Deuteronomi 32:1 - Iaai Bible 1901 (New Caledonia)

¹ DRANY lö, tevehlöng ju, ke oge me he ka fuc; Ke so hmeledrany ame löng ifucin hnyimök;

Deuteronomi 32:1 ပူးပေါင်းရင်းမြစ်များ

Salamo 49:1

TA je hnyei hia thithö lö, long ju ang; Tevehlöng ju öbun hia thithö je aten hmeledrany:

Salamo 50:4

E ame he ka hongot ka drany ethö, Me hmeledrany, me me he ka owisa lakeiny:

Isaia 1:2

Drany lö, long ju, ke hmeledrany lö, tevehling ju, anyin a Iehova ame hia but fuc me ha, ka habe, Oge hia but hat me tuö je wanakat, ke ödra bi adre me ûkhin fuc mönya.

Isaia 34:1

ÖBUN ta je hnyei lö, hakekeny dö he ka long; ke öbun tavat, tevehlöng ju: e so ame he hnyei me unöngötiny ka long, me hmeledrany minya me ta je ûnyi hia ame kû hnyin.

Jeremia 2:12

Drany lo, lâiâ ju ge ûnyi ang, ot gan hmâ ju, me hlöuhlöu ju, haingö Iehova.

Jeremia 22:29

Hmeledrany, hmeledrany, hmeledrany lö, löng ju hofuc ho Iehova.

Jeremia 6:19

Hmeledrany lö, löng ju: wâ bi, oge me he ka hom ûnyi ae kong ka tavat ang, wale troban je ûnykûmenödra, anyin adre me ca hia but löng hok hofuc; ke haba anyik hnanyibu adre hia but hna degecâ e.

Deuteronomi 30:19

Inya oge me hawâ drany me hmeledrany hnyi bong ang he ka ohnatho köbun, a oge hia but ip hnyi hnyimâkâm möt me mok, ke hnahic me hnaûhangö: anyin a wale ûca thö möt mʼ u me möt a u me je mâtrânâm:

Deuteronomi 31:19

Ke wâlang ang sihnalimen ju khumöng ang hobi köbun, me nâ e ka lakon Isaraela: ip ju hnyi je hnyimödra, me me ohnathu nya khumöng ang ka lakon Isaraela.

Deuteronomi 31:28

Ûkhacaköu thö könya wahingatiny hia anyibun je tribu, me je homakan gabun, mʼ oge me he ka ha ta je hofuc eang ka hnyi je hnyikonyödra, me hawâ drany me hmeledrany he ka ohnathoâ ködra.

Deuteronomi 31:30

Ke Mose ame ha hnyi je hnyikonyen ûkhacaköu hia anyin at Isaraela, hofucin khumöng ang, ke ne o but ame um dö.

Deuteronomi 4:26

awe, oge me hawâ drany me hmeledrany he ka ohnathoâ gabun hnyi bong ang, a gʼ adre me he ka ie ohiʼ öbun ûnyi hnyi hnyei wale öbun e hanyâûâ Joridano he ka hu gabun; kʼ ame ca he ka se hia bongubun je bong hnyin, kʼ adre me he ka ti ohiʼ öbun.