Deuteronomi 27:3 - Iaai Bible 1901 (New Caledonia)

³ ke u me he ka sihnalimen hon ta je hos uciny hia hnanyibu eang, u ka hia but he hanyâûâ; mʼ u me he ka he ka hnyi hnyei a ham köu Iehova Khongom, a hnyei ame di hnen debai me hani, helâ me Iehova Khongon lakâmâm ame hia but ha bânâ köu.

Deuteronomi 27:3 ပူးပေါင်းရင်းမြစ်များ

Jeremia 11:5

me inye he ka ohwâdâ ûhihinyköu oge khemanyinâ ka lakamöbun, he ka ham kodra hnyei ame di hnyin debai me hani, helâ me hnyi bong ang. Me oge me thu me ha, ka habe, Iehova lö, Amen.

Jeremia 32:22

ke u je ham kodra hnyei ang, waleji u je khemanyinâ ka lakamödra he ka ham kodra, hnyei ame di hnyin debai me hani;

Levitiko 20:24

Ke oge hia but ha köbun, ka habe, Ame he ka bu köbun idrin hnyei, ke oge me he ka ham e köbun he ka labâ, wale hnyei ame di hnyin debai me hani: Inya Iehova Khongubun, at ame ucʼ öbun ûnyi hnyi ta je hnyei.

Numera 13:27

Ke ödrin e thumeto e, ka habe, Ohmun e o but ka hnyi hnyei u je kunʼ ohmun ka hnyin, ke e hnathu ame di ge debai me hani; ke walang waniny.

Numera 14:8

Ame ne senyin köta Iehova, me e ame he ka hum ota ka hnyi hnyei, me ham köta; a hnyei ame di hnyin debai me hani.

Deuteronomi 26:9

ke e ame hia but hum ota ka hnyi dok ang, me ham köta hnyei ang, hnyei ame di hnen debai me hani.

Deuteronomi 6:3

Isaraela lö, löng ju, me tuö he ka ânyâ: mʼ ume so, me öbun e he ka ti se hia, helâ me hna ha bânâ köu hnö Iehova Khongon lakâmâm hnyi hnyei ame di hnyin debai me hani.

Deuteronomi 6:8

Ke u me he ka ca hofuc eling hnân haten hnyi hnyamâm, ke wale minya hnân wen bariny wanben li emakâm.

Heberu 10:16

Walang ûhihinykön oge me he ka ânyâ mʼ ödra Hwaban ta je bong e, haingen Than; Ka habe, Oge me he ka ip anyik ta je hnanyibu hnyi je hnyekudra, Ke oge me he ka sihnalimen e minya hnyi je ûnykûmenödra; waleling me me ha, ka habe

Josua 5:6

Anyin a haba lakon Isaraela adre me vheno hnyebuba fâte je huna, ke ne o but ame hia tavat adre hnyi vat ûhedra Aigupito, anyin adre me ca long hoton hofuc ho Iehova: me Iehova ame khemanyin ködra a gʼ ame ca he ka omanenâ ködra hnyei, waleji a khemanyin Iehova ka lakamödra he ka ham köta, wale hnyei ame di ge debai me hani.

Josua 8:32

Ke e ame sihnalimen hon je veto eling hna oc hnanyibu anyi Mose, waleji e ame sihnalimen hnyi hnyimakan lakon Isaraela.