Deuteronomi 2:30 - Iaai Bible 1901 (New Caledonia)

³⁰ Ke e höcö Sihona than Hesebona he ka hnʼ ota ka gethen unyin: anyin a Iehova Khongom ame okhötâ hnyekon, me ohwegiâ hnyekon, me me he ka hna e ka hnyi hnyamâm, a helâe hnyi bong ang.

Deuteronomi 2:30 ပူးပေါင်းရင်းမြစ်များ

I. Je Than 12:15

Me ame ca long bi than ka tavat; anyin a ûnyi ga Iehova ûnyi eling, me me ohwâdâ hwan hofuc, waleji ame ha Iehova kö Jeroboama nöku Nebata a deny Ahia at Silo.

II. Man Ûlabainy Je Than. 10:15

Ke ame ca long bi than ka tavat; anyin a ûnyi ge Khong, me me he Iehova ka ohwâdâ hwan hofuc waleji e ame ha kö Jeroboama nöku Nebata deny Ahia at Silo.

Esodo 11:10

Ke Mose me Arona ödru me ânyâ ta je ûnyi hnân lâiâ hnyi hnyimakö Farao: ke Iehova ame onâkâ hnyeku Farao, me ame ca hna lakon Isaraela ûnyi hnyi iny hnyei.

Esodo 4:21

Ke Iehova ame ha kö Mose, ka habe, U ka he hmetu Aigupito ai, ûnykûme ju he ka ânyâ ta je ûnyi hnân lâiâ hia hnyi hnyimakö Farao, waleji oge ip hnyi hnyamâm: ke oge me he ka okhötâ hnyekon, me ame ca he ka hna tavat.

Esodo 7:14

Haba Iehova ame ha kö Mose, ka habe, A khöt ut hnyeku Farao, kʼ ame höcö he ka hna tavat.

Isaia 48:4

E khanö nya a u at ûjöng, ke toiny fao nyem, ke bras barem;

Je tenge anyi Jeremi 3:65

U me he ka ham kodra hnyok ae khot, ke hângʼ ödra but.

Numera 21:23

Ke haba Sihona ame ca hna at Isaraela ka he hnyi wanben iny hnyei: ke so bi Sihona ame ûkhacaköuâ lakeiny hia, kʼ ame he hnyebuba ai he ka tet metâ ka at Isaraela, kʼ ame o hnyi Jahaza, me ame vat me at Isaraela.

Numera 21:33

Ke adre me hwiö me he hnyi gethen Basana: me ame o but Oga than Basana ködra, a e me lakeiny hia, me me vat hnyi Ederi.

Numera 21:34

Ke Iehova ame ha kö Mose, ka habe, U me ca he ka outen e: anyin a oge me hna e ka hnyi hnyamâm, me lakeiny hia me iny hnyei; ke u me he ka ânyâ kâu helâ me hnâm hna ânyâ kö Sihona tuhan at Amora, waleji ame laba hnyi Hesebona.

Deuteronomi 2:31

Ke Iehova ame ha könya, ka habe, Wâ bi oge me hwân ang ka hnö Sihona, me iny hnyei köu hnyi hnyimâkâm: hwân dö he ka hom, mʼ u me he ka labā.

Owisa 11:20

Ke haba Sihona ame ca kap ho Isaraela he ka vheno hnyi iny hnyei: ke Sihona ame ûkhacaköuâ lakeiny hia, me hunuma hnyi Jahaza, me vat me Isaraela.