Deuteronomi 2:11 - Iaai Bible 1901 (New Caledonia)

¹¹ adre bawʼ ödra me at Refai, helâ me at Anaka; ke haba at Moaba adre me hwenyi iödra, me, at Emi.

Deuteronomi 2:11 ပူးပေါင်းရင်းမြစ်များ

Genese 14:5

Ke haba hnyi huna fotininy ame o thö Kedalaoma, me ta je than a tha ödrin më, me kot at Refai hnyi Aseterotha-karenaima, me at Zuzi hnyi Hama, me at Emi hnyi Save-kiriathaima,

Genese 6:4

Haba hnyi je bong eling e hu je Nefilim eang hmelen, me hnyi je bong minya a biliny, waleji hnyi ûen ame o but ta je lakon Khong ka lakon tavat a ta je hlu, ke adre me hnokoâ lakudra: haba tavat eling waleji tavat ae hwege ehac, me tavat ae lung.

II. Samuela 21:16

Ke haba Isebi-benobe, wale hanen lakon at ae beû, ke kun ta haded sekel bras ihmakiny dân ö, ke adre oweikâ e ge hele vat ae teb ûnyi, e ame ûnykûme he ka kuc Davita.

Numera 13:22

Ke ödrin e ölö hnyi Hwaiöu, me o hnyi Heberona; wale Ahiman, me Sesai, me Talemai, a laku Anaka. (Ke haba Heberona, me adre bödra ka op e ehac seven ta huna e tiga ca op Zoana hnyi Aigupito.)

Numera 13:28

Ke so bi e hwege tavat a idra hnyei, ke adre up haginy je taun, ke e ti gan: ka ohmun e wâ eling je laku Anaka.

Numera 13:33

Ke ohmun e wâ eling ta je hmai ae beû hmâ, a je laku Anaka, a mâtrâniny je hmai ae beû, ke ohmun helâ me je wahamon hnyi hnyimaköhmun, ke helâe minya hnyi hnyimaködrin.

Deuteronomi 1:28

Ate me ölö ua? haba je liamekeiny möta ödrin e oköiâ je hnyekuta, haingödrin, ka habe, E gan hmâ tavat me beû huta; ke gan hmâ je taun adre up haginy ke ne o but ka hnyi drany; ke haba khaca ohmun e wâ eling je laku Anaka.

Deuteronomi 2:20

(Adre me hawâ hnyei eling minya me hnyei tiny at Refai: kʼ ame laba eling at Refai ehac; ke ame hwenyi iödra hnen at Amona, me, at Zamezumi;

Deuteronomi 3:11

(Anyin a haba Oga thaniny Basana, me hake e thibi kolon at Refai; wâ bi, haba hnen hna mokut, me fao; hawa ca e hnyi Raba taun anyin laku Amona? haba ibeûen e me nain ta kubit, ke foa kubit ûlauen, hoton kubitiny at.)

Deuteronomi 9:2

a tavat ae gan me beû, je laku Anaka, tavat ae khanö u, kʼ u je löng hnödra hna ha gadra, ka habe, Ie at ame he ka tot hnyi hnyimakan je laku Anaka?