Deuteronomi 3:2 - Iaai Bible 1901 (New Caledonia)

² Ke Iehova ame ha könya, ka habe, U me ca he ka outen e, anyin a oge me hna e, me lakeiny hia, me iny hnyei ka hnyi hnyamâm; ke u me he ka ânyâ kâu helâji me hnâm hna ânyâ kö Sihona thaniny at Amora at ame laba e Hesebona.

Deuteronomi 3:2 ပူးပေါင်းရင်းမြစ်များ

II. Man Ûlabainy Je Than. 20:17

E ca ûnyi hnathu köbun he ka vat eling: tot metâ ju, me todru, me wâ ûhomeli anyi Iehova hobi köbun a at Juda me Jerusalema: ca ot bi, me ca öbubuny: he thʼ öbun ködrin nyi: anyin a tha Iehova möbun.

Isaia 41:10

awe, ca ot bi, anyin a tha inya möu; ca hlohlo bi, anyin a inya Khongom: oge me he ka ohwegiö u; eke, oge me he ka hadruo u; eke, oge me he ka ci u ge hnyamök a metök ae wisa.

Isaia 43:5

Ca ot bi, anyin a tha inya möu: oge me he ka hom ta je mâtrânâm ûheny jimeio, me ûkhaca-köuö u ûheny jimeû;

Numera 14:9

Ke so bi ca he öbun ke ivinö me Iehova, ke ca he öbun ka outen tavat a idra hnyei; anyin a ödra areto bi hobi köhmun: kʼ adre hia but hom unyidra ûnyi hnân tuʼ ödra bi, ke e unyita Iehova: ca oûtʼ ödra.

Numera 21:34

Ke Iehova ame ha kö Mose, ka habe, U me ca he ka outen e: anyin a oge me hna e ka hnyi hnyamâm, me lakeiny hia me iny hnyei; ke u me he ka ânyâ kâu helâ me hnâm hna ânyâ kö Sihona tuhan at Amora, waleji ame laba hnyi Hesebona.

Ta je huliwa 18:9

Me ame ha Than kö Paulo hnyi hna omanenâ hnyi lit, ka habe, Ca ot bi, ke fuc dö, ca laba hnyibû bi:

Ta je huliwa 27:24

ame ha, ka habe, Paulo lö, ca ot bi; anyin a u me he bala ka tot hnyi hnyimakö Kaisara: ke wâ bi, a hia but Khong ham ödra hia köu, tavat adre me tha kec möu.

Deuteronomi 20:3

me ha ködra, ka habe, Isaraela lö, long ju, öbun e he ka vat hnyi bong ang me je iwahnaihmiony möbun; ca hlohlo bi je hnyekubun; ca ot me öbubunv, ke ca he öbun ka ot gadra;

Deuteronomi 3:1

ME ate me khenyi me he hnyi gethen ûhenyʼ Basana: me ame o but Oga than Basana ûcûta, a e me lakeiny he ka vat hnyi Ederei.

Deuteronomi 3:11

(Anyin a haba Oga thaniny Basana, me hake e thibi kolon at Refai; wâ bi, haba hnen hna mokut, me fao; hawa ca e hnyi Raba taun anyin laku Amona? haba ibeûen e me nain ta kubit, ke foa kubit ûlauen, hoton kubitiny at.)

Deuteronomi 3:3

Ke Iehova Khonguta ame hnö Oga minya thaniny Basana me lakeiny hia ka hnyi hnyamöta, mʼ ate me kuc ödra, ke ne o but ame ba kolon.

Josua 10:8

Ke haba Iehova ame ha kö Josua, ka habe, Ca ot gadra: anyin oge hia but hnʼ ödra ka hnyi li hnyamâm; ke ame ca he ke at gadra ka tot hnyi hnyimâkâm.

Hna Omanenâ 2:10

U ma ca outen ta je ûnyi ame he ka oveci u: wâ bi, ame he diabolo ka khûâ keihen gabun ka hnyi uma ceat, mʼ adre me he ka cubic öbun: ke ame he ka libenyita je bonginy vec a öbun. U ma hnathu ju ke ne o but ka hnyi mok, me oge me he ka ham köu koronainy möt.