Deuteronomi 3:8 - Iaai Bible 1901 (New Caledonia)

⁸ Ke, haba hnyi ûen eling ate me hûgûnâ hnyei ûnyi ge li thaniny at Amora, hoton Joridano, hwân hnyi hnyigöulen bucen e Arenona ke ne o but hnyi bucen Heremona;

Deuteronomi 3:8 ပူးပေါင်းရင်းမြစ်များ

I. Je Than 4:19

ke Gebera nöku Uri, hnyi hnyei Gileada, hnyei i Sihona than Amora, me Oga than Basana; ke hake e thibi obotkong hnyi hnyei.

I. Man Ûlabainy Je Than. 5:23

Ke haba lakon hafiny tribu Manase ödrin e labâ hnyei: ödrin e ogânâ idrin ûheny Basana ke ne o but hnyi Baala-heremona me Senir me bucen Heremona.

Salamo 42:6

Khonguk lö, e hmak ut hanuk eû hnyi hnyekuk: Anyin a wale oge me ûnykûmi u hnyi hnyei Joridano, Me je Heremona, ûheny hnyi bucen Mizar.

Salamo 42:7

Ame hongot ke dok ae dit ka ke dok ae dit hnen hwan ânyâm je boûdet: A hia but khutukhaûö nya ânyâm ta je waköiö me ânyâm je wabulu.

Salamo 89:12

Haba hwadro me hwaiöu me u je up li dok e: Tabora me Heremona ame senyinâ iâm.

Deuteronomi 4:47

ke adre me labā iny hnyei, me hnyei i Oga thaniny Basana, a li tuhan at Amora, a walʼ ödru hnyi hoton Joridano hnyi hna o hnen seûno;

Deuteronomi 4:48

hwân Aroera hnyi baten hnyigöulen bucen e Arenona ke ne o but hnyi bucen Siona (wale Heremona),

Josua 12:1

WALANG li thaniny hnyei a kot ge lakon Isaraela, me hom idrin hnyei hnyi ke keihen Joridano hnyi hna o hnen seûno, hwân hnyi hnyigöulen bucen e Arenona ke ne o but hnyi bucen Heremona, me dok ae tha hon hia e deiö:

Josua 13:8

ke haba e, a tha e me at Reubena me Gada ödrin e hia but kap idrin, wale a ham ködrin Mose hnyi hoton Joridano e deiö, helâji me a ham ködrin Mose athnyabai Iehova;