Deuteronomi 30:3 - Iaai Bible 1901 (New Caledonia)

³ awe, ame he Iehova ka ohmetu u ûnyi hnyi hna bâ, me betenge gam, me he hmetu ka ûkhacaköuö u ûnyi hnyi ta je hnyei hia wale Iehova ame hia but oveseiö u ka hnyin.

Deuteronomi 30:3 ပူးပေါင်းရင်းမြစ်များ

Genese 28:15

Ke wâ bi, tha inya möu, ke oge me he ka tuö u hnyi je hnyei hia u je he ka hnyin, me ohmetu u ka hnyi hnyei eang: anyin oge ma ca he ka hnö u ke ne o but oge hia but ânyâ hnök hna ha köu.

Genese 48:21

Ke haingö Isaraela kö Josefa, ka habe, Wâ bi, Oge me he but ang ka mok: ke ame he Khong ka tha e möbun, me hum öbun hmetu ka hnyi hnyei lakamöbun.

I. Man Ûlabainy Je Than. 16:35

Ke ha thö, ka habe, Khongon hna omeli ohmun lö, omeli ohmun ju, Me ûkhacaköu ohmun, me hnʼ ohmun ûnyi hnyi je hnyei. He ka oleâ iâm ae kap, Me hobâ ge hna oganö u.

Nehemia 1:9

ke öbun ka he ka hwio könya me tuö anyik je hnanyibu me ânyâ, eja ke ne adre ne obʼ öbun ka hnyi je can hmeledrany, me oge me he ka ûkhacaköu öbun ûhebun e, me hum öbun ka hnyi dok waleji oge me ûca he ka ip iök hnyin.

Jobu 42:10

Ke Iehova ame ohmetu Jobu ûheny hnyi hna bâ, e ka hijö je lahanen: ke Iehova ame ibi olo ham kö Jobu ta je ûnyi waleji ae hu gan ehac a bân.

Salamo 107:3

Me ûkhacaköu ödra ûnyi hnyi ta je hnyei, Ûhedra jimeiö me jimeû, Ûhedra hnyi hwadro me hwaiöu.

Salamo 147:2

Iehova ame op Jerusalema; E ame ûkhacakouâ hmetu at Isaraela adre obâ,

Isaia 27:12

Hnyi bong eling ame he Iehova ka tau wan, hwân hnyi wadutöiny Wagewe, ke ne o but hnyi wageweiny Aigupito, kʼ adre me he ka hlu öbun a ûsa khaca, öbun lakon Isaraela.

Isaia 43:5

Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Isaia 54:7

Ke oge hia but hna degeci u hnyi ong ûen ae ûhnyûkong; ke oge me he ka köp u hmetu hnyi tang betenge ae gan.

Isaia 56:8

Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Jeremia 12:14

Walang hna ha hnö Iehova ge tavat hia ae kong adre me laba hakekenyi nya, tavat adre me kâlâ hnyei waleji oge ham ka lakeik a Isaraela, haingen, ka habe, Wâ bi, oge me he ka uk ödra ûnyi hnyi idra hnyei, me oc lap anyi Juda ûnyi hnyi wanbödra.

Jeremia 23:3

Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 29:14

Ke öbun e he ka ō nya, haingö Iehova, ke oge me he ka ohmetu öbun ûnyi hnyi hna hwenbâ, ke oge me he ka ûkhacaköu Öbun ûnyi hnyi ta je hnyei hia, me je dok hia, waleji oge obʼ öbun ka hnyin, haingö Iehova; ke oge me he ka ohmetu öbun ka hnyi dok waleji oge hwenbʼ öbun hnyin.

Jeremia 31:10

Je hnyēi lö, löng ju hofuc ho Iehova, ke haimemenâ thö e hnyi je bomene ae sâkâû: me ha, ka habe, Haba at ame ovesei Isaraela ame he ka ûkhacaköu ödra hmetu, me tuʼ ödra, helâ me at ame tuö haleny hnahat mamoe.

Je tenge anyi Jeremi 3:22

Iehova ame betenge, waleling me ca hiʼ ota, anyin ame ca um bi anyin ibetengiö.

Je tenge anyi Jeremi 3:32

Anyin a eja ke ne a ne ovecâ, e ame he hmetu ka betenge hoton ûganiny anyin betenge.

Ezekiela 11:17

Anyin a wale ha thö, ka habe, Walang hna ha hnen Than Iehova, ka habe, Oge me he ka hum öbun ûnyi hnyi je hnyei, me ûkhacaköu öbun ûnyi hnyi je hnyei waleji adre ovesei öbun ka hnyin, ke oge me he ka ham köbun hnyei Isaraela.

Ezekiela 36:24

Anyin a oge me he ka hum öbun unyin tavat, me ûkhacaköu öbun ûnyi hnyi je hnyei hia, me hum öbun ka hnyi ibun.

Ezekiela 39:28

Me adre me he ka wâ a inya Iehova Khongudrin, anyin oge me kunʼ ödra ka bâ hnyi je hnyei, ke oge hia but ûkhacaköu ödra ka hnyi idra bi; ke oge me ca he hmetu ka hna degecâ ke at gadra nyiele;

Mika 7:19

Ke e ame he ka hmetuhmetu me betenge gata; e ame he ka uto anyita je hulo hmelen li can: ke u me he ka khûâ anyidra ta je monu hia thithö ka hnyi köiö hnyi dok ae dit.

Zakaria 10:9

Ke oge me he ka te ödra unyin je hnyei; ke adre me he ka ûnykûme könya hnyi je dok ae sâkâû: ke adre me he ka tha möt hmetu me je lakudra.

Roma 11:23

Ke adre me he minya bi ka ûhûjaköu Ödra wale adre me ca tethmâ hnyi ca labageju: anyin ae khana Khong he ka ûhûjaköu ödra hmetu.

Roma 11:26

mʼ adre me he ka omelö at Isaraela hia thithö; helâ me hna sihnalimen, ka habe, Ame he ka o At ûhomeli ûheny Ziona; Ke ame he ka ohia hwakecin ae kong unyi Jekob:

Roma 11:31

haba ödra, me adre me ca long hoton walang ang, mʼ adre me he ka betenge gadra minya bi, helâ me hna betenge köbun.

Deuteronomi 13:17

Ke e so ame ca he ka kece ka hnyi hnyamâm ûnyi adre ohnauhangoâ: me me he Iehova ka degec ûbâhlâiny hmönyin, kʼ ame he ka betenge gam, me hnyok köu, me osehiö u, helâ me hnen hna khemanyin ka lakâmâm;

Deuteronomi 4:27

Ke ame he Iehova ka ovesei öbun ka hnyi ta je hnyei, kʼ ame he ka wakhalet biju kolon gabun unyin ta je hnyei ame he Iehova ka lili öbun ka hnyin.