Deuteronomi 27:7 - Iaai Bible 1901 (New Caledonia)

⁷ ke u me he ka hudo je hudiny ûsoköu, me han eling; ke u me he ka senyin hnyi hnyimakö Iehova Khongom.

Deuteronomi 27:7 ပူးပေါင်းရင်းမြစ်များ

Nehemia 8:10

Ke e ame ha ködrin, ka habe, He thʼ öbun, an ju pipikhenya me ijem ûnyi ae senem, me kunâ je jekhoû ka tavat adre me ca penapena hobi kâu: anyin ae kap ka Tuhötin bong ang: ke ca he öbun ka hmak; anyin a haba tang hwegiöbun me senyin kö Iehova.

Isaia 12:3

Anyin a wale öbun e he ka se köiö me senyin ûnyi hnyi je pupuainy möt.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Habakuka 3:18

Ke so bi oge me he bala bi nya ka hobâ kö Iehova, Oge me he ka senyin ka Khong at ame omeli nya.

Ta je huliwa 10:36

Haba hofuc waleji e amo kunâ ka lakon Isaraela, kʼ ame khetâ ûthumetu ae so hnyi ûsoköu a deny Iesu Keriso, (e thibi Tuhan ae nua)—

Roma 5:1

ANYIN a wale, adre me haiwisʼ öta hnen labageju, ke so ate me ûsoköu me Khong a deny Tuhöta Iesu Keriso;

Roma 5:10

Anyin a ne ûsoköu öta me Khong ûnyi ge mok anyin Nokon, waleji kʼ öta tiga iwahnaihmiony, me e gan hmâ hna he ka omeli öta hnen anyin möt, kʼ ate me ûsoköu më.

Deuteronomi 12:12

ke öbun e he ka senyin hnyi hnyimakö Iehova Khongubun, öbun, me lakubun obaga, me lakubun wahlu, me lathnyabaibun obaga me omomo, me at Levi hnyi anyibun je lap, anyin ae ba hwajekhon, ke ba iny bi unyibun.

Deuteronomi 12:7

ke öbun e he ka han e hnyi hnyimakö Iehova Khongubun, me öbun e he ka senyinâ ta je ûnyi hia öbun e ânyâ, öbun me anyibun je lap, wale ame ohnahici u hnyin Iehova Khongom.

Deuteronomi 16:11

ke u me he ka senyin hnyi hnyimakö Iehova Khongom, u, me nokom baga, me hlu, me athnyabaem a baga, me momo, me at Levi hnyi je hnyabam, me atkanyua, me nakahme, me safac unyâm, hnyi dok ame he Iehova ka ûca hnân umen ien.

Deuteronomi 16:14

ke u me he ka senyinâ ânyâm bijeû, u, me nokom baga, me hlu, me athnyabaem baga, me momo, me at Levi, me atkanyua, me nakahme, me safac hnyi ta je hnyabam.

Deuteronomi 27:6

U me he ka otilâ taben hut kö Iehova Khongom ge je veto ae bekhöt, ke u me he ka hudo hon je hudiny leû kö Iehova Khongom:

Deuteronomi 27:8

Ke u me he ka sihnalimen manenâ hon je vetoiny ta je hofuciny hia hnanyibu eang.

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Filipi 4:4

Senyin bala thö ka Than: ke inya hmetu oge me ba, ka habe, Senyin dö.

Kolose 1:20

me he ka öûsoköuâ ta je ûnyi hia thithö a deny e, e ka hia but öûsoköuâ ge dren anyin satauro; wale a deny thibi e, ame ne ta je ûnyi eang hmeledrany me ethö hnyi drany.