Deuteronomi 22:8 - Iaai Bible 1901 (New Caledonia)

⁸ U je ne up uma a teb ûnyi, me u me he ka bi haginy ethö hnyi ban umâm uma igigilö, wâ e nye takoû umâm uma ge dra, ame ne kolu at ûheny thö.

Deuteronomi 22:8 ပူးပေါင်းရင်းမြစ်များ

II. Samuela 11:2

Ke haba hnyi sahac Davita ame todrö ûheny hon hnen hna mokut, me ngenu hon uma umen than: ke e ame wâ ûnyi hnyi hon uma ke momo ame soû; ke e te hmanenang momo at ka wâ.

Esodo 22:6

A ne o thö meic me thong ta je ûö ae ûdedö, me le hwit ame ta, ame ne hwit ame tot, ame ne hnyei; me ame he ka bi hwaban hnen at a hlogon.

Isaia 22:1

HOK honen hnyigöulen bucen adre me omanenâ hnyin. Ieû gam walang ang a u je tha ölö ka hnyi hon je ban uma me je âtâm hia?

Jeremia 19:13

ke haba ta je uma hnyi Jerusalema, me ta je uma umen je than Juda, a je uma adre oikikiâ, ame he ka helâ me Tofet, wale je uma hia thithö waleji adre me leû utö ae bo so ka hnyi hon ka ta je ûnyi hia hnyi drany, me hingâlâ hudiny ic ka ke je khong.

Ezekiela 3:18

Iny ka ha ka at ae kong, ka habe, U me he ka mok; ke u je ca koû kâu, ke ca fuc he ka khû hnyikonyen at ae kong ûnyi hnyi deny gethen ae kong me me möt; awe, ame he at ae kong ka mekiny anyin hulo; ke oge me he bi nya ka elâm dren gam.

Ezekiela 3:20

Ke haba khaca, ame ne hmetu thö at ae wisa ûnyi hnyi hwakecin ae wisa, me ânyâ hulo, ke inya oge me ip ûnyi hnân öthöâ hnyi hnyimakan, me e ame he ka mok: e ame he ka mekiny anyin hulo, kʼ adre me ca he ka ûnykûme hwakecin ae wisa e ame ânyâ, anyin a u je ca koû kâu; kʼ oge me he bi nya ka elâm dren gam.

Mataio 10:27

Haba ûnyi oge me ha köbun hnyi menekholom, ha thʼ öbun hnyi melam: ke haba hnobun hna long ge je hnyikönyöbun, khetâ thö hon ban je uma.

Mareko 2:4

Ke ca khanʼ ödrin bi he ka hakekenyâ e, anyin ae ûhneki tavat, me ödrin e khong hon uma wale hnyi dok a e cicö: ke ödrin e hia but kia, me ödrin e hnahna but hna mokut wale ame mokut at ae mat hon.

Ta je huliwa 10:9

Nyi, tiga ödrin eû hnyi gethen, ödrin hakekeny jut ka hnyi taun, haba Peteru ame ölö thö ka hnyi hon uma he ka hic [hnyi awa a siksiny:

Roma 14:13

Anyin a wale ca he hmetu ota ka ûûnykûmköu: ke so bi he ka ûnykûme ûnyi thibi ang, a ca he ke at ka ip hnân othöâ, ame ne ke ûnyi hnân ovhelâ liamekeiny.

I. Korinito 10:32

Ca he öbun ka bi joniny ka at Juda, me at Heleni, me ekalesia anyin Khong:

Deuteronomi 22:7

ke u me he ka hna but hinyen, ke e khatö u he ka hom lakon nobi köu bi; me u me so, me se hia bongom je bong.

Deuteronomi 22:9

U me ca he ka ta hatong a lo li bongon hnyi em hnyei vine: wâ e nye hia but wan hia, wale je hatong u je ta, me wan em hnyei vine.

Filipi 1:10

mʼ öbun e he ka haisoâ ta je ûnyi ae so; mʼ öbun e he ka hnyok hnathu, ke ba hnyikongon gabun ke ne o but hnyi bong bongon Keriso;

I. Thesalonika 5:22

ûsâkâûö but me je ûnyi hia a helâ me monu.

I. Samuela 9:25

Ke ödrin e utut ka hnyi taun ûnyi hnyi dok ae görany, me haba Samuela ame ûhnenamö me Saulo hon uma.