Deuteronomi 26:8 - Iaai Bible 1901 (New Caledonia)

⁸ me Iehova ame hum ota ûheny Aigupito ge hnyam ae hwege, me benyin adre hai, me je ûnyi hnân outen, me je haten, me je ûnyi hnân lâiâ:

Deuteronomi 26:8 ပူးပေါင်းရင်းမြစ်များ

Esodo 12:37

Ke haba lakon Isaraela adre me he ûhedra Ramase Sukotha ai, ame ne siks haded thauzan tavat adre he, kʼ adre ca aû bi ta je wanakat.

Esodo 12:41

Ke haba hnyi obiny je huna a foa haded ke thöte, hnyi bong eling ame he but ta je köiö anyi Iehova hia ûhedra hnyi hnyei Aigupito.

Esodo 12:51

Me haba hnyi bong heling, Iehova ame hom lakon Isaraela ûnyi hnyi hnyei Aigupito hoton anyidra je dö.

Esodo 13:3

Ke haba Mose ame ha ka tavat, ka habe, Ûnykûme ju öbun bong eang, bong öbun e he but ûhebun Aigupito hnyin, ûnyi hnyi hnyaban at hwenbâ; anyin a ûnyi ge hwegien hnyamö Iehova, e ame hum öbun ûnyi hnyi dok e: adre me ca he ka han areto adre levenâ.

Esodo 6:6

Anyin a wale, ha thö ka je lakon Isaraela, ka habe, Inya Iehova, me oge me he ka hum öbun ûnyi hnyi ta je huliwa ae hmak anyin at Aigupito, kʼ oge me he ka hûgûn ʼöbun ûnyi hnyi hnödra hna bwenböbun, kʼ oge me he ka omeli öbun ge hnyam adre hai, me hna owisa ae gan hmâ;

Isaia 63:12

At ame su ödra ge benyen ae hmanenang tha e me hnyam a metö Mose? at ame subâ luâ köiö hnyi hnyimakodra, me wia hobi kâu bi ien a nyiele balua?

Jeremia 32:21

ke u je hom lakem a Isaraela ûnyi hnyi hnyei Aigupito ge je haten, me je ûnyi hnân lâiâ, me hnyam ae hwege, me beny adre hai, me ûnyi hnân ot ae gan hmâ;

Deuteronomi 34:11

wale hnyi ta je haten me ta je ûöman hia, waleji Iehova ame kunâ he ka ânyâ hnyi hnyei Aigupito, ko Farao, me lathnyabainy hia, me iny hnyei hia thithö;

Deuteronomi 34:12

ke ûnyi hnyi hwegien hnyamen hia, me hnyi ûnyi hia hnân outen ae gan hmâ, waleji a ânyâ Mose hnyi hnyimakan at Isaraela hia thithö.

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

Deuteronomi 5:15

Ke u me he ka ûnykûme a gʼ adre thaluö u hnyi hnyei Aigupito, ke haba Iehova Khongom ame hum u ûheny e ge hnyam ae hwege me benyin adre hai: anyin a wale Iehova Khongom ame hûna köu he ka tuö bong sabath.