Deuteronomi 3:3 - Iaai Bible 1901 (New Caledonia)

³ Ke Iehova Khonguta ame hnö Oga minya thaniny Basana me lakeiny hia ka hnyi hnyamöta, mʼ ate me kuc ödra, ke ne o but ame ba kolon.

Deuteronomi 3:3 ပူးပေါင်းရင်းမြစ်များ

Salamo 136:20

Me Oga tuhan Basana: Anyin a nyiele balua anyin ibetengiö:

Numera 21:35

Me adre me kot e, me lakon, me lakeiny hia, ke ba kolon gadra: ke adre me labā iny hnyei.

Deuteronomi 29:6

Öbun e ca han areto, me ijem waina me grâg: me me khanʼ öbun a inya Iehova Khongubun.

Deuteronomi 3:2

Ke Iehova ame ha könya, ka habe, U me ca he ka outen e, anyin a oge me hna e, me lakeiny hia, me iny hnyei ka hnyi hnyamâm; ke u me he ka ânyâ kâu helâji me hnâm hna ânyâ kö Sihona thaniny at Amora at ame laba e Hesebona.

Deuteronomi 3:4

Ke ate me hûgûnâ anyin ta je taun hia hnyi ûen eling; ke ba taun ate me ca hûgûnâ ûnyi gadra; a sikste je taun, wale hnyei hia hnyi Aregoba, dökhu dökhu Oga e Basana.

Deuteronomi 4:47

ke adre me labā iny hnyei, me hnyei i Oga thaniny Basana, a li tuhan at Amora, a walʼ ödru hnyi hoton Joridano hnyi hna o hnen seûno;

Josua 13:12

me dok bu hia dökhu Oga hnyi Basana, at ame musi hnyi Aseterotha, me Ederei (wale ke je kolon tavat ao beû); anyin a Mose ame kuc ödrin me obʼ ödrin dut.

Josua 13:30

Ke haba hnyigöulödrin, me, hwân hnyi Mahanaima, Basana hia, a je dökhu hia dökhu Oga than Basana, me je taun hia anyi Jaira, wale hnyi Basana, je taun a sikste: