eang, he ka outö Iehova Khonguta, mʼ ate me so bala, me e ame omeli öta, helâ me hnyi bong ang.

Deuteronomi 7:11

Anyin a wale u me he ka tuö hna hûna, me je hnanyibu, me je hna owisa, wale oge me hûna köu hnyi bong ang, he ka ânyâ.

Deuteronomi 8:1

HABA ta je hna hûna hia wale oge me hûna köu hnyi bong ang, me, öbun e he ka wâ wia he ka ânyâ, mʼ öbun e möt, me se biâ, me he, me hu hnyei waleji Iehova ame khemanyin ka lakamöbun.

Deuteronomi 8:11

Ke wâ eâu, wâ u nye hnying Iehova Khongom, me ca tuö bi hnen hna hûna, me anyin je hna owisa, me anyin je hnanyibu, wale oge me huna köu hnyi bong ang:

Deuteronomi 9:1

ISARAELA lö, löng ju: u me he ka he hanyâûâ Joridano hnyi bong ang, he ka he me hûgûnâ je hnyei ae gan me hwege hom, je taun ae gan kʼ adre up haginy ke ne o but ka hnyi drany,

Josua 3:9

Ke Josua ame ha ka lakon Isaraela, ka habe, Ai öbun, me long je hofuc ho Iehova Khongubun.