Deuteronomi 26:5 - Iaai Bible 1901 (New Caledonia)

⁵ Ke u me he ka thu me ha hnyi hnyimakö Iehova Khongom, ka habe, Haba kamök, me, at Suria ame he but ka mok, ke e ame he Aigupito ai, kʼ ame laba atkanyua eling, ke e wakhalet thibi; me e ame wia ka hnyei ae gan, ke hwege, ke se hia:

Deuteronomi 26:5 ပူးပေါင်းရင်းမြစ်များ

Genese 12:2

ke oge me he ka wiö u me me dökhu ae gan, ke oge me he ka ohnahici u, me ogânâ iâm; ke u ma he ka hnahic:

Genese 24:4

ke u ma he ka hnyi ik hnyei, me anyik lap, me hok âiân nökuk jia Isaaka.

Genese 25:20

ke fâte ta je hunai Isaaka e ame hum Rebeka nöku Bethuel at Suria, a at Padana-rama, hani Labana at Suria, me me âiân bi.

Genese 27:41

Ke Esau ame hûkötö ga Jekob, can hnahic a ham kâu kamen: ke haingö Esau eû hnyi hnyekon, ka habe, E hakekeny jut ûen ka hnyamoki Cica, me oge me he ka hlingö Jekob a keik.

Genese 28:5

Ke Isaaka ame kunö Jekob: me e ame he Padanarama ai kö Labana, nöku Bethuela, at Suria, hani Rebeka, hinyö Jekob me Esau.

Genese 31:20

Ke Jekob ame kec duöng ga Labana at Suria, anyin a e ame ca thumetu a e ame he ka kec.

Genese 31:24

Ke Khong ame o but kö Labana at Suria hnyi bwi hnyi hnyinghet, me ha kâu, ka habe, Wâ eâu kʼ u he thö ka ha kö Jekob so me kong.

Genese 31:40

Waleji hwakecik, haba hnyi je lany seûnö ame okongu nya, me megic hnyi hnyinghet; kʼ oge me ca wen mokut.

Genese 43:12

ke hom dö je tang mone a usa lo hnyi je hnyamöbun; ke haba je mone adre hitangen hnyi hnyimen tangöbun je tang, hom hmetu thö hnyi je hnyamöbun; wâ adre nye ânyâ monoâ:

Genese 45:11

kʼ oge me he ka tuö u eling, anyin a thabûng biju je hunainy hmiâ; wâ u nye theduoc, me ânyâm lap, me ânyâm ta je ûnyi hia

Genese 45:7

Ke Khong ame kunâ bân inya he ka tuʼ öbun a kolon biju hnyi hnyei, me he ka omeli öbun hnen ûhömeli ae gan.

Genese 46:27

ke lo laku Josefa e ame hnokoâ hnyi hnyei Aigupito: kʼ ödrin sevente tavat hia hnyi lap anyi Jekob, wale tavat ödrin e o hnyi hnyei Aigupito.

Genese 47:27

Ke Isaraela ame laba hnyei Gosena, hnyi hnyei Aigupito; ke hu idrin eling, kʼ ödrin e hât me si gan hmâ.

Genese 47:4

Ke haingödrin kö Farao, ka habe, Öhmun e o but he ka laba kanyua hnyi hnyei; anyin ae ba an je hnahat haleny lathnyabaem; anyin ae gan hmâ hmiâ hnyi hnyei Kanana: ke ö u he walang ang ka hnʼ öhmun a lathnyabaem ka laba hnyi hnyei Gosena.

Esodo 1:12

Ke e gan hna okongu ödra, ke gan minya ûdudui ʼdrin me si. Ke hmak je hnyekudrin can lakon Isaraela.

Esodo 1:5

Haba je hnyat hia a je mâtrâni Jekob, me ödrin sevente: ke Josefa bi hnyi Aigupito.

Esodo 1:7

Ke ame dudu me si but ta je lakon Isaraela, me se hia, kʼ adre me hwege tot; ke unöngötö hnyei gadra.

Hosea 12:12

Ke haba Jekob ame kec ka hnyi utkânâ hnyi Aram, kʼ ame huliwa Isaraela hnân he ka bi hwaban momo, kʼ ame tuö mamoe hwaban âiân.

Hosea 12:13

Ke haba Iehova ame hum Isaraela ûheny Aigupito a deny perofeta, me tuö e a deny perofeta.

Ta je huliwa 7:15

Me ame he Jekob Aigupito ai; ke e ame mokcu me je lakamöta;

Deuteronomi 1:10

hnö Iehova Khongubun hna osehiʼ öbun, ke wâ bi, helâ me je okhûiny drany ûsehiaibun hnyi bong ang.

Deuteronomi 10:22

Ame he lakâmâm Aigupito ai ehac a ödrin sevente tavat ke walang ang Iehova Khongom ame wiö u mʼ u me helâ me je okhûiny drany ae se hia.

Deuteronomi 26:4

Ke ame he at bihut ka kap tang ûnyi gam, me ip hnyi hnyimakan taben hut anyi Iehova Khongom.

Deuteronomi 7:7

Haba Iehova ame ca betenge köbun, me ucʼ öbun can öbun se hia hon je hnyei hia: anyin a öbun tavat ae ûhnyûkong hmönyin ehac: