Deuteronomi 32:3 - Iaai Bible 1901 (New Caledonia)

³ Anyin oge me he ka omanenâ iö Iehova; He thʼ öbun ka ogânâ Khonguta.

Deuteronomi 32:3 ပူးပေါင်းရင်းမြစ်များ

I. Man Ûlabainy Je Than. 17:19

Iehova lö, ûnyi ge athnyabaem, me hoton weny hnyekom, u je hia but ânyâ ta je ûnyi hia eling ae gan, he ka omanenâ ta je ûnyi hia eling ae gan.

I. Man Ûlabainy Je Than. 29:10

Anyin a wale Davita ame ole kö Iehova hnyi hnyimakan ûkhacaköu hia: haingö Davita, ka habe, Ole köu Iehova lö, Khongu Isaraela a kamöhmun, nyiele nyiele balua.

I. Man Ûlabainy Je Than. 29:11

E unyâm, Iehova lö, ûganiny, me man, me hmanenang, me hwege, me musi: anyin a ânyâm ta je ûnyi hia ethö hnyi drany me eang hmeledrany; e unyâm dökhu, Iehova lö, ke adre oganö u me me ban ta je ûnyi hia thithö.

I. Man Ûlabainy Je Than. 29:13

Ke walang ang Khonguhmun lö, ohmun e oleâ köu, me olungâ iâm ae hmanenang.

Salamo 150:2

Ogânâ thö e can anyin ta je huliwa ae man: Ogânâ thö e hoton soiny ûganiny.

Esodo 20:24

U me he ka ânyâ hobi könya ke taben hut a kânâ, ke u me he ka hudo hon ânyâm je hut adre le, me ânyâm je hudiny ûsoköu, me halem je mamoe, me halem je kau: haba hnyi je dok hia oge me he ka oûnykûmeâ iök hnyin oge me he ka o köu me ohnahici u.

Esodo 33:19

Me e ame ha, ka habe, Oge me he ka kunâ anyik so ka hnyi hnyimâkâm, ke oge me he ka omanenâ iö Iehova hnyi hnyimâkâm; ke oge me he ka betenge ge at ae bewek ka betenge gan, ke oge me he ka kölu ge at ae bewek ka kölu gan.

Esodo 6:3

ke oge manen dut kö Aberahama, me Isaaka, me Jekob, a inya Khong Aekhanahia, ke ca khanʼ odrin bi ehac a haba iök me iehova.

Jeremia 10:6

E ba ju ke at ae ûcû möu Iehova: u gan hmâ, ke gan hmâ iâm hnyi man.

Jeremia 23:6

Hnyi bonginy je bong, ame he ka mot Juda, kʼ ame he Isaraela ka laba khotkic: ke walang ien adre me he ka hawâ, ka habe, Iehova wisaita.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

Ioane 17:26

ke oge me omanenâ ködrin iâm, F oge me he minya bi ka omanenâ e; me me laba eû hnyi je hnyekudrin ibetengiö waleji a hnâm hna betenge gak, ke inya eû hnyi je hnyekudra.

Ioane 17:6

Oge hia but omanenâ iâm ka tavat u je hna könya ûnyi eang hmeledrany: ânyâm ödrin ke u je hnʼ ödrin könya; ke ödrin e vheno but hwâm hofuc.

Efeso 1:19

me maniny man ae ti gan hmâ hobi köta tavat adre me labageju, hoton ihuliwainy maniny man ae gan hmâ,

Deuteronomi 3:24

Iehova lö, u je hwân ka omanenâ ûgânâm ka athnyabaem, hnyamâm ae hwege; anyin a ie khong ethö hnyi drany me eang hmelen ae khana he ka ânyâ helâ me ânyâm ta je huliwa, me helâ me hnâm hna ânyâ ae man?

Deuteronomi 5:24

ke öbun e ha, ka habe, Wâ bi, Iehova Khonguta ame omanenâ köta hmanenanginy me ûganiny, kʼ ate me hia but löng hwan ame fuc ûnyi hnyi wanben meic: ate me wâhmakhmeto but hnyi bong ang a Iehova ame ûhnenamö me at, kʼ ame möt bi.

Hna Omanenâ 15:3

Ke adre me khumöngö khumöng anyi Mose athnyabainy Khong, ke khumöng minya anyin Arenio, ka habe, E gan hmâ ke hnân lâiâ ânyâm ta je huliwa, Than a Khong Ataekhanahia; e wisa me hnathu dem je gethen, u Tuhan ta je dö.