Deuteronomi 27:1 - Iaai Bible 1901 (New Caledonia)

¹ KE haba Mose me wahingatiny at Isaraela ödrin e hûna ka tavat, me ha ka habe, Tuö ju ta je hnanyibu hia oge me hûna köbun hnyi bong ang.

Deuteronomi 27:1 ပူးပေါင်းရင်းမြစ်များ

I. Man Ûlabainy Je Than. 28:8

Ke walang ang, inya oge me ba hnyi hnyimakan at Isaraela hia, a ûkhacaköu anyi Iehova, ke ame long minya Khongutin, ka habe, Wâ wia ju, me elâm dö ta je hnanyibu anyi Iehova Khongubun; me me hu gabun hnyei ang ae so, me hnân iny lakubun hwaböbun nyiele balua.

Salamo 78:7

Mʼ adre me he ka geju ka Khong, Me ca hnying je huliwa anyin Khong, Mʼ adre me he ka tuö anyin je hnanyibu:

Luka 11:28

Ke e ame ha, ka habe, E beönua bi hnahic hnen tavat adre me long hofuc hwan Khong me vheno e.

Ioane 15:14

Öbun e ne he ka ânyâ ta je ûnyi oge hûna köbun, je lahanök öbun.

Deuteronomi 1:1

WALANG ta je hofuc a ha Mose ka lakon Isaraela hia hnyi hoton Joridano, hnyi hnyebuba, hnyi Arabah cicö Sufe, hnyi wanben Parana me Tofel, me Labana, me Hazeroth me Dizahab.

Deuteronomi 11:32

Ke hamöbun he ka tuö me ânyâ je hnanyibu hia, me je hna owisa wale oge me ip hnyi hnyi-ʼ maköbun hnyi bong ang.

Deuteronomi 26:16

Haba hnyi bong ang Iehova Khongom ame hûna köu he ka vheno je hnanyibu eang, me je hna owisa, ke u me he ka tuö me ânyâ ge hnyekom ae bekhöt, me hanom ae bekhöt.

Deuteronomi 26:19

kʼ ame he ka obeönuai u hon je hnyei hia e ame op, hnân haisoâ, me hnân ien bi, me hnân ogânâ; mʼ u me he ka hnyei ae kap hobi kö Iehova Khongom hoton hofuc waleji e ame ha.

Deuteronomi 27:2

Ke haba hnyi bong öbun e he ka hanyâûâ Joridano ka hnyi hnyei a ham köu Iehova Khongom, me u me he ka khon je veto ae gan, me botru dröuiny:

Deuteronomi 6:17

Öbun e he ka tuö wia je hna hûna hnö Iehova Khongubun, me hnen je hna ohnatho, me anyin je hnanyibu, wale e ame hûna köu.

Iakobo 2:10

Anyin a haba at ame he ka löng hoton je hnanyibu hia, kʼ ame hanyâûâ thibut khaca, me helâke a hanyâûâ hia but.